کۊمیتەی ڕاوەبەری پەکەکەی ئەرەیاوناش،"ئا چالاکیۍ پۍ ئازاڎیی ڕابەر ئاپۊی سەروو ئاستوو جەهانینە جە ماوەی ۋیەرڎەنە ساز کریا، ئا بانگەوازیۍ چا چوارچېوەنە کریا، ئېمە فرە بە نرخ تەماشەشا کەرمۍ. حەرپۊکەی سپاسوو ئا سەندیکایا کەرمۍ کە جە کۊبیەیۊ تۊڕەو کۊشیای و پەشتیوانی سەندیکای میان نەتەوەیینە جە ١٠ و ١١ و ١٢ و ئەیلولینە جە شاروو سائۊ کۊسۍ  دۊس کامپۊسی سازکریا، ۋەڵا کریاوېشا جە بارەو پەشتیوانی جە گەلوو کورڎی و ئازاڎیی ڕابەر ئاپۊیۊ ئیمزاکەرڎ.

بەتایبەتی جمیەری سۊسیالیستی شۊڕشگېڵنی بەڕازیلی، کە ئەنڎاموو کۊمیتەی سەر جە نۊ کۊکەرڎەیۊ شۊڕشگېڵنین و پۍ ئا بانگەوازیە بی بە مەڵامەتوو میانجی کەری، حەرپاسە مبارەک بایی جە دۊساما کەرمۍ کە زەحمەتشا کېشت پنەزانای ۋېماشا پۍ بەربڕمۍ.

جە ئەرەیاۋناکەو پەکەکەینە ئامان،" بۊنەو ئینەیۊ جارېوەتەر ئاشکرابی کە پاڕادایمی دیموکراتیک، ئیکۊلۊژیک، ئازاڎیی پارېزی ژەنۍ- ڕابەر ئاپۊی بە جەهانی بیەن، گرڎ ڕوۍ زیاتەر خۊتانکەرڎەیش ۋنەکریۊ". ئەرەیاۋناکەی پی جۊرە ۋەردەوام بۍ،"پۍ ئانەی هیواو داواکاری کۊشیای کە ئەندېشەکا ڕابەر ئاپۊی و پڕۊژەکەیش کە شۊڕشگېڵنی بە مرۊڤایەتی بەخشۊ سنوردار کەر، گۊشەگیری ڕەهاشا سەرەرە سەپنان. حەرپۊکەی ئانە وزیا ڕووە کە ئی گۊشەگیریە بە حیچ جۊرۍ مایۍ قبووڵ کەرڎەی نیا.

پۍ دمایی ئارڎەی پی گۊشەگیریە ڕەهایەکە یاگۍ ۋېش دلۍ پیمەرە میان نەتەوەییەکانە، ئەخلاق، بەهاو یاساکانە مەبۊوە، پېسە جمیەری ئازاڎیی کورڎی ئېمە ئینایمۍ دلۍ کۊشیایۍ کۊمەڵایەتینە. پی کۊشیایماوە، ئېمە پاڵپەشتی سەندیکاو کرېکارا جە سان پائۊلۊ فرە بەگرنگ ۋینمېش، کەجە کەسایەتی ڕابەر ئاپۊینە جە ۋەران ۋەروو سیاسەتی گۊشەگیری و بېدەنگکەرڎەی گەلوو کورڎی و تەماموو مرۊڤایەتی مرڎېوە. هیواڎارېنمۍ بانگەوازۍ پا جۊرۍ پەی کۊشیای زیاتەرۍ با.

حەرپاسە گەرەکمانە مبارەک بایی چا دۊساما کەرمۍ کە جە ئشناسای پاڕادیگما و  ڕابەر ئاپۊینە جە فرەو ۋڵاتا جەهانینە کوۍ بیېوە و کۊنسېرتی پەشتیوانی سازکەرا. چی ئاخرایچەنە جەمەو گەنجا چالاکیشا پۍ ڕابەرایەتی ئەنجام دا، جە شارەکا میلانۊی، برېسیکا، ئالېسندریا، سالېرنۊ، ناپۊلی، ڕۊما و پیسسانە بەبەشڎاری سەڎان کەسا پۍ ئشناساو پاڕادیگما و ڕابەر ئاپۊی سیمینار سازکریا، کۊنسېرت و هیواکا بەبەشڎاری هەزاران کەسا ساز کریا. سپاسوو ئا دۊساما کەرمۍ کە ئا چالاکیەشا سازکەرڎ.

پارادیگما و ڕابەر ئاپۊی بە جەهانی بیەن، سەرەتا دلۍ گەلەکەیمانەو حەرپاسە دلۍ تەماموو جەهانینە بە جۊش و خرۊشی گۊرۊ و داواو کۊشیایۊ پېشوازیش ۋنەکریۊ. حەجگیز هیواو ۋېما جە دەس مەڎەیمۍ، کە تا مسۊگەرکەرڎەی ئازاڎیی جەستەیی ڕابەر ئاپۊی ئانە ۋەردەوام بۊ. سەروو ئا ئەساسیە ئېمە بە گەلەکەیما و دۊساما ئەرەیاۋنمۍ، کە جە کۊشیاینە ئینایمۍ چنی ئاڎیشا بە ڕېزوو ۋەشەسیایۊ سڵامشا پۍ کیانمۍ".