گەریلێکۍ یەژاستاری و هەپەگەی ساڵڕۆو ئەرەمەزیارەو پەکەکەیشا مبارەک کەرد و واتشا: "هیچ کەلیمێوە بەشو پێناسەو ژیوای پەکەکەی نمەکەرۆ. پەکەکە ٤٦ ساڵێش پەڕکەردەنۆ، هەڵای قەوەتاو سەرو پەیا ویشۆ مردان وئینا قەوەتتەرین سەردەمو وێشەنە".
پارتو کرێکارا کوردەسانی (پەکەکە) ساڵەو ١٩٧٨ بە سەرمەشقایەتی ڕابەر ئاپۆی ئەرەمەزیارە. ئاتاریخە بیی بەسەرەتێوە پەی ئەرەمەزیارەو ژیوێوە تازەی، ژیوێوە پەڕ جە ئەرەکۆشای و رازیایۆ بە هیواو سەرکەوتەی، هەرپۆکەیچ پێسەو جەژنەو ژیوایۆ نامێ نریان. گەریلاکا ئازادیی کوردستانی پەی وەشکەردەو ئا جەژنێ جە کەشەکا کوردستانی دەیان ساڵێن دلێ جەنگێ دژوارینە و جە دڵ و ناخۆ بەشداری ئا جەنگەینێ، گیانو وێشا پەی سەرکەوتەی بەخشانە. گەریلاکا یەژاستاری سارا بەرازی و گەریلاو هەپگەی وەڵات شەرزان کە هەرێمەکاو پارێزناو مەدیا ئەرەکۆشای ئازادیی ڕاوەبەری کەرا بەمەبەسو موبارەک بایی ٤٦ەمین ساڵڕۆو ئەرەمەزیارەو پەکەکەینە قسێشا پەی ئاژانسو هەواڵو فوراتی کەردۍ.
گەریلا سارا بەرازیە باسش چانەیە کەرد کە جەژنو ژیوایۆ بە رەنجو ڕابەر ئاپۆی و گەشمەرڏا شۆڕشی یاوان بەلوتکە و واتش، "ئا ئەرەمەزیارە بە هامڕایەتی کەمال و حەقییەکی دەسشپنە کەرد و تائیسەیش ئا رۆحە بەردەواما. بە ئەرەکۆشاو چەکداری، بیردۆزی و ڕێکوزیای بەردەواما. ئا رۆحە ئارۆ وەرانوەرو ستەمی و دەسەڵاتداری ئیسە ئەرەکۆشای کەرۆ. ئا مدرامانێ ئارۆ جە تونێلەکانە جەنگینە کریۆ، سەرو بناغەو ئا رۆحەیە پەکەکە سازکریان. هەرپۆکەی وشی بەشو پێناسەکەردەو ژیواو پەکەکەی مەکەرۆ، مەگەر ئەوەی مرۆڤ بڕژێتە ناو ئەو ژیانەوە کە وەک دەریایەکە و لە نزیکەوە بیناسێت. ئەرەگیریاا مەتاوا ئا رۆحە تێکۆشەریە دلێنە بەرا.
ئێمە سەرو رێبازو ڕابەر ئاپۆی هەنگامێ منیێمێ
ئا رۆ تەمامو جیهانی هێز جە ئەرەکۆشاو ئێمە هۆرگێرۆ، نامێ ڕابەر ئاپۆی واچاوە. گەلو کوردی کە پنەش واچێنێ؛ 'سەرگۆڕەکێش کۆنکرێت کریان' بە سەرمەشقایەتی پەکەکەی وشیاربییەنۆ، راسی ئەرەگیرا وینەو و وەرانوەرەنە مدرانۆ. ئێمە پێسەو جەنگاوەرا یەژاستاری سەرو ڕاو و رێبازو ئەندێشەکا ڕابەر ئاپۆی هەنگامێ منیێمێ و ئەرەکۆشمێ. ئار سەرمەشقایەتی ژەنا پەی ئی دۆزەیە ئینا لوتکەنە و گرد کاتێ پی جۆرە بۆنە. شکست و مدرنای مەشناسمێ. ساڵەو ئایندەیما پۆنە ساڵەو مژدەو سەرکەوتەی گەورە پەی گردو گەلا جیهانی".
پەکەکە ٤٦ ساڵێن بە هێزۆ ئینا سەرو پەیاوە
گەریلا وەڵات شەڕزان باسش چانەیەکەرد، کە پەکەکە ٤٦ ساڵێن وەرانوەرو گرد جۆرە هجومێ وێڕاگیری کەرۆ و پی جۆرە بەردەوام بیی: "ئەرەگیریایا سەرەتاوە واچێنێ کە ماوەو چن ڕوێ و سەعاتێنە دمای بە پەکەکەی مارانە.ئانا ئی پارتە ٤٦ ساڵێش ئەرەویەرنا، هەڵای بەو پەڕو هێزیۆ ئیناس سەرو پێیاوە و ئینا پتەوترین و بەهێزترین سەردەمو وێشەنە. گەریلا و گەلو کوردی جە کەسایەتی فیداییا سەردەم ئاسیا و رۆژگەرەکێ ئا پەیامەسا دا کە دۆڵەتو تورکی ئینا لاوازترین سەردەمەنە و ئێمە کەی گەردەکما بۆ پارێزێترین یاگەکا کەرمێنە ئامانج. ئەرەگیریایا تورکی جە سەردەمو وڕیایشانە. گەریلا جە گەشەکانە جەنگ کەرۆ. بە تایبەتی ساڵەپا ٢٠٢٣-٢٠٢٤ گەشمەرڏا فیدایی سەرخۆبیەیا و رزگار بەرزی ئیرادەو گەریلا و پۆتانسیەلی جەنگەکەیشا نیشانەدا. ئەو ئازایەتیە بەردەوام بۆنە.
ئێمە بە مدرامان دوژمنی ماڕمێنە
دۆڵەتو تورکی ماوەو چن ساڵان هەرێمەکاو پارێزناو مەدیانی چەقان و بەردەوام گورزش وەنەدریۆ. مدرامان و ئازای گەریلای و گەلو دوژمنش یاونان ئاستو ئانەی بەرەکێ ئیمراڵی کریاوە و پەنا پەی سیاسەتی تازەی بەرا. ئێمە پێسەو گەریلاکا ئی ڕێکوزیایە پەی ساڵەو تازەی خواست و ویستما نەک هەر گەشکەردو مدرامانی، بەڵکوو ئانە بۆ کە هەرێمەکامانە دوژمن ماڕمێ و هەنگام بە هەنگام پاشەکشێشا پنەکەرمێ".
