ھەپەگە بەڕێزۊ یاڎو گەشمەرڎا گارەیش کەرڎۊ
ھەپەگە بەڕێزۊ یاڎو ئا گەریلایاش کەرڎۊ، کە جە گارە گەشمەرڎۍ بیېنۍ و سەرەوەشی ۋېش ئاراسەو خانەواڎە و گەلی وڵاڎپارێزو کوردسانی کەرڎ.
ناوەنڎو یاۋنەری و چاپەمەنی ھەپەگەی جە ئەرەیاۋنېوەنە، ئشناسنامەو چوار گەریلایاش ۋەڵاکەرڎۊ، کە ساڵەو ٢٠٢٢ جە گارە گەشمەرڎۍ بیېنۍ.
جە ئەرەیاۋناکەنە ئامان:
"جە هجومېوە دوژمنینە کە ڕۊو ٨و ئابو ٢٠٢٢، جە ھەرێمو گارەی ئەنجامشدا، هامڕاما نۆرشین عەفرینە، کە ئەنڎامەو فەرمانڎەیی ئەیالەتو گارەی بۍ حەرپاسە هامڕېما زیلان عەفرینە، سیدار سەرحەد و لەڤەند قامیشلۆ گەشمەرڎۍ بیۍ.
هامڕا نۆرشینە جە ماوەو ٢٢ ساڵا ژیۋای گەریلایەتینە، گرڎو ساتەکا ژیۋایش سەرو خەتەو گیانبازی ژیۋا. بیە بە فەرمانڎۍ ژیرەو سوپۍ سەرو میراسو مدرامانو زیلانۍ، گوڵانۍ و دەلالەکا. پېسە فەرمانڎۍ خەتەو ئازاڎیی ژەنا جە تاریخو کۊشیایمانە یاگۍ ۋېش کەرڎۊ. هامڕا نۆرشینە کە بە ئشناسنامە و ژەنێوە ئازاڎۍ چنی پاژکی بەرجەسۍ بیە، پېسە نموونېوە ۋەشەویسی پۍ گەلی و پېوەرەبەستەیۊ وڵاتی و جەنگاوەری ڕاسی، ھەمیشە یاڎمانە بۊ.
هامڕاما سیدار کە نەریتو یاۋنەری ئازاڎیی غوربەتەلی ئەرسۆز، خەلیل داگ و عەلی کانیرۆژانیش هۊرگېرتەبۍ. بە زانست و کەسایەتی ڕەنجدەری گەرەکش بۍ زیاتەر پەرەش پنە بڎۊ، سەرەمڕە کۊشیا، حۊڵ و ڕەنجێوە فرەش دا. وەعدەکەیما واوەی کەرمۍ، کە خەتەو کۊشیای هامڕا سیداری گېرمېنە ۋەر و نمازمۍ قەڵەمو، کامێرا و تفەنگەکەش سەرو زەمینیۊ مەنۊوە.
هامڕېکېما زیلانە و لەڤەند، کە دلۍ گەلەکەیمانە جە ۋەرنیشت هۊرکۊتېنۍ، بە کەسایەتی ئازاڎیوازیشا و پا بەھۍ کە پۍ هامڕایەتی نیاشارە، بە کەسایەتی ڕەنجدەریشا و هەڵوێسی سەرەمڕەشا، گرڎ ۋەختۍ ڕانیشاندەرېما با و سەرمەشقیما پۍ کەرا.
جە ساڵوەگېڵ و گەشمەرڎەبیەیشانە، بە ڕێزۊ یاڎو نۆرشینۍ، سیدار، زیلانۍ و لەڤەندی کەرمېوە، سەرەوەشی ۋېما ئاراسەو گرڎو گەلی وڵاڎپارێزو کورڎسانی، بەتایبەتی خانەواڎەو بەنرخو هامڕایاما کەرمۍ.
ئشناسنامەو ھەڤاڵە گەشمەرڎەکاما پی جۊرەنە:
ناسنامی: نۆرشین عەفرین-ە
نامی و دمانامی: فەریهان ئیسماعیل
یاگی جە ئەڎابیەی: عەفرین
نامی ئەڎی و تاتەی: قودرەت – ئەمین
وەخت و یاگی گەشمەرڎەبیەی: ٨ و ئابو ٢٠٢٢ /گارە
ناسنامی: سیدار سەحەد
نامی و دمانامی: جەلال بیرداڵ
یاگی جە ئەڎابیەی: ئاگری
نامی ئەڎی و تاتەی: گوزەل - حسێن
وەخت و یاگی گەشمەرڎەبیەی: ٨و ئابو ٢٠٢٢ / گارە
ناسنامی: زیلان عەفرین-ە
نامی و دمانامی: جەیلان عەبدوڵا
یاگی جە ئەڎابیەی: عەفرین
نامی ئەڎی و تاتەی: فاتین - احمد
وەخت و یاگی گەشمەرڎەبیەی: ٨و ئابو ٢٠٢٢ / گارە
ناسنامۍ: لەڤەند قامیشلۆ
نامۍ و دمانامۍ: ئەحمەد سلێمان
یاگۍ جە ئەڎابیەی: قامیشلۆ
نامۍ ئەڎۍ و تاتەی: ڕانیا - یاسر
وەخت و یاگۍ گەشمەرڎەبیەی: ٨و ئابو ٢٠٢٢ / گارە
هـ . ش
