ئەرەیاونایەکەو پلاتفۊڕموو ئایینەکاو مێزۊپۊتامیاینە ئامان، " ڕۊو جیهانیی کۊبانۍ وەنەو گەلە ستەموەنەکریایا و چەوسیاوا مەبارەک بۊ".

ئەرەیاونایەکەی واتەن، کە دەوڵەتوو تورکی هەوڵێش دۍ جە ڕاو مەیلوو گێرتەی وەرنیشتیش بیاونۊ یاگۍ و ئانەیچ وزیان ڕووە، "ئەرڎۊغان کە بارەو حەماسیوە ماچۊ جمیەروو موجاهیدەکا، گرووپێوە کە خاکوو وێشا پارێزنا ، بە قەسەدە و پێکئامێکێش کە گیان، سامان، نامووس و خاکوو وێشا وەراوەروو ئەرەگیرانە پارێزنا، ماچا تیرۊریست".

ئەرەیاونایەکەینە ئاماژە بە هجوومە ئەرەگیری و قڕکەرییەکا دریان و وچیان، کە "پێسە چەنی هیزی دژوو چەتەکاو داعشی دڕندەی، جە پاریزنای کۊبانێنە گەلاو جیهانی و بندەسۍ یۊشا گێرت، کەوتۍ سەنگەرۊ پێسە  کۊبانۍ ئازادە و وەرنیشتی ئازاد پێوە ئامۍ دی، ئارۊیچ دژوو ستەمی، گۊشەگیری، ئەرەگیری و فاشیزمی ئێمە داوا وەنەو گردوو لایەنگێراو ئینسانیەتی کەرمۍ کە پێوەژیوای ئازاد و دیموکراتیک بونیاد بنیا".