پارێزنه‌رەکۍ به‌مه‌به‌سو لۋای پۍ ئیمراڵی داواكاریشا وست ڕووە
پارێزنه‌رەکۍ ڕابەرو گه‌لوو كورڎی، عه‌بدوڵا ئۆجالانی، پۍ ئانەی بتاۋا چەمشا به موه‌كیله‌كه‌یشا گنۊ، داواكاری تازەشا پێشه‌كەش کەرڎ.
حەریۊ جە ئیبراهیم بیلمه‌ز، ڕازییه ئۆزتورك، عیمران ئه‌مه‌كچی، جه‌نگیز یوره‌كلی جە پارێزنه‌را نۋیسینگه‌ی یاسایی سه‌ڎەی، پۍ ئانەی بتاۋا دیڎار چنی موه‌كیله‌كاشا عه‌بدوڵا ئۆجالان، عومه‌ر خه‌یری كۆنار، حامیلی یه‌ڵدرم و وه‌یسی ئاكتاشی ئه‌نجام بڎا، سه‌ردای حەریۊ جە داواكارو گرڎی كۆماری بورسای و ڕاۋەبەری زینڎانی ئیمراڵی-شا کەرڎ.
جە ڕۊو ٢٥و ئادارو ٢٠٢١یوە تا ئیسە، حیچ زانیاریېۋە جەبارەو ڕابه‌رو گه‌لوو كورڎی، عه‌بدوڵا ئۆجالانی هۊرنەگیریان.
پارێزنه‌رەکۍ به‌مه‌به‌سو دیڎاری چنی ڕابەرو گه‌لوو كورڎی، حه‌فتۍ دۋۍ کەڕەتۍ داواكاری پێشكه‌ش کەرا، به‌ڵام جواب و داواكارییه‌كه‌یشا مەڎریۊۋە.
هـ . ش
