کۊمیتەو پەیوەندییەکاو پەژاکی جگە بەدرۊوستەیۊ هەواڵێوە "دەزگی بە نام دژوتیرۊروو پەدەکەی" بارەو گەشمەرڎەبییەی یەرۍ گەریلایاوە پێنجوێنەنە، واتش: ئا دەزگا دەوروو هەواڵدەری و قسەکەروو میتی تورکی گێڵنۊ، پەوکای داواش کەرڎێنە گۊش جە دروەکاش نەگیرییۊ.
کۊمیتەو پەیوەندییەکاو پارتوو ژیوای ئازادوو کوردستانی (پەژاک) جە ئەرەیاوناێوەنە بە ئاماژەدای بە هەواڵێوە دوۍ ڕوا چێوەڵتەروو دەزگاو دژەتیرۊروو پەدەکەی بارەو ئانەیۊ گوایا جە هجوومێوە عاسمانیینە دەگاو زەنگیدەروو سەر بە گەرمکینە یەرۍ گەریلۍ گەشمەرڎۍ بیێنۍ، ئا قسێشە وستێوە دروێوە و باسوو بەشێوە جە کرڎەوەکاو ئا دەزگایەو پەدەکەیش کەرڎۍ، کە وەڵێچنە جە ١١وو ئابینە یەرۍ هاموەڵاتۍ عەرەبۍ، کە جە ئەنجاموو بۊردومانێوەنە نزیکوو ناڵپارێزینە گەشمەرڎۍ بیۍ، بە گەریلۍ دێبێنێش قەڵەم.
ئەرەیاوناکەی واتەنش، " دەزگای بەدناموو دژەتیرۊروو پارتی، کە پێسە مافییێوە دەس جە سەرکوتوو خەڵکی مەپارێزنۊ بەتایبەت دەسبەسەرکەرڎەی هاموەڵاتا و چالاکە مەدەنییا و ڕۊنامەنویسا، هامتەریبوو ئا کرڎەوا، پێسە قسەکەروو دەزگای سیخوڕی میتی تورکی جووڵییاوە."
جەختیچش کەرڎەنۊ: " ئا دەزگا بییەن بەشێوە جە دەزگای تیرۊریستیی میتی و پێسە دەزگای هەواڵکیانی سەر بە میتی هەرمانە کەرۊ و تەمرینوو نۊعێوە تازەی جە بەکرێگیریای وینۊ. پەوکای داواما جە دەزگاو ئەرەیاونای و چاپەمەنییەکا هەنە، ئاستوو وێشا نارا ئاستوو دەزگای تیرۊریستی بەنامۍ دژەتیرۊروو پارتی و ئەگەر بە ناچاریچ پێویستا قسەکاو ئادیشا وەڵا کەراوە، پێویسا بەرڎەوام جەخت کەراوە، کە هەواڵەکاو ئا دەزگایە گومانیش سەرنێ".
دەقوو ئەرەیاوناکەی:
"پەی ڕای گردینی و گەلەکەیما؛
سەبارەت بە دوژمنایەتیی دەزگای دژە تیرۊروو پ.د.ک
ڕێککەوت: ٢٩-٠٨-٢٠٢٣
دوۍ ڕوۍ چێوەڵتەر دەزگای دژە تیرۊروو پ.د.ک هەواڵێوەش وەلا کەرڎۊ، کە گوایا جە هجوومێوە ئاسمانینە جە دەگاو زەنگیدەروو سەر بە گەرمکوو پێنجوێنێنە یەرۍ گەریلۍ گەشمەرڎۍ بیێنۍ. جگە بەدرۊوستەیۊ ئا هەواڵەیە، پێویسا سەرنجە پەی سەروو بڕۍ جە هەرمانەکاو ئا دەزگا بەدنامەیە کێشمۍ. جە ڕاککەوتوو ١١و ئا مانگێنە دماو ئانەیە جە هجوومێوە عاسمانیی فڕۊکە بێفرۊکەوانەکاو تورکیەینە ڕاو پێنجوێنۍ پەی ناڵپارێزینە، یەرۍ هاموەڵاتۍ عەرەبۍ خەڵکوو موسڵی، کە دهۊکنە ئەرەنیشتۍ بێنۍ و کارمەندۍ ئاسیا سێڵی بێنۍ گەشمەرڎۍ بیۍ، دەزگای بەامن دژەتیرۊروو پارتی ئەرەیاوناش یانۍ ئانە گەریلۍ بیێنۍ. کەچی بە ڕۊشنکەرڎەیۊی ڕسمیی کۊمپانیاو ئاسیاسێلی ئا دەزگا کەوتۊ دروێوە و بەرکەوت، کە پەی دژە تیرۊروو پارتی ڕەزامەندیی دەوڵەتوو تورکی جە گیانوو ئینسانەکا گرنگتەرا.
