ناوەندوو ئەرەیاونای و چاپەمەنیی هەپەگە جە ئەرەیاوناێوەشنە شناسنامەو گەشمەرڎێوەش وەڵا کەرڎۊ. ئەرەیاوناکەینە ئامان:  

"دەوڵەتوو تورکی کۊلۊنیالیستی قڕکەری، مانگەو تەمووزیوە، دەسش بە ئۊپەراسیۊنی ئەرەگیریی وەرفراوانی پەی سەروو گارزانی کەرڎەن.  وەراوەروو هجوومەکاو سوپاو تورکینە، کە گرد نۊعە تەکنەلۊژیاێوە جەنگیش هەن سەرەمڕ بۊردومان کەرۍ. ھامڕێما فیڎاکارانە وێگێرییشا کەرد و جوابی تارێخییشا بە ئەرەگیرا داوە. هجوومەکاو دوژمنینە و جەنگی دژوارنە، ڕۊو ١١وو ئابینە، هامڕای گیانبازەما بێریتان سیسەرە تا دماهەناسەش گژیا و گەشمەرڎۍ بییە.  

هامڕای گیانبازەما بێریتانە چا وەختۊ پەیوەندییش بە ڕیزەکاو پارتەکەیمانەوە کەرد، بە کەسایەتیی جەوھەرییش وێش پەی فەلسەفەو ڕابەر ئاپۊی تەرخان کەرد و بەگرنگییوە کەسایەتیی وێشنە لوا وەڵێوە. هامڕاما بێریتانە شارەزایی وێش جە ڕووەو سەروازی و ئایدیۊلۊژیایۊ بەرز کەرڎەۊ و بییە بە فەرماندێوە سەرمەشقەو یەژاستاری. ھامڕێکێما پێسە نۊعوو ژیوای دیۍ پەی گیانبازی، جەنگەنە خەتەو فیڎاکارییش بەتەمامی و بەبۍ کەموکوڵی یاونا یاگۍ و بییە بە یوە جە خاستەرین نموونەکاو گیانبازیی ئاپۊیی.

سەرەوەشییما ئاڕاستەو بنەیانەی بەنرخوو هامڕێما بێریتان سیسەرۍ ژەنەی قارەمانەو بۊتانی و گردوو گەلی وەڵاتپارێزنوو کوردستانی کەرمۍ. جە کەسایەتیی هامڕێما بێریتانێنە، قەراروو یاونای سەرکەوتەی کۊشیای ئازادی، کە بە گردوو گەسمەرڎاما دان، ئەوەخوایش کەرمێوە.

زانیاری بارەو شناسنامەو هامڕێما بێریتان سیسەرێوە پێسنەن:  

شناسنامێ: بێریتان سیسەرە

نامۍ و دمانامێ: غوربەت کایماز

یاگۍ پەیڎابییەی: سێرت

ئەڎا-تاتە: قومری-هاشم

وەخت و شۊنەو گەشمەرڎەبییەی: ١١و ئابوو ٢٠٢٣ / گارزان

س.ز