ڕێکوزیاو کولتووریی یانەو سیاوچەمانەی ئەرەیاونانشا، کە بۆنەو خزمەتی گەورە و وەرەچەموو هونەرمەندی گەورە و هەورامانی "جیهانبەخشی غەفووری" کە بواروو هونەرینە کەردشوو تەماموو عومریش چی ڕێنە سەرف کەرد، بە هەرمانەو وێما زانمێش ماتەمی ئەرەبیاونمێ و هامخەمیی وێما چەنی دڵسۆزاو هونەروو هەورامانی نیشانە دەیمێ. داوا کەرا هونەردۆساو هەورامانی پەی ڕێزگێرتەی جە عومری پەڕبەرهەمیش و حورمەتوو ڕۆحی پاکوو مامۆسا بەخشەی بەشدارێ ئی جەمەو خەمی بیدێ.

ڕۆ: یەرەشەمە 2023٫11٫7 سەعات: (1) تا (4)و دمانیمەڕۆی یاگێ:  هەڵەبجەی شەهید باخچەو یانەو سیاچەمانەی، کانی قوڵکە، پاڵوو باخچەو زاڕۆڵا لەندی.

یاگێ واتەینە گەورە هونەرمەندوو بواروو دنیاو گۆرانییە هەورامییا، جهانبەخشی غەفووری دماو ٨٧ ساڵا خزمەتوو هونەروو هەورامانی، ڕۆو جومعەی وەڵینی وەرکەوتوو کوردسانینە و شاروو جوانڕۆینە کۆچی دماینش کەرد و مەرگش دەنگدایۆیێ گەورەش بی سەروو ئاستوو کوردسانوو وەرکەوتی و پانیشتی.