جۆزێپ بۆرێل نوێنەروو باڵاو یۆبییەی ئەورووپای سیاسەتوو بەرینە ئەرەیاوناش، کە داوا جە وەڵاتە ئەنداما مکەرۆ،سزاو برێو جە وەزیرەکاو ئیسرائیلی بدانە، کە دژوو فەلەستینییەکا کەلیمێ "نەحلەت"ێشا بەکارئاردێنە.

جۆزێپ بۆرێل داوا وەنەو ٢٧ وەڵاتە ئەنداماو یۆبییەی ئەورووپای مکەرۆ، کە سزاو ئا وەزیرە ئیسرائیلییا بدانە، کە تاوناوو "نەحلەت"ێشا دژوو فەلەستینییەکا وەڵا کەردەنۆ، بۆرێل نامێ وەزیرەکاو ئیسرائیلیش ئاشکارا نەکەردە و واتش:"پەیتاموو قینێ دژوو فەلەستینیەەکا" ێاگێ قبووڵی نییەنە و واتش باوڕم پاسەنکە یۆبییەی ئەورووپای مشۆم ئا ڕاکارێ ئینێ وەروو دەساشنە، پەی رێزگێرتەی وەنەو مافوو ئینسانی بەکارێشا بارۆ.

بە قسێ دیپلۆماتکارا، دماو هجوومەکەو حەماسی٧و تشرینوو یوەمینە پەی سەروو ئیسرائیلی،ناکۆکیی قووڵ بەینوو٢٧ وەڵاتانە وەش بییەن،مەحاڵەن پڕۆژە یاسایەکەو جۆزێپ بۆرێلی قبووڵ بکریۆ.