جە پەیامەکەو ناوەندوو پارێزنای گەلی (نەپەگە)ینە ئامان:

"وەڵۍ گرڎ چێوێنە ئێمە ئێمە جەژنەو ژیوایۊ مەبرەکە کەرمۍ، بە وەشەسیای و ڕێزۊ سڵامشا وەنە کەرمۍ.

هجوومی ئەرەگیریی دەوڵەتوو تورکی پەی سەروو ئەیالەتوو گەشمەرڎە دەلیلوو وەرنیشتی پاش نیان دووەم ساڵشۊ. ساڵەی ویەرڎۍ سوپاو تورکی ئەرەگیری وەراوەروو مدرامانیوە گورزی گەورەش وەر کەوت، بێئەنجام  مەنۊ و جگە جیائاستەی و سۊچنای جەنازەو سەروازەکاش کێشیاوە دما. جە مەیدانوو مدرامانوو کەشوو ئێف ئێم-ینە هجوومێوە نەمرڎاو دوژمنی و مدرامانێوە تارێخی جە دژوو ئا هجوومینە پەی ماوەو ١٤ مانگا بەرڎەواما.

دەوڵەتوو تورکی کە گەرەکشا پلانە ئەرەگیرییەکاش سەرۍ وزۊ، شەوەو ٢٠ تەمووزوو ٢٠٢٣ بە هجوومکەرڎەی سەروو مەیدانوو مدرامانوو کەشوو جودی جە ئەیالەتوو گەشمەرڎە دەلیلوو وەرنیشتوو زاپینە هجوومێوە تازەش کەرد. وەراوەروو هجوومەکانە کە ٢٢ ڕوێن بۍ مرڎای بەرڎەوامێنۍ، ئا مدرامانە کە نیشانە دریۊ پێرفۊرمانس و ئاستێوە گرنگش خولقنا.

ڕۊ و شەوەو ٩ ئابی دژوو هێزەکاو دوژمنی، کە گەرەکش بۍ بەرەو مدرامان گنۊ وەڵۍ، بە ڕێبازوو ئۊپراسیۊنی شۊڕشگێڵنی ٤٤ چالاکیۍ هەماهەنگێش کەرڎۍ، عاقیبەتنە ٣١ ئەرەگیرۍ سزا دریۍ و ٧ ئەرەگیرێچ بریندارۍ بیۍ، جبەروو جەنگیوە ئازیێوە. ئینەیچە ئەنجامێوە فرە سەرکەوتانەن. چی ئۊپراسیۊنە شۊڕشگێڵنییەنە بە گیانی بەرزی فیدایی ئاپۊییوە لوۍ سەروو دوژمنی، تاکتیکەکاو هجوومی و ورکوایسەریشا چالاکانە کەرڎۍ. بە چەنەئاماێوە ئارڎەینەرانەوە تاکتیکوو ڕێبازوو سابۊتاژیشا یاونا یاگۍ، چەکەکاو وەروو دەسیشا بە هونەرێوە گەورەوە بەکار ئارڎۍ. شێوازوو نیشانەماڕۍ فرەو یاگەکانە بەکار ئاما پێسە ئاستێوە بەرز خولقیا. سەرکەوتەێوە فرە گرنگا، کە ئامارەکاو مەیدانەکەی و هەمیچ تونێلۍ و سەنگەرەکاو جەنگی بەکار ئاریۍ، ڕێبازوو جەنگوو تیمی هەم جەنگوو چێر زەمینیچ بەکار ئاما، بەپرۊفیشناڵانە یۊترینشا تەمامانا. وەختوو ئا ئۊپراسیۊنە شۊڕشگێڵنییەینە دوژمن مەیدانوو مدرامانیش ئاسمان و زەمینۊ بەهەسی بۊردومان کەرد و بۊردومانەکە دماو ڕوێچ  بەرڎەوام بی.  چەنی ئانەیچە بۍ زەرەر ئۊپراسیۊنەکە ئاستوو سەرکەوتنەکەیش مانادارتەر کەرد. هەرپاسە فرە گرنگا کە ئۊپراسیۊنی شۊڕشگێڵنی جە سەروبەندوو هەڵمەتەو ١٥ ئابینە و بە ڕۊح و ڕێبازوو عەگیدەکا کریا و سەروو خەتەو گەشمەرڎاوە لوا ڕاوە.

ئێمە گرڎوو جەنگەوانا، فەرماندەکا و فەرماندەییما کە ئا مدرامانەشا کەرد و بە پێوەسبییەیشا بە خەتەو گەشمەرڎاوە گیانی فیدایی ئاپۊییشا بە بۍ دووەدڵی و دڕدۊنگی نیشانە دا، بە یاراێوە گەورە  لوۍ سەروو دوژمنی، شێوەو جەنگوو تیمی پسپۊڕی و تاکتیکی دەوڵەمەندی گەریلایشا بە ئارڎەینەی گەورەوە کەرد. وانێوە تارێخییشا بە سوپاو تورکی ئەرەگیری دا، کە هۊشش نەشۊوە، بۊنەو ئا سەرکەوتە گەورەیۊ مەبارەکباییشا وەنە کەرمۍ. هەمان وەختنە بۊنەو وەشبییەی ئاستوو ئارۊیشاوە سەرجەموو گەشمەرڎاما، کە جە ئەیالەتوو گەشمەرڎە دەلیلوو وەرنیشتوو زاپینە، کە بە گیانبازیی گەورەوە ڕەنجشا کێشت، بە ڕێزۊ یادشا کەرمێوە. ئێمە گرڎوو ئا هاوڕایاما کە هەڵای بە گیانبازییوە کۊشیا، وێگێری کەرا و ڕەنج مدا، پی بۊنێوە سڵامشا وەنە کەرمۍ و بۊنەو سەرکەوتەیشاوە مەبارەکباییشا وەنە کەرمۍ.

ئێمە بە هەستی شۊڕشگێڵنانەوە جە ناخۊ جارێوە تەر چالاکیی سەرکەوتانەشا گرڎوو فەرماندە و جەنگەوانا جە ئەیالەتەکەنە و جەژنەو ژییاویۊ مەبارەک کەرمۍ و بە ڕێز و وەشەسیایۊ سڵامشا وەنە کەرمۍ.. قەناعەتما پاسنەن ئا مدرامانەو ئێمە بە گیانی فیدایی گەشما کەرڎەن، سەرکەوتەی و ئەنجامی گەورە خولقنۊ".

س.ز