ئەندامێوە مەکتەبی سیاسیی یۊبییەی نیشتمانیی کورڎسان (یەنەکە)ی پەرسۊ وەنەو پارتی، تورکیا ٦٠ کیلۊمەترۍ ئامان دلۍ خاکوو پانیشتوو کورڎسانی، وەلۍ شمە سنووروو جەنگوو دلۍ تۊخ کەرڎێوە. چی؟

پارتی دیموکراتوو کورڎسانی، کە پێسە هێزێوە دارڎەسی و کرێگیریای دایمە ئینا هەوڵۍ  وەشکەرڎەی ئاژاوێنە دلۍ یانەو کوردینە، سوورا سەروو ئانەیە ئاڵۊزی وەش کەرۊ، ئاویر وزۊ دلۍ یانەو کوردیوە، جا بارەیچۊ گردوو مەیدانەکاش وەروەڵۍ کەرڎێنۍ  پەی ئەرەگیرا و هەوڵۍ تەوقدای هیزە کوردییەکا مدۊ.

ئارێز عەبدوڵڵا ئەنداموو مەکەتبی سیاسیی یۊبییەی نیشتمانیی کورڎسانی جە بەرنامێوە تەلەڤوێنینە دەربارەو جووڵنای هێزەکاو پارتی دێموکراتوو کورڎسانی پەی مەنتێقەکاو خەتەو جەنگوو دلۍ بەینوو یۊبییەی نیشتمانی و پارتی واتش: دماو جەنگوو دلۍ و ڕێککەوتەی واشنتۊنی مام جەلال قەرارش دا گردوو هێزەکا بەرەو جەنگوو دلێنە گێڵاوە دماوە جە دەشتەو کۊیەیۊ تا حاجی ئۊمەران گردوو هێزەکاو یۊبییەی نیشتمانی گێڵێوە دماوە، وەلۍ پارتی هێزەکێش نەکێشنێوە.

"پارتی سنوورش پەی تورکیای کەرڎەنۊ"

ئا ئەندامەو مەکتەبی سیاسیی یەنەکەیە پەرسۊ و ماچۊ:" پارتی پۊستوو یاگەداروو سەرۊکوو حوکومەتیش بۍ، هەر هێزەکێش نەکێشنیوە، سەرۊکوو حوکمەتیچشا ورگێرت هەر هێزەکێش نەکێشنێوە، وەراوەروو کێ؟ وەختێوەنە مویمنمۍ کە سنووروو چند سەد کیلۊمەترێوە چەنی سوپاو تورکیای سنوورش کریاوەن و هیچ ڕەبا نییا چەنە، هیچ هێزوو پێشمەرگەیش نیا چەنە، تورکیا ئامان دلۍ سنووروو هەرێموو کورڎسانی پارتی سنوورش پەی کەرڎەنۊ، وەلۍ بەپێچەوانەوە جە ساڵەو ٢٠٠٣ هەتا ئیساتۍ چندین قەڵۍ و قولۍ تازێش یاگۍ خەتەو جەنگوو دلێنە وەشۍ کەرڎێنۍ جە باڵەکایەتینە، خۊشناوەتینە تا دەشتەو کۊیەی."

"با پارتی هێزەکاما نەژڵێونۊ"

جە جوابوو پەرسێوەنە، "بارەو ئانەیۊ سەبەب چێشا جە چند ڕۊی ویەرڎەنە هیزێوە مەشقپەنەکریاو پەدەکەی گەرەکشا بییەن بلامەنتێقەو كڵاوقاسمی، کە مەنتێقێوە کۊنوو مەیدانوو جەنگوو دلێن"،  ئارێز عەبدوڵڵا ماچۊ:" ئێمەیچ  پەرسمۍ چی؟ ڕێککەوتەی کریان بەینوو یۊبییەی نیشتمانی و پارتینە، هەوڵێما دۍ، کە هێزەکاو یۊبییەی و پارتی یۊ وزمێوە ئەگەر نەیاوێنمۍ حیچ ئەنجامێوە، با هێزەکاما نەژڵێونا."

