هەردوو ژەنە ڕۆنامەواناو ئەرەیاونای ئازادی ٢٣ێ ئابوو ٢٠٢٣ێنە مەنتێقەو سەیدسادەقوو سەر بە سلێمانینە دەوڵەتوو تورکی بە هامکاریی پەدەکەی کەردێ ئامانج، چا بارەوە ڕۆنامەوان بڕیا عەفرین پەی ئاژانسیما دوا.

ئەوەڵوو قسەکاشەنە ڕۆنامەوان بڕیای عەفرین ئانەش وست ڕووە، وەروو ئانەیە  دەوڵەتوو تورکی جە ڕووەو سیاسییوە شکسش ئاردەن، پەنا مبەرۆ وەروو تیرۆروو ڕۆانمەوانا و ئەرەیاوناش:" دەوڵەتوو تورکی جە ڕووە و گرد ڕەهەندێوە ئەخلاقی و سیاسیوە شکسش ئاردەن. پەوکای هجووم مکەرۆ سەروو بەهاکاو گەلی، کەسە ئازادیوازا، پەوکای دەوڵەتوو تورکی هیچ جیاوازیێوە نمەکەرۆ، گرد لاێوە مکەرۆنە ئامانج. هجوومەکەو سەروو ڕۆنامەوانە ئازادایچ سلێمانیینە بەردەوامیداین پی سیاسەتە پیسەیشە. بەئامانجگێرتەی ڕۆنامەوانا گوڵستان تارێ و هێرۆ بەهادینێ، دەرەنجاموو خەباتوو ئەرەیاونایشا بێ، چونکوم جە ڕووەو سیاسەتەکاو دەوڵەتوو تورکی و پەدەکەی و هامکارەکاشۆ بەرش وست. ئەرەیاونایەکاو پەدەکەی دماو تیرۆرکەردەی هەردووە ڕۆنامەوانەکاوە ئانەشا وەڵا کەردۆ کە عەلاساس چەکدارێنێ، وەلی ئینە دروێوی شاخدارە بێ، ئاخر هێرۆ بەهادینە بەرشیێ بەشوو عەندازەگیریی بێ و هەرگیز دەسش نەدابێ تفەنگیوە، ساڵەو ٢٠١٦یچۆ گوڵستان تارێ مشناسوو ئینسانێوە پاکە و دڵسۆزەو هەرمانەکێش بێ، ئینسانیوە ڕۆشنویرە بێ و چند ساڵێوە پێوە هەرمانەما کەردێبێ، بایی نووکەچەنێوە دلوو هامڕایەکاش عەزیەت نەدێ."

' پەیما بیێ بە هێز، سیمبوڵ و نموونەی باڵا'

عەفرین ئاماژەیچش پانەیە دا  گرد کەس گوڵستانەشوەش ئسیێ، پەوکای گرد یاگێونە کوردێ خاوەندارییش وەنە مکەرا و واتش:" پەوکای گوڵستانە بییە بە هێز، سیمبولەو نموونەی باڵا. بە هامکاری و خیانەتوو پەدەکەی گەشمەردێ کریا، ئینە یاگێ شەرمەزارین و پەنەواازا دژوو خیانەتی هەقەشا بکەرمێوە. ئینجا هامڕاما هێرۆ، ڕۆنبامەوانێوە دڵسۆزە بێ پەی هەرمانەکێش. جە بنەیانێوی  وەڵاتپارێزن و هەستپاکوو ژوردەواری بێ،فریشتەئاسابێ، هەرچند باسوو دڵسۆزیی ئا دووە هامڕایاما  بکەرمێ هەڵای کەما. پەوکای ئانە کە متوامێ بکەرمێش ئانەنە، دژوو ئی هەرماناو دەوڵەتوو تورکی ەو خیانەتوو پەدەکەیە بمدرمێوە، خاوەنداریی جە ڕاو خەباتوو هەردووە هامرایاما بکەرمێ. بە وەرفروانکەردەی هەرمانێ و خەباتی ڕۆنامەوانی هەقەو هەردووە هامڕایاما جە ئەرەگیرا و هامکاراشا بکەرمێوە."