زینڎانی سیاسی شیمال دەنیز، کە جە زینڎانی جۆرو ئێسینە جە ماناڤگات زینڎانی کریان، ئەرەیاۋناش، پېسە "زینڎانییۍ مەترسیڎار" ی مامەڵەما چنی کەرا و مافەکاما زەوت کەرا، بەڵام ئێمە زینڎانی سیاسینمۍ و نامونیشانو زینڎانییە مەترسیڎارەکا بێڕێزیین و قبوڵش مەکەرمۍ.
دماو زینڎانەکا جۆرو ئێفی دەوڵەتو تورکی، زینڎانیا سیاسی جە زینڎانەکا جۆرو ئێسی و وای چەنە گۆشەگیر کەرۊ و ئەشکەنجە مڎریا و مافەکاشا زەوت کەرا. زینڎانەکۍ جۆرو ئێسی کە مۆدێلێوە باڵاتەرەنۍ جە زینڎانەکا جۆرو ئێفی، بیېنۍ بە یاگۍ ئەشکەنجەدای و زەوتکەرڎەی مافەکا زینڎانیا سیاسی.
جە ئیسەنە ٦ زینڎانیۍ جۆرو ئێسی جە تورکیانە بیەیشا هەن، کە یۊشا زینڎانی جۆرو ئێس و ماناڤگاتیا. زینڎانی سیاسی، شیمال دەنیز کە جە زینڎانی جۆرو ئێس و ماناڤگاتینە زینڎانی کریان، پېخامېوەش پۍ پارێزنەرەکاش نۋیستەن و چنەشەنە باسو ئا فشاراشە کەرڎەن کە زینڎانیەکۍ ڕووبەڕووش باوە.
سەرو حمامی و تەوالێتەکاوە کامێرۍ نریېنێرە
شیمال دەنیز پۍ پارێزنه‌را نۋیسینگه‌ی یاسایی سه‌ڎەی نۋیستەنش، جە زینڎانەکا جۆرو ئێسینە، جە ژوورە ٣ کەسییەکانە، کامێرەو قاتو ۋاری سەرو حمامی و تەوالێتەکەیۊ نریانەرە، ئەگەر بەرەو تەوالێتەکەی کەمۍ کریۊوە، دلۍ بە تەمامی پیۋیۊ.
دەنیز جە پېخامەکەشەنە ئاماژەش پانەیچ کەرڎەن، "چا بارۊ داواکاری ئاراسەو وەزارەتو داڎی و داڎگای دەستوری ھەمیشەیی کریان". وەزارەتو داڎی جوابەکەش نەرێنی بۍ، هەڵای داڎگای دەستووری ھەمیشەیی جوابو داواکارییەکەیش نەڎانۊ و بەنیازېنمۍ داواکاری پێشکەش بە دەسەی یەکسانی و مافەکا مرۆڤو تورکیای کەرمۍ".
"گولانەتەرین داواکاریشا بە کەرڎەیۊ دوکانی جە زینڎانەکەنە بەسیۊوە"
دەنیز ئاماژەش پانەی کەرڎەن، جوابو فرەو داواکاریەکاشا مەڎریۊوە، ۋەختۍ داواو قەڵەمېچ کەرا بە کەرڎەیۊ دوکانی جە زینڎانەکەنە بەساشۊ. حەرپاسە جەبارەو مامەڵەو کاربەدەسا زیندانیۊ نۋیستەنش: ئجۆما ئا یاگێشا پەی هەرمان چەنەکێشتەیۆ جە ئینسانەکا وەشەکەردێنە، بە پاو ئانەی جە پارێزنەرەکاماوە زانانما ئی شۊنۍ و جۆرو وای پۍ هەرمان چنەکېشتەیۊ جە ئینسانەکا ئاماڎەکریان. پۍ سەرەتاییتەرین داواکاریەکاما ماچا چەمەڕاکەرڎۍ تا کارگە و دوکانە کریۊوە، وەختۍ کارگەکە کریاۋە ئا ۋەختە چا مڎەیمېتا پنە تا بەکارش بارڎۍ.
ئا زینڎانییە سیاسیە ئانەیچش وستەن ڕووە، پېسە "زینڎانی مەترسیڎار"ی مامەڵەشا چنی کریۊ، حەر پۊکەی کەرەسەو پاککەرڎەیۊیشا پنە مەڎریۊ، بېجگە جە وەختی دیاریکریای کەرەسەکا پاککەرڎەیۊ جە بەرو بەرەکەیۊ جیامازا.
باسش چانەیچ کەرڎەن، تەنانەڎ جە وەختو دیڎاریچەنە مەتاۋا چنی خانەواڎەکاشا بنیشارە، مەتاۋا ئا کتێبۍ کە گەرەکېشانۍ هۊرشا گېرا و بڕۍ کتێبۍ تەرۍ سەرشارە مسەپیا و ناڕەزاییەکېچشا چا بارۊ جواب مەڎریاوە.
دەنیز جە پېخامەکەشەنە تەئکیدش کەرڎەنۊ، "بە پوختی ھامشێوەو "زینڎانیا مەترسیڎار"ی ھەڵسوکۊتما چنی کەرا و مافەکاما زەوت کەرا، بەڵام ئێمە زینڎانی سیاسینمۍ و نامونیشانو زینڎانییە مەترسیڎارەکا کە جۆرێوەن جە هجومی پۍ سەرو شکۆمەنڎیما قبووڵ مەکەرمۍ".
هـ .ش
