قسەکەرەو سەرکۊمیسیارەو مافەکاو ئینسانی سەر بە نەتەوە یۊگێرتەکا، ڕاڤینا شەمداسانییە، ناڕەزایەتییش بەروست وەراوەر پا وەڵینیازە تازەیە، کە سزاو زیندانیکەرڎەی و پەنەوجارای ئا ژەن و کناچا زیاد کەرۊ، کە پابەندۍ یاسا و ڕێسا بەزۊرییەکاو جلوبەرگی مەبا.  

سەرکۊمیسیارەو مافەکاو ئینسانی سەر بە نەتەوە یۊگێرتەکا، ڤۊڵکەر تورک، ئەوەخوایش کەرڎۊ، کە قسەکەرە شەمداسانییە کۊنگرە ڕۊنامەوانییە ئاساییەکەو جنێڤینە واتەنش، ئی وەڵێنیازە پێچەوانەو یاسا میاننەتەوەییەکان و داواش کەرڎێنە ورشنییۊوە.  

شەمداسانییە  ئاماژەش پانەیچە کرد، ماوەی ویەرڎەنە ئانۍ پەیڕەویی یاساو جلوبەرگی ئیسلامیی نەکەرێنۍ، فرەتەرین سزاشا دووۍ مانگۍ زیندانی بۍ، وەلۍ ئا وەڵێنیازە ئەگەر بۊ بە یاسا، ڕەنگای سزێکێشا بیاوۊ بە دە ساڵۍ.

ئا قسەکەرۍ واوەی ئاشکرایچش کەرڎەن، کە وەڵتەرۍ پەنەوجارای ١١ دۊلارۍ بییەن، وەلۍ چێولای ڕەنگا ٨ هەزارۍ و ٥٠٠ دۊلارۍ بۊ.  

ڕۊو چوارشەممەی، پەرلەمانوو ئێرانی پڕۊژەیاساکەش پەسەند کەرد، وەلۍ تا بلۊ بواروو هەرمانۍ و بەیاگەیاونایۊ مشۊم ئەنجوومەنی دەستووری پەسەندەش کەرۊ.  

شەمداسانییە ئاماژەش پانەیچە کەرد، سەرەڕاو ئا ناڕەزایەتییەیە بۊنەو کوشتەی ژینا ئەمینیێوە وەش بی، حیچ وەڵێکەوتەێوە بواروو مافەکاو ژەنانە نامان وەرۊ، ئی یاسۍ فرە جە وەڵینەکۍ خراپتەرەنە.

س.ز