حەشاش چنە مەکریۆ یۆ چا چێوە بنەڕەتیا کە هەورامان پادٚیەوە مژناسیۆ و قنج و قیت دلێبەرەو فەرهەنگی جەهانیەنە مدران بە پاوە!،هۆنەروو گۆرانیاشا تایبە سیاوچەمانە. هەوازێوی حەنەر و چریکێوی بێ وێنە. ئا هەوازە کە تا ئیسە بێژگەو هەورامی زوانی هیچکەسی نەتاڤان واچۆش!!.
ئینە ئانەیە میاڤنۆ هۆنەری هەرەقەتین لاساوێ(یەنگێ)مەکریۆوە. یۆ چا یاگاو هەورامانیە کە پەی بنەرەدای، ئەوەساسەی، ترۆق دای و وەڵ وسای گۆرانیێ هەورامیێ پێسە پەرگەمای پەی کڵاشی بیەن شاروو نۆدشەیا. نۆدشیەکێ ئێژانیوی تایبەشا پەی گۆرانیا نیانەرە و دایمە و پەی گردٚ سەرەوەختیوی گۆرانیەواچێ چنەئامای و دەنگ وەشێشا چنە هۆرکەوتێنێ کە هەر یۆشا پەی ماوێوی شانازی خزمەت بە فەرهەنگوو وەڵاتیشا پنە بڕیان.جە مامۆ هەیدٚەر
حەمەجافروو حەمێ
دارچینی
حەمەعەلی ئەولغەفاری
تۆفێقوو کۆفێ 
گێرە تا میاڤۆ لاو هووشیاری و حەمەی و ئێسماعیلی و.....
کریۆ واچی نۆدشە پاڵوو کەیمنەی و نەوسوودٚ شۆشمێ نە پشک دارێ گۆرانیێ هەورامیێنێ کە سەردٚا و گەرماو ڕۆزگاری نەتاڤانش کەرۆ کارێو ئی یاگێ دەس جە خزمەت بە گۆرانیە هەورامیە ڕەسەنا کێشا.بەڕاسی نۆدشە کۆگاو هۆنەری بیەن و هەن،ئیسەیچە بە گردٚوو ئا هڕووم و هەوکەو فەرهەنگە زاڵە جەهانیا ملوو فەرهەنگە گولالە بێ هازەکارە نۆدشەنە خەڵک پاڵپشتێ هۆنەری ڕەسەنیشانێ،حەز پنە کەرێ هۆنەرمەندەکاشانێ و هەرزەکارەکێش بە ئەوپەڕوو وەشەویسیەوە ملا پێوای گۆرانیەکاشاوە.ئینە نیشانێو ژیری،فامداری و گەشاوەزی نۆدشیەکان کە دلێ سەرەوەختوو ئاسنی و ئاوەزە ئاسنینەکانە هەڵای دڵ تەڕێ و هەست ناسکێنێ و مزانا هۆنەری هەرەقەتین یانێو گۆش شل کەردٚەی بە هەوازێڤوو سیاوچەمانەکەو مامۆ هەیدٚەری نەک وێ ورتەی و وێ ئەسپارای بێ ویری!

نۋیسەر/ ئۆمید حەبیبی- نۆدشە
سەرچەمە/ جە پەیانەو فەیسبوکو نۋیسەری هۆرگێریان