ھەپەگە ئشناسنامەو گەریلایۍ گەشمەرڎەیش ۋەڵاکەرڎۊ و ئەرەیاۋناش، "هامڕاما کاوە چەکدار، کە بە شێۋېوە شکۆمەندانە گېڵاوە پۍ کوردسانی و پەیوەنڎیش بە ڕیزەکا گەریلایۊ کەرڎ، مانگەو ئابی جە هجومۍ دوژمنینە جە هەرێموو گەشمەرڎە دەلیلوو ۋەرنیشتوو زاپینە گەشمەرڎەبی".
ناوەنڎو ئەرەیاۋنا و چاپەمەنی ھەپەگەی جە ئەرەیاۋنېوەنە، ئشناسنامەو گەریلایېش ۋەڵاکەرڎۊ، کە مانگەو ئاب و ئېساڵی جە هجومۍ دوژمنینە جە هەرێموو گەشمەرڎە دەلیلوو ۋەرنیشتوو زاپینە گەشمەرڎەبی
جە ئەرەیاۋناکەنە ئامان:
"هامڕاما کاوە چەکدار، کە گرڎ وەختۍ وەشەسیایی و تامەزرۆییش پۍ وڵاتی جە دڵشەنە بە زینڎەیی ڕاگېرت، بە شێۋېوە شکۆمەندانە جە ئەوروپاوە گېڵاوە پۍ کوردسانی و وەرمەکەش پۍ پەیوەسبیەی بە ڕیزەکا گەریلایۊ بەدیئارڎ، جەمانگە و ئابینە جە هجومۍ دوژمنینە جە هەرێموو گەشمەرڎە دەلیلوو ۋەرنیشتوو زاپینە گەشمەرڎەبی. هامڕاما کاوە دیش کە ئازاڎیی گەلەکەیما تەنیا بە بەشڎاریکەرڎەی جە ڕیزەکا گەریلای و جەنگېوە گیانبازانەینە دەسەبەر بۊ، پۊکاتی ژیۋای تایبەتی و کەسی ۋېش وست کەنارۊ و پەیوەنڎیش کەرڎ بە ڕیزەکا گەریلایۊ، جە سەردەمێوەنە کە هجومی ۋەرفراوان کریۍ سەرو گەلەکەیما و جمیەرەکەیما، بۍ دوودڵی و بە ئازایی و غیرەتۍ گۊرۊ بەشڎاری کۊشیایش کەرڎ، هامڕاما کاوە جە ڕۊی یۋەمۊ تا وەختوو گەشمەرڎەبیەیش بە شێۋېوە فیدایی ڕاش کەرڎە، بە ھەڵوێسیش دلۍ ژیۋاینە و بە ئازایەتی گۊرەش دلۍ جەنگینە، بی بە جەنگاوەرێوە ئازاو ئی سەردەمیە، کە پۍ هامکارەکاش بی بە نموونە.
پەرسە و سەرەوەشی ۋېما ئاراسەو خانەوڎەی بەنرخیش کەرمۍ، کە جەنگاوەرێوە گیانبازی ئاپۆیی پېسە هامڕا کاوەیشا پنەیاونا و پەیوەنڎیش بە کۊشیای ئازاڎیی گەلەکەیماوە کەرڎ. حەرپاسە سەرەوەشی جە گرڎوو گەلی وڵاڎپارێزوو کوردسانیچ کەرمۍ.
زانیاری جەبارەو ئشناسنامەو هامڕا کاوە چەکداری پی جۊرەنە:
ناسنامۍ: کاوە چەکدار
نامۍ و دمانامۍ: ئیبراهیم دەمیر
یاگۍ جە ئەڎابیەی: ئیستەنبوڵ
نامۍ ئەڎۍ و نامۍ تاتەی: نایمە-محەمەد
وەخت و یاگۍ گەشمەرڎەبیەی: ئاب و ٢٠٢٣ / ھەرێمەکۍ پارېزنای مەدیای
هـ.ش
