جە چوارچێوەو قۆناغەو دووەمو هەڵمەتەو "ئازادی پەی عەبدوڵا ئۆجالانی، چارەسەری پەی پرسو کوردی"نە قەرارا ١٦و تشرینو دووەمی کوردەسانیۍ جە سەرانسەرو ئۆروپاینە جە کۆڵن کوۍ باوە و ڕاپیمایۍ گۆرە ئەنجام بڎا. بانگەوازەکێچ پەی ئا مەبەسیە جە لایەنو کوردەسانیاوە بەردەوامێنۍ.

سەرۆکو جمېیەرو زانایا ئیسلامی و کوردەسانیا هامچەرخی و سەردەمیانەی، حافز ئەحمەد تورهالی: "پەی ئامای دی یۆبیەی و یەکڕیزیما، پەی سازکەردەی یۆگێرتەیما دەورو رابەر ئاپۆیرە، پەی خاوەنداری جە مافەکا مرۆڤی، جە ١٦و تشرینوو دووەمینە مشۆم کۆڵنەنە کوۍ بیمۍ. مشۆم بە جەهانیش نیشانە بڎەیمۍ کە درێژە بە ئەرەکۆشایما مڎەیمۍ و بە یۆگێرتەیما سەرۍ گنمۍ."

هامسەرۆکو فەد مەدی ئەحمەد کۆبانێ: "ماوەو ٢٦ ساڵان رابەر ئاپۆ ئینا دلۍ گۆشەگیریێوە تنینە، ئامانجو ئێمە نەک هەر ماڕای گۆشەگیری، بەڵکم ئازاڎکەردەی رابەر ئاپۆیا جە روو جەسەییوە. پۊکەیچ داوا جە گەلەکەیما و دۆساما مکەرمۍ، رۆو ١٦و تشرینو دووەمی بەشداری گلێرۆبیەی و ڕاپیماو کۆڵنی بکەرا".

ئەندامو کۆردیناسیۆنو ناڤ-یەکی حاجی چەلیک: مشۆم گرڎو کوردەکا پېسە ئەرکێوە نەتەوەیی تەماشەو بەشداریکەردەی جە گلێرۆبیەکەو ١٦و تشرینو دووەمینە بکەرا، ئا ڕووە پەی دەسەبەرکەردەی ئازادیی جەسەیی رابەر ئاپۆی تەرخان بکەرا.

هامسەرۆکو مېیانو جەمەو دیموکراتیکی کوردی دویسبورگەنە، یەڵماز رۆنی: گەلوو کوردی جە ١٦و مانگێنە پەی ئازادیی رابەرایەتی، ئازادیی کوردەسانی چالاکی گۆرە مکەرۆ و چا ڕووەنە کۆڵنەنە ئاماڎۍ با.

سیاسەتمەدار پەرۆ دوندار: دماو ئەرەکۆشای ساڵەی ۋییەردۍ جە چوارچێوەو هەڵمەتەی مېیاننەتەوەیی ئازادی رابەر ئاپۆینە، ئێمە سڵامو رابەرایەتیما هۆرگێرت. بەڵام گۆشەگیری تا ئیساتۍ بەردەواما. ۋەرو ئانەی جە چوارچێوەو قۆناغەو دووەمو هەڵمەتەکێنە مشۆم ١٦و تشرینو دووەمی گرڎو گەلەکەیما جە کۆڵنەنە کوۍ باوە.