نسێبین-نە پۆلیس هۊرشکوا سه‌رو یانا
شارو نسێبین-ینە بەمەڵامەتو هۊرکوای پۆلیسی پۍ سەرو یانېۋە، ژەنێوە گیانش جەدەسدا و كه‌سێوەیچ زامڎار بی. دماو ڕۋەداکەیچ به‌دیه ئادیگوزه‌لە، هامسه‌رۆكەو ۋەڵینەو ده‌به‌په‌ی جە نسێبین-نە گیریا.
به پاو هه‌واڵێوە ئاژانسو میزۊپۆتامیای، ۋېرەگاو هېزی پۆلیس هۊرشکوان سه‌رو یانېوە جە کۊڵانەو كشلای سه‌ر به مەنتیقە و نسێبینی جە مێردین. دماتەر جە یانەکەنە ده‌نگو ته‌قه‌ی ژنەویان و بەمەڵامەتو ئا پېۋەرەداینە ژەنێوە كه وچیۊ گه‌ریلاو یه‌ژاستارینه گەشمەرڎۍ بیېنە.
به پاو هه‌واڵه‌كه‌ی، كه‌سێوەیچ به زامڎاری گیریان و دماو ئانەیچ پۆلیس هورشکوان سه‌رو چنڎین یانا تەری.
ئانەیچ وزیان ڕووە، به‌شۍ چا یانا کە پۆلیس هورشکوان سه‌رشا، خۊتان یانەکۍ چا نەبیېنۍ و سه‌ره‌ڕاو ئانەیچ بەرۍ ئا یاناشا مارېنۍ و وشکنېنېشا و كه‌لوپه‌لو دلۍ یانەکاشا شێۋنان.
به پاو هه‌واڵه‌كەی، ئا یانەی كه ڕووەداکەی چنەشەنە ڕۋەشدان، یانەو به‌دیعه ئادیگوزه‌لۍ، هامسه‌رۆكەو وەڵینەو پارتو هه‌رێمه دیموكراتیكه‌كا (ده‌به‌په)ی بیەن.
ئانەیچ وزیان ڕۋە، پۆلیس به‌دیعه ئادیگوزه‌لەش گېرتېنە، به‌ڵام تا ئی وەختە مەزانیۊ هامسه‌رۆكەو وەڵینە و ده‌به‌په‌ی و ئا كه‌سه‌ی به زامڎاری گیریان پۍ کۊی بریېنۍ.
هـ . ش
