پارېزنەرەکۍ بە مەبەسوو لۋای پۍ ئیمڕاڵی داواکاری تازەشا وست ڕووە
پارېزنەرەکۍ ڕابەرو گەلوو کورڎی، عەبدوڵا ئۊجالانی پۍ ئانەی بتاوا چەمشا بە موەکیلەکاشا گنۊ داواکاریۍ تازەشا وست ڕووە.
داواکاریەکە جە لایەنو حەریۊ جە " رەزان ساریجا، ڕازیه ئۆزتورك، مەزڵوم دینچ و فایەق ئۆزگوری جە پارېزنەرا نۋیسینگەو یاسایی سەڎەی، پېشکەش کریا''.
پارېزنەرەکۍ بە مەبەسوو دیڎاری چنی ڕابەر ئاپۊی، عومەر خەیری کۊنار، حامیلی یەڵدرم، وەیسی ئاکتاش،ی کە ماوەو ٢٩ مانگان حیچ زانیاریېوە جە بارەشاوە هۊرنەگیریان، سەردای حەریۊ جە داواکاری گرڎیی کۊماری بۊرسای و ڕاوەبەری زینڎانو ئیمڕاڵیشا کەرڎ.
جە ڕۊو٢٥ ئادارو ٢٠٢١یوە تائیسە، حیچ زانیاریېۋە جەبارەو ڕابەرو گەلوو کورڎی و هامڕایاشۊ هۊرنەگیریان.
پارېزنەرەکۍ حەفتۍ دۋۍ کەرەتۍ بە مەبەسو دیڎاری چنی ڕابەر ئاپۊی و هامڕایاش داواکاری پېشکەش کەرا، بەڵام جوابو داواکاریەکەیشا مەڎریۊوە.
هـ . ش
