فەرمانڎەیی قەرارگەو ناۋەنڎیی پارېزنای گەلی(نەپەگە)ی بۊنەو ٣٩ەمین ساڵوەگېڵو  ١٥ و ئابیۊ  ئەرەیاۋنېوەش ۋەڵا کەرڎۊ. کە دلېشەنە ئامان، "٣٩ ەمین ساڵوەگېڵو هەڵمەتەو ١٥ و ئابی جەژنەو ژیۋایۊ جە گەلەکەیما و ڕابەر ئاپۊی و گردو هامڕایاما سەنگەرەکا مدرامانیەنە مبارەک بۊ. ئېمە مهەندیسو ئی هەڵمەتە تاریخیۍ، سەرمەشقی گیانبازو  فەرمانڎەی گیانباز و سوپاو گەریلای هامرا عەگید جە کەسایەتی ئاڎینە گرڎو گەشمەرڎا کۊشیایما بە ڕېزو پنەزانایۊ  ۋیرمارمېوە.

جە ئەرەیاۋناکەو نەپەگەینە باس چی مژارا کریان:

''ئاماو پارتیما پەکەکەی پۍ سەرو شانۊو تاریخی و جابەجېکەرڎەی هەڵمەتەو ١٥ و ئابی پۍ تاریخو کورڎی و کورڎسانی پېسە جە ئەڎابیەیۍ تازەی منریۊرە. ئا هۊرسەنگنایە فرە ڕاسا، کە ٣٩ ساڵۍ چېوەڵتەر ئەنجام دریان قەرارۍ تاریخین کە ماوەو ٣٩ ساڵان گرڎ ڕۋۍ قەرارەکەی جابەجۍ کەرۊ. ڕاسی و دروسی ۋېش سەلەمنۊ ئارۊیچ ڕەوایی ۋېش پارېزنۊ. جە ئەڎابیەیەکا خاڵەو ورچەرخنای تاریخینۍ. ئانە خاڵەو سەرەتاو سەرهۊردایۍ گۊرەین کە سەردەمېوە تەمام بۊ و سەردەمېوە تازە دەسپنەکەرۊ کە بە دەیان ساڵۍ و سەڎۍ ئنڎەو کاریگەری ئیسەیش ۋەردەوام بۊ. پا جۊرە هەڵمەتەی تاریخیەو ١٥ و ئابی  جە قۊناغېنە کە گەلو کورڎی، جە تاویایۊ و بەرەو دلېنەشیەی لۋۍ، جابەجۍ کریا. بە ڕشد بیەیۊ چا ئەنجاما کە جە ماوەو ئی ٣٩ ساڵەینە ئامېنۍ ئاراوە، ئینسان متاوۊ عالتەر بیاۊنە کە پۍ چی سەرکۊتەیۍ پەرچو ئاسا چالاکی و ڕاپیمای تاریخی ئارۊ پۍ کورڎی، ۋەرکەوتوو میامینی گرڎو گەلا چەوەسیای، جە  ئەڎابیەیا.

ئا ۋەڵېکۊتەیە تاریخیە، ۋەڵۍ گرڎ چېۋېنە بە سیستمو کۊکوشکاری کە گۊرەتەرین سوکایەتیش بەڕاسی کورڎی و کورڎسانی کەرڎ و بیەو نەبیەیش وست وەرو مشتومڕی و پنەش ۋات؛ 'مرڎە' ئەوەڵ گوللۍ کە ئاڕاسەو قەرەقولەکا کریا سەلەمناش کە کورڎو کورڎسان  ئا ڕاسیەنۍ کە نکوڵیشا ۋنە مەکریۊ، پەنەوازەن بیەو ئا ڕاسیە و کۊشیای ئازاڎیەکەیش پارېزنایش ۋنە کریۊ. هەڵمەتەو ١٥ و ئابی و دەسپنەکەرڎەو کۊشیای گەریلای، جە ڕۊنامەوانیۊ گېرەش تا گلېرگەرایی، جە بە فیڕۊدای وەختی بە تیۊری پەڕ لوغزیی و نهېنی و چەرخی ریڤیزیۆنیزم و نەتەوەپەرستی سەرەتایی،  پوچ بیەیۊ گرڎو رێبازەکا کۊشیای پاسیڤیش وست ڕووە، شېوازو ڕاسی و دروسی کۊشیای ئازاڎیی کورڎسانیش ئارڎ ئاراوە. کۊشیای گەریلای پېسە شېوازۍ ڕاسی و دروسی پېشکەش کریۊ، پۍ گەلو کورڎی کە بە سەڎان ساڵېن ۋەرەن ڕوو هجومی ئەرەگیری و کۊکوشی و تاونایۊ کلتوری و قڕکەرڎەی کریانۊ، تفەنگ، ڕاو ڕېنازو شېوازی تاکتیکی ۋۍ پارېزنایش بەخشان. گەریلا جە هەڵمەتەو ١٥ و ئابیۊ، هیواو ئازاڎیی گەلو کورڎیا، ڕېبازېوە تازەو کۊشیاین، بیەن بە مرڎناو سیستمی کۊلۊنیالیزمی یاوای بە ئازاڎیی.

