ڕێڤان ڕۊدییە، گەریلاو یەژاستاری مەبارەکبایی هەڵمەتەو ١٥و ئابیش کەرد و ئەرەیاوناش "کۊشیای، هەڵوێست و وێگێریی هامڕا عەگیدی، بییەن بە نموونێوە پەی شۊنکەوتاش. پیسە ڕاویاراو هامڕا عەگیدی، ڕاو ئاڎی گێرمێنە وەر".
ڕێڤان ڕۊدییە، گەریلۍ یەژاستاری باسوو کاریگەریی هەڵمەتەو ١٥و ئابیش کوردستاننە کەرد.
ڕۊدییە ویرش ئارڎۊ، "دلۍ کۊشیاینە پەی ئازادیی کوردستانی، تا ئیساتۍ چندین جەنگەوانۍ بەنرخۍ گەشمەرڎۍ بیێنێ" و واتش: ئا هەڵمەتۍ بە سەرمەشقایەتیی هامڕا عەگیدی جە ١٥و ئابوو ١٩٨٤ دھۍ و شەمزیناننە دژوو ستەمکاری ئەرەگیری دەسش پەنە کەرد، کوردستاننە هەڵوێستێوە قەوەتش خولقنا. بێگومان دلۍ ئا شۊڕشەینە یاگۍ هەڵمەتەو ١٥و ئابی فرە گەورێنە، هامڕا عەگید چەنی هەڵمەتەکۍ واتش: "ئەگەر شمە وەڵاتەکەیما گێرڎۍ، ستەم کەرڎۍ، مەتاودۍ بێدەنگێما کەرڎێ". هامڕا عەگید بە تەقنای یوەم فیشەکی جوابوو ئانەیشە بە دوژمنی داوە.
ڕێڤان ڕۊدییە واتیچش: "جە یوەم فیشەکۊ، کە جە ١٥و ئابینە تەقییا تا ئیساتۍ، کۊشیاێوە گەورە هەن و بەرڎەواما. کۊشیا، وێگێری و هەڵوێستوو هامڕا عەگیدی بی بە نموونێوە پەی ڕاویاراش. پێسە شۊنکەوتاو هامڕا عەگیدی، ڕێکێش وەرە مەدەیمۍ. وەرڎەموو یادوو فەرماندە هامڕاعەگیدی و ئا هامڕایانە کە چی کۊشیاینە گەشمەرڎۍ بیۍ، سەروو ڕێزی کۊمنوورە. سەروو ڕاو ئاڎیشاوە کۊشیەیمۍ و ئامانجەکاشا مارمۍ دی. پێسە جەنگاوەراو ڕابەر ئاپۊی و شۊنکەوتاو فەرماندەی گەورە عەگیدی، سەرکەوتەی مسۊگەر کەرمێ".
س.ز
