جەردوانێوە بە نامۍ مەتین تونچی (٢٧ ساڵە)ی گەڕەکەو جامینە جە مەنتێقەو پانتۊسوو ئاگرینە بە چەک هجوومش کەرد سەروو یانەو ژەنەکێش، بەرسەل تونچۍ (٢٤ ساڵ)ۍ.

بەپاو زانیارییەکا، مەتین تونچی بە سیستەماتیک تندوتیژییش وەراوەروو  ژەنەکێش بەرسیل تونچۍ، پەوکای ژەنەکێش لوینۊ لاو بنەیانەکەیش. جەردوان تونچ، بە بەهانۍ قسەکەرڎەیۊ لوان باخچەکەشا و هەڵێش دێنی بنەیانەکیشا کوشۊ.

جەرڎەوان تونچ بە چەک هجوومش کەرڎەن سەروو بنەیانەکەی، ئەنجامنە  ژەنەکێش بەرسەل تونچە، براکەش فەجری تونچ، ئەداش خاتوون تونچە، بەسەختی بریندارۍ بیێنۍ.

دماتەر لوجنە تەندروسییەکۍ یاوۍ یاگۍ ڕووەدایەکەی، وەلۍ بەرکەوت کە فەجری تونچ هەر چاگە مەرڎەن، بەرسەل تونچە بە سەختی بریندارە بییە و خەسەخانەنە مەرڎە.

جەرڎەوانە بکوشەکە دماو کۊکوشییەکەی ورئامان و هەڵای نەگیرییان.

س.ز