''گەریلا پۍ کورڎسانی بی بە مەڵامەتو کورڎۍ تازەی و ئازاڎی''

کۊشیای گەریلایما ٣٩ ساڵېن بۍ مرڎای، حەجگیز دەسبەرڎارو سەرکۊتەی نەبیەن، جە ۋەران ۋەرو حیچ سەختیېوەنە نەکیشیانۊ و پۍ گەلو کورڎی بیەن بە گۊرەتەرین سەرچەمەو ھیوای. گەریلا نەک تەنیا بیەن بە جەنگەوانۍ ئاسایی و سوپاو ۋەرگیری و پارېزنای، بەڵکم پۍ گەلو کورڎی و کورڎسانی بیەن بە مەڵامەتو کورڎۍ تازەی و ئازاڎیی. گەریلا بە ئەقڵییەتۍ بەرزی ئینسانی کە جە ۋېشەنە خوڵقنانش، بە گیانبازیېوە گۊرە، بە دڵسۆزی و وەشەسیای پۍ ۋڵاتی و گەلی، بە کۊشیای قارەمانانەیش، بە ئیراڎەی بێهامتا، جە دڵو گەلەکەیمانە دڵنیاییش بە گەلەکەیما بەخشا. بە ئیراڎە و حۊڵی، ئاستو ژیۋای دەروێش ئاسای، ڕاسگۆیی، دڵسۆزی بێ شەرت و دوور جە تاکگەرایی، هەزاران داستانۍ قارەمانیېش خوڵقنېنۍ. گەریلاکۍ ئازاڎیی کورڎسانی، بە کۊشیای ٣٩ ساڵەشا پەی گەلو کورڎی و گرڎو گەلا مەنتیقەکەی، بیېنۍ بە نیشانۍ و ڕەمزو ھیوای، قەناعەت، سادەیی، ڕاسگۆیی، بەرزتەرین تایبەتمەندی مرۆڤایەتی، ھۆشمەنڎی، ئازاڎیی و سەرکۊتەی. بێگومان بەدەسئارڎەی ئینەی ئاسان نەبۍ و بۊنەشۊ دەیان هەزار گەشمەرڎۍ نەمرۍ بە ئازایەتی و غیرەتۍ فرۊ و ڕۆحی گیانبازیۊ گەشمەرڎۍ بیۍ. گیانبازۍ کورڎسانی، بستێوە خاک نەمەنەن کە ھەنگامەشا چنە نەنیابۆ و بە ۋنە و ئارەقو ۋېشا ئاویشا نەڎابۊ. سوپاو گەشمەرڎا کە بەها ڕۆحییە مبارەکەکە و گەلەکەیما و جمیەرەکەیمە بەرجەسە کەرا و بازنەو گۊرەیی ئا گەشمەرڎا ئامېنۍ ئاراوە ، ھەستیارتەرین سات و قۆناغەکۍ کۊشیای شۆڕشگێڵنایماشا پېکئارڎ، کە پېسە ماراسۆنێوە بۍ مرڎای ۋەردەواما. ڕاپیمای ئەفسانەیی گەریلاکا ئازاڎیی کوردسانی کە پا منیۊ ٤٠ەمین ساڵشۊ، ڕۆحێوە جەنگاوەری و ھەڵوێستێوە شۆڕشگێڵانەش ئارڎ ئاراوە، کە گرڎوو پیمەرەکا گیانبازی و بەشڎاری کەرڎەیش ۋیەرنان.

