ڕۊو چوارشەممەی وەزارەتوو جبەرووعێراقی خێرامایش جە قەرارەکەو ئەمیندرێتیی گردینوو نەتەوە یۊگێرتەکا کەرد، پەی هاندای دیالۊگی و چەنەویەرڎەی بەینوو ئایین و کولتوورەکا وەراوەروو قینۍ و دەمارگیری، هاموەخت جەختش سەروو پێویسیی وەرگێریکەرڎەی گردوو نۊعە جیاکاری و دژایەتییەکا کەسە بێگانەکا کەرڎۊ جگە جە ڕووبەڕووبییەیۊ وتاروو دەمارگیری و بڵاوکەرڎەیۊ قینۍ و کینەی.

 ڕۊو یەرەشەممەی، ئەنجوومەنی گردینوو نەتەوە یۊگێرتەکا دەنگش سەروو قەرارنامێوە دا، کە هانی دیالۊگی و چەنەویەرڎەیی بەینوو ئایینی و کولتوورەکا مدۊ وەراوەروو قینێوە، ئینەیچ دماو دووەبارەبییەیۊ ڕووەدایەکاو سۊچنای قورئانی مۍ، کە وەرڎەموو باڵیۊزخانەکاو عێراقینە سوید و دانیمارکنە کتێبوو قورئانی سۊچییا.

 جە بەیاننامێوەنە کە یاوان دەسوو ئاژانسوو هەواڵوو فوراتی (ANF)، وەزارەتوو جبەری داواش جە گردوو لایەنە پەیوەندیدارەکا کەرڎە بە دەوڵەتایچۊ "هەوڵەکاشا زیاتەرۍ کەرا پەی چارەسەرکەرڎەی ئی دیارڎەیە بەنوعێوە، کە چەنی یاسای میاندەوڵەتیۍ مافوو ئینسانی گونجیۊ".

 هەرپاسە نەتەوەیۊگێرتەکۍ ماچا: "بێڕێزیکەرڎەی بە هەر بیروباوەڕ و ئایینێوە گێرا بۊ بایسوو وەشبییەی گرژیێوە گەورەی جە گلێرگەنە، ڕەنگا جە ئەنجامنە تندوتیژییش چەنە گنۊوە".

س.ز