وەڵتەرێچ موراد قەریلان فەرماندەو قەرارگە ناوەندیی ‌هێزەکاو پارێزنای گەلی  جە ١٥و ئابوو ئێساڵینە بەشدارییش بەرنامێوە تایبەتیی ستیرک تیڤی-نە کەرڎەبۍ، ئاماژەش بە جموجووڵوو ‌هێزەکاو پەدەکەی کەرد، کە هەوڵۍ مدا هێزەکاو گەریلای تەوقە بدا و هامکاریی دەوڵەتوو تورکی ئەرەگیری کەرا پێسە باسش کەرد:" هامڕێما جە زاپنە پەی ماوەو یەرۍ ساڵا بە ئیرادە و چەکی تاکەکەسیوە جەنگشا کەرد، ئینە شکۊ و شانازیین پەی  گردوو کوردی.وەلۍ وینمۍ دەوڵەتوو تورکی گرەکشا مدرامانوو واگەی ماڕۊ و بلۊ وا، پەدەکەیچ هامکارییش کەرۊ. ڕەنگای بڕۍ واچا پاسە نیا وەلۍ ئینە سەلەمیان و وینییان. ئێمە گرد چێوۍ مەواچمۍ. مشۊم وەرپەرساو پەدەکەی بزانا ئێمە گرد چێوۍ مەواچمۍ. چێوۍ فرۍ هەنۍ واچمێشا. بڕێشا باس مەکەرمۍ. ئیسە وینمۍ دەوڵەتوو تورکی زاپنە چند گولانە بییەنۊ. بە گردوو جەکوو وەرڎەسیشاوە مەتاوا کێشەکەی چارەسەر کەرا و زاپی گێرا. وینمۍ پەدەکە بییەن بەشێوە چی تەوقدایە! هامکاریی سەروازییشا کەرۊ. دەکات. یارمەتیی هەواڵگێرییشا مدۊ  و بێدەنگا وەراوەروو ئی هەرمانا، بە نموونە گەریلا یاگێوە بەکار مارۊ، چاوە هاموشۊ کەرۊ بریندارۍ بەرا و مارا وینی پێشمەرگۍ بەرا واگە. ڕووبەڕێوە بەتاڵ هەن، یەکسەر پێشمەرگۍ بەرا واگە، سەروازاو تورکی ئینۍ چا ئێمە چۍ، ئادۍ گنا بەینما".

"ئێمە گەرەکما نییا بەینوو گەریلاینە و پێشمەرگەینە جەنگ کریۊ"

هاموەخت قەریلان بەرنامەکەنە واتەبێچش، کە گەرەکشا نیا چەنی پێشمەرگەی گژیا و ماچۊ:" ئێمە گەرەکما نییا بەینوو گەریلای و پێشمەرگەینە جەنگ ڕووە بدۊ، بەڕاسی چی بارەوە فرە هەستیارۍ و وەرپەرسێنمۍ، وەلۍ وەرپەرسۍ و فەرماندەکاو پەدەکەی نا. بەئاشکرا ماچوو، مزاندۍ ئێمە هیچ پادێشا مەکەرمۍ، پەوکای ئادۍ گرد چیو کەرا. ئینە خاستەرین هامکاریی دەوڵەتوو تورکین. خاسا ئەگەر مدرامانوو زاپی سەرگنۊ، سەربکەوێت، تۊیچ سەرگنی، دەوڵەتوو تورکی زیاتەر پێویسش بە تۊ بۊ!  پەشتەو بابەتوو دێرەلوکیوە،  ویرۍ چانەیە کەرڎێوە ئەم یاگۍ بەکار بارڎۍ و بلدۍ زاپ."

"ئەگەر ڕا وەنەو پەدەکەی نەگێریۊ جەنگ  ڕووە مدۊ "

قەرەیلان واتیچش: " گەرەکما بە گرد لێوە واچوو: تا ئیسە بەینوو گەریلا و پێشمەرگەینە جەنگ نەبییەن، جبەروو ئینەیۊ گرد چێو بییەن، ئەگەر ڕانە گێریۊ جەنگ و گرد چێو قۊمیۊ، نە ئێمە و نە هیچ کورڎێوە_ ئینەش گەرەک نیا ئادێنۍ ئینەیە وازا، بێومان ئینە یاگێوەنە حەرڕووە مدۊ."

هاموەخت بە فەرمانەو دەوڵەتوو تورکی ئەرەگیری، پەدەکە ماوەو پەنج ساڵا زیاتەرین کەمپوو گەشمەرڎە رۊستەم جودییش مەخموورنە، کە هاموەڵاتۍ پەنابەرۍ سەرنیشتیش چەنەنۍ تەوقەی سەەروازییە دان و گردوو ڕایەکاش جە خەڵکی گێرتێنۍ.

بێگومان سیاسەتوو خەنەکی شەرموو پەدەکەیچا وەراوەروو شۊرشوو وەرنیشتوو کورڎسانیوە و ورکەندەی ئا خەنەکی ڕووەو ئا بەشەو وڵاتیرە دلۍ کورڎانە پێسە سیاسەتوو شەرموو پەدەکەی  دژوو شۊرشوو وەرنیشتوو کورڎسانی ئشناسیان.

ئینە گردئانەیە بەروازا کە پەدەکە هێزێوەن، کە گرد لێوە وەڵاتیوە هەوڵی دلێنەبەرڎەی دەستکەوتەکاو گەلوو کوردی و بزاڤوو ئازادیوازی گەلی کوردینە، پەی ئی مەبەسەیچە گردوو ڕاکارەکاش گێرتێنێرە وەرو پەی نیایۊ جەنگی دژوو کورد، گەمارۊدای گەریلای و بەشوە جە هەرێموو کورڎسانی و بەشۍ چا هەوڵا، وەرانوەریچنە پەدەکە گردوو مەیدانەکاو جەنگیچنە بییەن بە چەمساق پەی سەرکەتەیشا کەشەکاو کوردسانیرە، پەوکای ئا واتۍ وەڵینا پەڕوو پۊسیشا پەیشا کە ماچۊ: ( شێروو یانەی و ڕەواسەو جبەری).  

س.خ