کۊمیتەو جووانا پەکەکەی ئەرەیاۋناش،"مشۊم جە یاڎوو میراتی مدرامانوو عەلی چیچەکی بە عالی بیاۋمېنە، کە پېسە نمونۍ گەنجانەو ڕۊحی ئاپۊیی گەنجا شۊڕشگېڵنی و شۊڕشگېڵن و کورڎسانین. مشۊم ئېمە ئا میراتەو مدرامانیش کەرمۍ بە ڕا نیشاندەروو کۊشیای".
کۊمیتەو جووانا پەکەکەی ئەرەیاۋناش،"کودەتای فاشیستی ١٢ و ئەیلول و ١٩٨٠ی ڕووەی ڕاستەقینۍ ۋېش جە زینڎان و ئامەڎینە نیشانە دا. بە کرڎەوۍ وەحشیانۍ گەرەکش بۍ سیاسەتی نکوڵی و ئەسڕیەیۊ جە کورڎسانەنە سەروزۊ. مدرامانوو ١٤ و تەمووزی دژ بە مەغزی فاشیستی کریا، بەرش وست کە ئیراڎەو پۊڵاینی پەکەکەی دلۍ حیچ هەلوومەرجېوەنە چۊک مەڎۊرە. مدرامانوو ١٤ و تەمووزی بی بە یۊ جە بەها مبارەکەکا مرۊڤایەتی و بی بە هیوا پۍ مرۊڤایەتی. ئا ڕۊحە ئارۊیچ بەسەرمەشقی گەریلای بۊ بە هیواو مرۊڤایەتی. یۊ جە قارەمانا ١٤و تەمووزی هەڤاڵ عەلی چیچەک جە ڕۊو ٦٧ەمین و مدرامانی شکۊمەندانەینە جە ١٧ و ئەیلول و ١٩٨٠ی گەشمەرڎەبی. بە ئیراڎەو ۋېش هەڵۋېس و مدرامانۍ شکۊمەنڎانەش نیشانە دا. هەسارەی سوورو گەنجا عەلی چیچەک جە ٤١ەمین ساڵوەگېڵ و گەشمەرڎەبیەیشەنە ، حەرپاسە جە کەسایەتی قارەمانا ١٤ و تەموزینە تەماموو گەشمەرڎا ئاخېزی بە ڕېزوو پنەزانایۊ ۋیر مارمېوە، وەعد واوەی کەرمېوە کە میراتوو مدرامەنوو ئاڎیشا بیاۋنمۍ بە سەرکۊتەی".
جە ئەرەیاۋناکەنە ئامان،"هەڤاڵ عەلی چیچەک سەرەتا یۊ جە سەرمەشقەکا پەکەکەی هەڤاڵ کەمال پیرش ئشناسا. جە ڕاو کەمال پیریوە بەشڎار و کۊشیای بی". ئەرەیاۋناکە پی جۊرە وەردەوام بۍ،"دژ بە نۊکەرایەتی و کۊلۊنیالیزمی سەروو گەلەکەیما، ۋەردەوام بەشڎاری جە چالاکیەکانە کەرۍ. عەلی چیچەک بە چالاکییەکاش بی بە یۊ جە شمشېرە تیژەکا ئاخېزەکەیما. نەک حەر ئانەش کەرڎ، بەڵکم جە هەمان وەختەنە بە دینامیزمی گەنجانەی جە پەروەردۊ تا هەرمانەو ڕېکوستەی ئاماڎەبۍ. پۍ ئانەی ڕۊح و قەناعەتی شۊڕشگېڵنی جە ٧ تا ٧٠ ساڵی بیاۋۊ بە گەلەکەیما، بی بە نیشانۍ جەنگاوەری دەس هۊرچنی".
وەختۍ جە لاو دوژمنیۊ گیریا، حەجگیز سازشش سەروو هەڵۋېسی شۊڕشگېڵنانەو ۋېش نەکەرڎ. جە داموو دەزگا ئەشکەنجەییەکا ١٢ و ئەیلولی کە ئینسان مەتاۋۊ چنەشەنە وەرگە گېرۊ، نەک حەر ۋەران ۋەروو دوژمنی ۋېڕاگریش کەرڎ، ئا قسۍ کە کەس نەیارۍ کەرۊشا ۋەران ۋەروو دوژمنی، ئاڎ کەرېشا و ڕاسی شۊڕشگېڵنی ئاپۊیی.'من عەلینا، شمە خاس من مشناسدۍ. دڎان بە حیچ چېۋېرە مەنییەو، مەتاودۍ حیچ نهېنی و پەنهانیۍ جە منۊ بزاندۍ. ئەشکەنجەکېتا تەنیا متاۋا گیان جە من بساناوە. شمە گرڎتا ۋېتا تاقی کەرڎېوە. پارتەکەما منش فېروو مدرامانی کەرڎەن. ئەرکوو من مدرامانا، ئەرکوو شمەیچ سزاداین. با دەسپنەکەرمۍ بزانمۍ دۊڵەت بەقووەتتەرا یان پارتەکەما...' بە ئەنەیاوای ڕېکوستەیش ناستش کە فرەو ئینسانەکا ئەشکەنجە بڎریا. فرەو چالاکییا کە ئەنجامش نەڎۍ بېنۍ گېرتېش ئەستۊو ۋېش و پا جۊرە ناستش کە فرەو کەسا ئەشکەنجە بڎریا. چنی ئەنەیاوای ڕېکوزیایی نیشانەشدا کە خۊتان چ ۋەرپرسیاریېوەن. ئا ۋەرپەرسیە جە تەماموو ژیۋایشەنە ۋینیۍ. ۋېش جە ئەساسەنە ئانەی عەلی چیچەکش کەرڎ بە هەسارەی سوور ۋەرپەرسی و دڵسۊزی ئاڎی بۍ ۋەران ۋەر بە بەهاکا.
