بۊنەو ئا كۊكوشییه‌یۊ کە ساڵەو ٢٠٢١ ده‌وڵه‌توو توركی دەگاو سكێنی-ی سه‌ر به شه‌نگالینە بە هجوومی عاسمانی کەردش و خەسەخانەو دەگێکێنە ٨ كه‌سۍ مەرڎۍ، نه‌ته‌وه‌یۊگێرتەکانە سكاڵا سه‌رشۊ تۊمارە كریا.
بۊنەو ئه‌و كۊكوشییەکەو ڕۊو ١٧ ئابوو ٢٠٢١، کە خەسەخانێوە شه‌نگالینە کریا و دلێشنە ٨ كه‌سۍ مەرڎۍ. له نه‌ته‌وه‌یۊگێرتەکانە سكاڵا سه‌روو ده‌وڵه‌توو توركی كه به هجوومی عاسمانی ئا خەسەخانەشە كەرد ئامانج، تۊمارە كریا.
یه‌كه‌و چەنەپەسدایۊ،كه سه‌روو مافوو ئینسانی هەرمانە کەرۊ، لاو بڕۍ پارێزنە‌راو بواروو مافوو ئینسانیوە کە بەریتانیا پاڵپشتییش کەرۊ، چەنی ڕێكوزیاو گلێرگەی مه‌ده‌نیی "ژەنۍ پەی دادپه‌روه‌ری" ئاڵمانیانە، به‌ڕسمی سه‌رۍ ئه‌نجوومه‌نوو مافوو ئینسانوو نه‌ته‌وه یۊگێرتەکاشا دا و سكاڵاشا دژوو ده‌وڵه‌توو توركی تۊمارە كەرڎە.
ساڵەو ٢٠١٧یۊ ٨٠ ئێزدیۍ بۊنەو هجوومەکاو ده‌وڵه‌توو توركیوە كوشیێنێ
چوار كه‌سۍ كه جەهجوومەکەنە ڕزگارۍ بیێنۍ، سكاڵاشا سه‌روو ده‌وڵه‌توو توركیوە تۊمارە كەرڎە و واتشا، بۊنەو هجوومە عاسمانییه‌كاوە خاڵەو ششه‌موو په‌یماننامه‌و میاننه‌ته‌وه‌یی مافه سیاسی و مه‌ده‌نییه‌كا پاشێلە كریێنە.
ئانەیچشا واتەن، نەپەرسیانۊ جە کوشیای هاموەڵاتە مه‌ده‌نییا، كه بۊنەو هجوومە ئاسمانییه‌كاو ده‌وڵه‌توو توركیوە مەرڎێنۍ، ڕاوشۊنی قەوەت پەی قوربانییا نەگیریانرە وەر، پا بۊنەوە مافوو وەنەپەرسایۊی كاریگه‌ر، سه‌ربه‌وۍ و سەرێعوو هه‌مان په‌یماننامۍ پاشێل كریان.
جە دۊسیۍ ساكاڵاكێنە باس چانەیە كریان، جە ساڵەو ٢٠١٧ تا ئیساتۍ ٨٠ ئێزدیۍ بۊنەو هجوومەکاو ده‌وڵه‌توو توركیوە كوشیێنۍ.
داواكارییه‌كه‌نە ئاماژه پانەیچە كریان، خەسەخانەو سكێنیی مه‌ده‌نیی بییەن، كه جە ڕاوە شاره‌وانیی شه‌نگالیوه بریان ڕاوە، یاگۍ ١٠ نەوەشاش بیێنە و ٢٠ كه‌سۍ جا هەرمانەشا کەرڎێنە، وەلۍ ده‌وڵه‌توو توركی به فڕۊكه بۊردومانش كەرد.
س.ز