دەزگای بەدناموو دژەتیرۊروو پارتی، کە پێسە مافییێوە دەسش جە سەرکوتوو خەڵکی مەپارێزنۊ جە دەسبەسەرکەرڎەی هاموەڵاتا و بەتایبەت چالاکۍ مەدەنیۍ و ڕۊنامەنویسانە هەن، هامتەریبوو ئا کرڎەوا، پێسە قسەکەروو دەزگای سیخوڕی میتی تورکی جووڵییۊوە. ئەو ناوەندە مافیاییە دماو هەر هجوومێوە دوژمنی، دەموودەس هەواڵەکەی بڵاو کەرۊوە و بڕۍ جارۍ وەختۍ پێسە دیدارەکەو هاکان فیدانینە عێراق و پانیشتوو کوردستانینە، هەواڵۍ دروۍ کەرۊوە، کەچی ڕێک چا وەختەنە بۊنەهجووموو فڕۊکە بێفڕۊکەوانەکاو دەوڵەتوو تورکیوە مەرتەع و باخ و میوەکاو پێنجوێنۍ ئاویرشا گێرتەبۍ پێویس بۍ گرد لاێوە بلا دەموو خەڵکیوە پەی کوشنایۊ ئاویرەکەی، وەلۍ ئادۍ نەک تەنیا بایەخشا پەنە نەدا، بەڵکوم پێسە بەشێوە دەزگاو میتی تورکی دەسشا کەرد بە وەڵاکەرڎەیۊ هەواڵە ناڕاسا. پەوکای پێویسا گەلوو کوردی وەراوەروو ئا دەزگاینە هۊشیارۍ با.
هەرچندە ئانە چەمەڕوانکریا بۍ گردلێوە مزانا، کە ئانە دەزگاو حیزبێوەن، کە جە ئەرەنیشتەیەکانە دماو ئاشبەتاڵی جیای ڕسماو گەشمەرڎاو ڕاو شۊڕشوو کوردستانی، ڕسموو خومەینییشا یاگۍ کۊبییەیۊکانە ورواستێبۍ، وەلۍ وەروو ئانەیە هەواڵەکە سەروو زوانوو دەزگێوە چانەیۊ ئەرەیاونایەکانە وەڵا بییەنۊ، بە پیویستمان زانا، کە ڕۊشنۊکەرڎەیۍ سەروو ئا بابەتەیە دەیمۍ.
ئێمە ماچمۍ ئا دەزگا بییەن بە بەشێوە جە دەزگای تیرۊریستی میتی و پێسە دەزگای هەواڵگێریێوە سەر بە میتی هەرمانە کەرۊ کار دەکات و دەوروو نۊعێوە تازەی جە بەکرێگیریایی موینۊ. پەوکای داواما جە دەزگاو ئەرەیاونای چاپەمەنییەکا هەنە کە ئاستوو وێشا نەیاونا ئاستوو دەزگای تیرۊریستی بە نامۍ دژەتیرۊروو پارتی و ئەگەر بەناچاریچ پێویستا قسەکاشا وەڵۍ کەراوە، پەنەوزا زوو زوو واچا کە قسێشا گومانشا سەرا، ئانە هەرمانەو ئەرەیاونای هەقەتینی و ئەخلاقوو ڕۊنامەوانینە. ڕۊنامەوانی پیشەن، وەلۍ ئانە ڕاگێر نییا جە پەشتیوانی کۊشیاێوە حەقینە. شێوازێوە پەشتیوانی وەنەو ئێمە کریۊ بە ڕاگێرتەی جە وەڵابییەیۊ هەواڵی ناڕاسوو دوژمناو تێرۊریسا بۍ دەرحەقوو ئێمە و ئانەیچ وەراوەروو پیشەی ڕۊنامەوانیینە وەربەس نییا.
ئێمە ئیایمۍ شۊڕشنە و و بەرڎەوام گردوو هەواڵە وەش و ناوەشەکاو کۊشیایما زووتەرین وەختنە یاونمۍ ڕای گردینی و گەلەکەیما. پەوکای داواما وەنەو گەلەکەیما ئانێنە بە ژنییەی بیستنی هەرهەواڵێوە، بە سەبرۊ چەمەڕوانی ئانەیە کەرا، کە ئەرەیاونایەکاو ئێمە هەواڵەکەی پەشتڕاس کەراوە یا وزاش دروێوە. بە هومێدوو ڕوێوە ڕۊژانێک کە ناڕاسی و ناپاکی جە ژیوای ئینسانەکانە سەروو زەمینیوە سڕیۊوە"