ئانۍ جە یوەم بەرکەوتەی گەریلاکاو ئازاڎیی کوردستانینە و ئا ئاستە ڕاسییەی کە ئارۊ یاوێنێش پەنە،نەیاوێنێنە یان گەرەکشانە چەنەش بیاوانە، دەوڵەتوو تورکی ئەرەگیری، قڕکەر و هێزە هەژموونوازە میاننەتەوەییەکۍ، بەبۍ مرڎای، ئۊپەراسیۊنوو قڕکەرڎەیشا دژوو گەریلای کەرد و لەیەکشا داوە، ھەر کە گەریلێکۍ گەشمەرڎۍ با کۊشیای لاواز  بۊ و دلێنە مشۊ ساڵەو ١٩٨٤ تا ئیساتۍ جە هاوەنۍ تا جۊرەکاو تۊپۍ، جە تانکی تا کامێرەی حەراری، جە هەلیکۊپتەری هجوومبەریوە تا فڕۊکەی جەنگی، جە فڕۊکەی بێفڕۊکەوانیوە تا بۊمب و چەکی کیمیاوی، کە جە ئاستی میاننەتەوەیینە قەدەغە کریان و لاو هێزەکاو مۊدێرنیتەی سەرمایەدارییوە ئاریێنێنە و وەشۍ کریێنۍ، گرڎ نۊعە تەکنیکێکوە سەروازی دژوو گەریلای بەکار ئاریان. وەلۍ بڕوای قەوەتەو گەریلاکاو پەکەکەی کە بە ئایدۊلۊژیای ئاپۊیی و ڕۊحی گیانبازی و دیالێکتیکوو وێتازەکەرڎەیۊوە و هەستکەرڎەی بە ئازاڎیی ماوەو ٣٩ ساڵانە، گرڎوو هجوومەکاش پووچەڵۍ کەرڎێوە و بی بە هەقیقەتێوە کە ھێزوو وێش هەزاران جارۍ سەلەمنا. جمیەری ئاپۊیی و گەریلاکێش، وەختێوە کە هجوومەکاو دوژمنی زیادتەرۍ بیۍ و تەکنیکەکاو جەنگوو دوژمنی لوۍ وەڵیوە، قورساییشا وست سەروو ئیرادە، مەژگ و ئارڎەینەیشا، ڕۊحی گیانبازی ئاپۊییشا بەرز کەرڎۊ و بیۍ بە جوابدەرەوێش. 

سڵام  چا گەریلایا کەرمۍ، کە بە شێوازوو هامڕا عەگیدی جەنگ کەرا

جەنگی  ٨ ساڵەو ئی دماییە کە ساڵاو لای سەری کۊشیای ٣٩ ساڵەین و بەتایبەتیچ مدرامانوو ٣ ساڵی ویەرڎەی، جە تارێخوو کۊشیایمانە قۊناغێوە تازەش نیشانە دا. بە گەریلایەتی سەرڎەمی تازەی دژوو گرڎوو تەکنەلۊژیاکاو جەنگی، کە بە دەسوو هێزە هەژموونوازە میاننەتەوەییەکاوە و پێشکەشوو دەوڵەتوو تورکی ئەرەگیری کریێبێنۍ، جوابش دێنێوە هجوومەکێش پووچەڵۍ کەرڎێنێوە و دژوو گرڎوو نیاز و داوایەکاو دوژمنی بە گوڕدای بە مدرامانی جوابش دانۊ. ئا مدرامانە ئارۊنە جە هەرێمەکاو سەرنیشتوو کوردستانیوە تا هەرێمەکاو پارێزنای مێدیای بۍ مرڎای بەرڎەواما. پا بۊنەوە گرڎوو جەنگەوانا و فەرماندەکاو هێزوو پارێزنای گەلوو کوردستانی، کە بە گیانی فیدایی ئاپۊییوە، بە بڕوامەندبییەی بە سەرکەوتەی و شێوازوو فەرماندەی گەورەیما هامڕا عەگید جە گرڎوو مەیدان و مەتەرێزەکانە وێگێری کەرا، بە ڕێز و وەشەسیاییوە سڵامشا وەنە کەرمۍ.

جە ٣٩مین ساڵەو کۊشیاینە هامڕێما فازڵ بۊتان، گوڵچیا گابار، لەیلا سورخوێن، دڵخواز گابار، عەلی حەیدەر دێرسیم، ئەحمەد توبار، مەلسا موش، سینان دژوار، رۊژبین دێرسیم، یاشار بۊتان، نۊرشین عەفرین، نوری یەکتا، خەمگین مەلازگرڎ، زەرڎەشت ئاگر، دیرەن وان، جەسور ئازاڎ، رێزان ئامەد، هێژار زۊزان و چانشێر ماکو پێسە فەرماندە سەرمەشقەکاو ڕاویارۍ ڕاو عەگیدەکا گەشمەرڎۍ بیۍ. گیانی فیدایی و چالاکیی گەورە کە جە کەسایەتیی هامڕا سارا تۊلهەڵدان گۊیی و روکەن زەلالێنە یاوا قەلاپۊپە. دوژمنش شۊکناوە و مۊرەو وێش وەنەو ٣٩مین ساڵەو کۊشیایمانە، بە قووڵ کاریگەرییش سەروو گرڎوو مەیدانەکاو کۊشیای و گەلەکەیماوە نیارە. مدرامانی گەریلاییما کە ئارۊ سەرنیشتوو کوردستانینە، زاپ، ئاڤاشین و مەتینانە بەرز بیۊ، کۊشیایی ئێساڵیما  بە سەدان فەرماندۍ گەنجۍ کە سەرمەشقایەتیی گەریلاکاو مۊدێرنیتەی دیموکراتیکی کەرێنۍ خولقیا. ئا فەرماندە گەنج و گیانبازێما بیۍ هێما و تێکەڵ بە کارەوانوو گەشمەرڎا بیۍ، بیۍ بە هەقیقەتوو درێژەپەنەدای بە خەتەو قارەمانی و ئازایەتی کوردستاننە، کە بەرڎەوام وێش تازە کەرۊوە و و وێش زیندە مرمانۊ.

