پەیەدە بە ئەرەیاۋنېوە، ٣٩ەمین ساڵۋەگېڵوو هەڵمەتەو ١٥ و ئابی جە گەلوو کورڎی و گەلا میزۊپۊتامیای مبارکەرۊ. فەرمانڎەو هەڵمەتەکۍ مەعسوم کۊرکماز ئشناسیا بە(عەگید)ی و تەماموو گەشمەرڎا ١٥ و ئابی یاڎ کەرۊوە.

جە ئەرەیاۋناکەنە ئاماژە پانەی کریان، هەڵمەتەو ١٥ و ئابی ۋەرهەموو ئا ئەرەکۊشاینە کە جە نەورۊزو ١٩٧٣ ېنە دەسش پنەکەرڎ، ۋەرهەموو مدرامانو زینڎانیا ئامەڎین جە سەڵەو ١٩٨٢، ۋەرهەموو فیداکاریە گۊرەکان ۋەران ۋەر بە دوژمنەکا گەلوو کورڎی.

جە درېژەو ئەرەیاۋناکەینە ئامان:''هەڵمەتەو ١٥ و ئابی تەنیا ئەرەیاۋنای سەرەتاو کۊشیای چەکداری نیا، بەلکم جە ڕاو ڕېبازو پڕاکتیکی دلۍ مېڎانەکا کۊشیای و چاندی ودەسگېرتەی بە بەها ئینسانی و دیموکراسیەکاوە، بیبە ڕېچکەو ژیۋای گەلوو کورڎی و گەلا میزۊپۊتامیای''.

پەیەدە ئەرەیاوناش، هوشیاری و ۋېڕکوستەی و دەسکۊتە سیاسی و دیبلۊماسی وچاندیەکا حەرچوارپارچەو کورڎسانی، ۋەرهەمو ١٥ و ئابین.

پەیەدە جە دمادمایی ئەرەیاۋناکەینە ماچۊ:"ئېمە وەعد مڎەیمۍ بە گەشمەرڎاو ڕابەرو گەلوو کورڎی عەبدولا ئۊجالانی، حەتا بە دیئاماو ۋەرمەکاشا پۍ ئازاڎیی گەلاو ژیای هامبەشی بەپاو پڕۊژەو نەتەوەی دیموکراتیکی، درېژە بە ڕېبازو کۊشیاکەیشا مڎەیمۍ".

هـ  . ش