ناوەندوو ئەرەیاونای و چاپەمەنیی ھەپەگەی بارەو گەریلێوە گەشمەرڎێوە  ئەرەیاوناێوەش وەڵا کەرڎۊ، کە دلێشەنە ئامان:

"شۊڕشگێڵنەی ئینتەرناسیۊنالیستەی بەڕێزە، ھامڕامان ئەلەفتەریا ھامبی، کە ئەندێشەو سۊسیالیزمی دیموکراسیی ڕابەریمان، جەنگوو گیانبازیی جەنگاوەرە ئاپۊییا دژوو چەتەکاو داعشی و گرڎوو هێزە دماکەوتەکا کاریگەرییشا بۍ سەرش، پێسە بە هۊشیاریێوە قەوەتی سۊسیالیستی و ئینتەرناسیۊنالیستیوە پەی ئازاڎیی گەلا ڕووش جە وەرکەوتوو دلێڕاسەی و ناوەندەکەیش، کوردستانی کەرڎە. ھامڕێما ئەلەفتەریا کە دڵش پەی ئازاڎیی گرڎوو ئینسانیەتی دۍ وەنە، جە سەرنیشت و وەرکەوتوو سوریای تا ھەرێمەکاو پارێزنای مێدیای گیانبازانە کۊشیا. ھامڕێما ئەلەفتەریا ٢٥ تشرینوو دووەموو ٢٠١٩ جە مەیدانوو سێداروو گارەینە جە هجوومێوە سوپاو تورکی ئەرەگیرینە، بە فڕۊکەی جەنگی گەشمەرڎۍ بییە. 

ھامڕێما ئەلەفتەریا کە باوڕش بۍ کە متاوۊ بە پارادیگماو ئازاڎیوازیی ژەنۍ، ئیکۊلۊژی و دیموکراتیکی ڕابەریما متاوۊ وەرمەکاش بارۊ دی. ڕووەش کەرڎە  کوردستانی، بە حەزی فرەوە، ڕاسی و گیانبازیێوە گەورەوە کۊشیا پەی گرڎوو هامڕایاش گرڎ وەختۍ بییە بە سەرچەمەو هێزۍ و ورەی. ئینتەرناسیۊنالیستەکۍ ئینسانە جوانەکا پێسە ھامڕێما ئەلەفتەریۍ، بە بەشداریکەرڎەیشا کۊشیای گەلاش پەی ئازاڎی گەشتەر کەرد. ئەورووپاوە کەوتە ڕا و جە ماڕای سیستمی کۊلۊنیالیستی بێکۊتایی ھەژموونگەرای میاننەتەوەیی و نەتەوە دەوڵەتی سەرمایەدارینە سەروو گەلاو وەرکەوتوو دلێڕاسەینە، دەورێوە گەورەش بۍ.

  پێسە ڕەفێقەکاش وێما بە بەختەوەر مزانمۍ، چونکوم چەنی ژنێوە ڕەسەنۍ ساعیبەو ڕۊحێوە ئازاڎی و شۊڕشگێڵنیوە ئینتەرناسیۊنالیستی بەڕێزی کۊشیای ئازاڎیما کەرڎەن. سەرەوەشیی وێما ئاڕاستەو گەلی دیموکراتیکوو ئەڵمانیای، بەتایبەتی بنەیانەی بەڕێزوو ھامڕێما ئەلەفتەریۍ کەرمۍ. کە دڵش پەی گەلوو کوردستانی دۍ وەنە. سەرەوەشی جە گەلوو کوردستانی کەرمۍ.

زانیاری بارەو شناسنامەو ھامڕێما ئەلەفتەریا ھامبیێوە پێسنەن:

شناسنامێ: ئەلەفتەریا ھامبی

نامۍ و دمانامێ: ئەڤا ماریا شتایگەر

یاگۍ پەیدابییەی: ئەڵمانیا

ئەدا – تاتە: جۊرینا -ھانس مایکڵ

وەخت و شۊنەو گەشمەرڎەبییەی: ٢٥ تشرینوو دووەموو ٢٠١٩ / گارە

 س.ز