سەرمەشقا‌یەتیی یەژاستاری بی بە سەرچەمەو قوەی و مۊڕاڵی

پێسە گرڎوو مەیدانەکاو کۊشیای، پراتیکوو ژەنەو کوردی ئازاڎی جە کۊشیای گەریلاییمانە جە کەسایەتیی یەژاستارینە؛ سەرمەشقایەتیی ژەنا کە جە کەسایەتیی هامڕا گوڵچیا، لەیلا، مەلسا، ڕۊژبین، نۊرشین، دیرەن، هێژار، سارا و روکەندێنە وزیان ڕووە، مۊرەو وێش وەنەو سەرڎەمەکەی دێنە. هەقیقەتوو ژەنۍ ئازاڎۍ، کە جە ڕاو ئایدۊلۊژیای و فەلسەفەی ئاپۊییوە ئەرەمەرزیان، ئا ئاستە کە جە گەریلایەتیی مۊدێرنیتەی دیموکراتیکینە بەدەسش ئارڎەن، ئا پێرفۊڕمانسە کە وستەنش ڕووە، ئارڎەینەرایەتیی تاکتیکی کە بە ژیریی ژەنۍ وزیان وەڵۍ، شێوازی فەرماندەیی ڕاس و دروس و هامڕایەتیین سەروو بنەما و پرەنسیپوو هێزێوە گەورەش بە کۊشیای ساڵەکاما بەخشان و دەوروو سەرمەشقایەتییش گێرتەن باوشی. جەنگاوەری و فەرماندەیی سەرمەشقوو یەژاستاری کە یۊ جە گەورەتەرین دەسکەوتەکاو کۊشیای ٣٩ ساڵەین، جە هەمان وەختەنە ئیلهامش بە گرڎوو ژەناو هەرێمەکەی و جیهانی بەخشان و بییەن بە چەمەو هێزی و ورەی.

هەقیقەتوو سەرکەوتەی قارەمانی گەورەو گەلی و فەرماندەی نەمروو گەریلاو ئازاڎیی کوردستانی هامڕا عەگید، شێوازوو جەنگی، ڕاسبییەی ستراتیژوو جەنگی شۊڕشگێڵنیی گەلی و ئەنجاموو گەریلایەتیی مۊدێرنیتەی دیموکراتیکی ئیتر واقیعێوە حاشاورنەگێرا و سەرکوت مەکریۊ.  پێسە گەریلاکاو ئازاڎیی کوردستانی، کە پەی ئازاڎیی گەلەکەیما و ئازاڎیی ڕابەر ئاپۊی بەخت کەرڎەن، ئەرەیاونمێش کە ئێمە ئا ڕاسییەیە ٣٩ ساڵێن بەرڎەوام  سەلەمیان، جە ٣٩مین ساڵیادشنە بە جۊشوخرۊش، هومێد و بڕوا بەسەرکەوتەیۊ سڵام جە هەڵمەتەو ١٥ ئابی شکۊمەندی و جەژنەو ژیوایۊ کەرمۍ. ئێمە جارێوە تەر وەعد ئەوەخوای کەرمێوە کە سەروو رێباز و راو فەرماندەی گەورەیما هامڕا عەگیدیوە بۍ دووەدڵی  بلمۍ و ڕاپیمای ئەفسانەیی کە دەسش پەنە کریان بەرەو سەرکەوتەی بەرمۍ و جوابدەرەوۍ چەمەڕوانیی ڕابەرایەتی و گەلەکەیما بیمۍ.

پا بڕوا و پاگێرتەیرەی و کۊڵنەدایۊ ئێمە سەرکەوتەی پەی گرڎوو ئا هێزا موازمۍ، کە پەی ئازاڎی دەکۊشیا"

هـ . ش / س . ز