ئا قسۍ کە ماچۊ"پەکەکە مدرامانش فېرۍ کەردېنمۍ نەک ۋۍ دای دەسۊ" بیە بە ڕانیشاندەروو گەنجا کورڎسانی
تاریخوو ڕاسی دۊڵەتوو ترکی کۊلۊنیالیستی قڕکەری، ١٢ و ئەیلولین. ئا ڕاسییە ئارۊ جە ڕاو ڕژېموو ئاکەپە-مەهەپەی فاشیستیۊ فرە بە بەرجەسەیی نیشانە مڎریۊ.جە چەکی کیمیاۋیۊ تا بۊمبی ئەتۊمی بە گرڎ جۊرە شېوازېوە جەنگی تایبەت، چەپەڵ، دڕنڎانە هجووم ئەنجام مڎۊ. جە ڕاو پەدەکەی خاینی و نۊکەریۊ حۊڵ مڎۊ کە ئانەی کودەتاو ١٢ و ئەیلولی نەتاواش بیاونۊش بە سەرکۊتەی، جابەجېش کەرۊ. سەروو ئا بنەمۍ بەشېۋېوە دڕنڎانە هجووم کەرۆ سەروو گرڎوو بەها مبارەکەکا کورڎسانی، گلېرگەی، ژیۋگەی. نە هېزی کودەتای سەروازی ١٢ و ئەیلولی جە ئەشکەنجەخانەکاشەنە تاواش ڕاسی عەلی چیچەکی ناچار بە وۍ دای دەسۊی کەرۊ ، نە ٨ ساڵۍ چېوەڵتەر جە جزیری تاواشا ڕاسی سۊزدار شەڕکەرۍ ئشناسیۍ بە(حەزنۍ ئینانۍ) کە بە زینڎەیی سۊچناشا، ناچار کەرا کەوېش بڎۊ دەسۊ. ئارۊ بە هجوومی نا ئینسانانە جە ئاڤاشین، مەتینا و زاپ مەتاۋۊ چۊک بەڕاسی مدرامانی بڎۊرە.
ڕاسی کورڎسانی جە ڕاو ژیۋای و کۊشیای چنی میراتی مدرامانوو ڕابەرایەتی گەشەش کەرڎوو یاوا پی سەردەمیە. قسۍ "پەکەکە مدرامانش فېروو ئېمە کەرڎەن، نەک ۋۍ دای دەسۊ" و عەلی چیچەکی بیېنە بە ڕانیشاندەروو گەنجا شۊڕشگېڵنی کورڎسانی. کۊشیای ئارۊیچ چا ڕېوە کە عەلی چیچەکەکا بە گەنجی دەسشا پنەکەرڎە و بە گەنجی مەنېوە، بەشېۋېوە گیانبازانە ۋەردەواما . گەنجۍ ئاپۊیۍ پېسە چنی هېزی مدرامانشا پۍ ۋېشا بەبنەما گېرت و ١٢ و ئەیلولیشا شکس پنە ئارڎ، ئارۊیچ بەهەمان مدرامانۊ ڕژېمی فاشیستی ئاکەپە-مەهەپەی شکست پنەمارا. بېگوومان پۍ سەروستەو ئانەی مشۊم مدرامانوو ١٤و تەمووزی و هەڵۋېسوو ژیۋای هامڕا عەلی چیچەکی پۍ ۋېشا بە بنەما گېرا. پا ڕۊحوو مدرامانی و قوربانی دایۊ ئەنجامەکەش چېش بۊ با بۊ گرڎوو ئا حۊڵا فاشیزمی ئاکەپە-مەهەپەی- جە بەین بریۊ.فاشیزم تەنیا بە هەڵۋېسی کۊشیایی عەلی چیچەکی شکس مارۊ. مەبۊ ئا ڕاسیە جە ۋیر کریۊ.
ڕۊحوو مدرامانوو ١٤و تەموزی ئارۊ بەسەرمەشقی گەریلای بە مدرامان ڕووەو سەرکۊتەی ملۊ. مشۊم گەنجۍ ۋڵاتپارېزو شۊڕشگېڵنۍ کورڎسانی یاڎوو میراتی مدرامانوو عەلی چیچەکی بە عالی درک پنەکەرا، کە نمونەی گەنجیەتی ڕۊحی ئاپۊیی گەنجا شۊڕشگېڵنی و شۊڕشگېڵنا کورڎسانین. مشۊم ئا میراتەو مدرامانی کەرمۍ بە ڕانیشاندەروو کۊشیای. بە ئازایەتی، ۋېڕاگری و هەڵۋېس و چالاکی عەلی چیچەکی مشۊم ڕووە کەرمۍ کۊشیای. دۊس و دوژمن با بزانا کە پېسە شۊنکۊتا عەلی چیچەکی ئېمە سەروو خەتەو گەنجا ئاپۊیی کۊشیای میاۋنمۍ بە سەرکۊتەی".
