دماو ئانەیە کە جەمیل نەوسوودی هونەرمەند و سیاوچەمانەچڕوو هەورامانی دماو ملەملێوە فرێ چەنی نەوەشیی ڕۆو دووەشەممەی ٤-ئازاروو٢٠٢٤ وەرکەوتوو کوردسانینە و ماواو وێشنە عەمرەو خوایش کەردە، پەرۆشی و پەرسەباری ڕووەش کەردە کورەواری و هەورامانی بەتایبەت هەردووە بەشەکەشنە، چێگەوە هەورامییەکاو پانیشتوو کوردسانی و هونەردۆسێ پەرسە پەی هونەرمەندی کۆچکەردەی منیارە و پەلیانەو هەورامان نیوزی و یانەو سیاوچەمانەی شاروو خورماڵینە پەرسەخانەو هەورامانینە پەرسەش پەی منیارە و داواشا هەنە جە خەڵکی و هونەردۆسا پەی فاتێحەوانای و شادکەردەی ڕۆحوو کۆچکەردەی بەیا واگە.

جەمیل ئەحمەدی ئشناسیا بە "جەمیلە" یان جەمیل نەوسودی، یۆ جە نامیەتەرین هونەرمەندەکاو  سیاچەمانەچڕەکاو هەورامانین پاڵوو دەنگە ئاهوراییەکاو عوسمان هەورامی و حەمەحسێن کێمنەیەینە مێ کە داراو سەدان بەزما و گۆرانییا و سیاچەمانان.

نەوسودیی کۆچکەردە هەورامانوو پانیشتی و وەرکەوتینە جموورێوە فرەو تایبەتش بێ و ماوەو دوێ ساڵا بێ ناساق بێ و دماجار  ڕۆو دووەشەممەی دەگاو نەوسوودێنە و ماواو وێشنە دماو 78 ساڵا خزمەتی هونەری دماکۆچش کەرد و چاگەیچ ئەسپەردە کریا.