پارتوو ژیوای ئازادوو کوردستانی (پژاک) ئەرەیاونانش، سیاسەت و هەڵوێستی ڕسمیی پارتەکەیش لاو هامسەرۊکایەتی و ئەنجوومەنوو پارتەکەیۊ وزییۊ ڕووە، جەختیچش کەرڎەنۊ، " ڕژێموو ئیساتۍ ئێرانی چەمەڕوانیی حیچ فاڕیاێوەش چەنە مەکرییۊ".
جە ڕوای وەڵابییەیۊ وتاروو ئەندامێوە پەژاکی بارەو پەرسەکا پێوەس بە ئێرانیوە، بڕۍ ڕەخنۍ و کارڎایۊێش شۊنەو وێشەرە ئارڎۍ و چا بارەوە ئەنجوومەنوو پارتوو ژیوا ئازادوو کوردستانی ڕۊشنۊکەرڎەێوەش وەڵا کەرڎەنۊ.
پژاک ئەرەیاوناکەینە واتەنش، حەر ئەندامێوە جە ئەنداماو دەسەو ڕاوەبەری مافوو ئانەیشا هەن، وێنا و هەڵوێستوو وێشا پەی ڕای رای گردینی وزا ڕووە، وەلۍ هەڵوێستی ڕسمیی پارتەکەی لاو هامسەرۊکایەتی و ئەنجوومەنوو پارتەکەیۊ بەروزییۊ.
دەقوو ئەرەیاوناکەی پژاکی:
پەی ڕای گردینی:
بارەو ڕەخنەکاو ئی دماییوە
ڕوای ویەرڎەینە وتارێوە وەڵا کریانۊ، کە بڕۍ بابەتێش بارەو مامەڵەکەرڎەی چەنی پەرسەکاو شۊڕشی و بەرنامەکانماش چەنە بێنۍ. حە ئەندامێوەما و چانیشا ئەنداماو ڕاوەبەرایەتی مافوو ئانەیشا هەن ویروڕا و وێناو وێشا پەی ڕای گردینی وزا ڕووە، وەلۍ هەڵوێست و وێنای ڕسمیی پارتەکەیما، پارتوو ژیوای ئازادوو کوردستانی لاو قسەکەرەکاشۊ یانۍ ئەرەمەرزیاو هامسەرۊکایەتی و ئەنجوومەنوو پارتەکەیۊ ئەرەیاونییۊ. پارتەکەما بەرنامە و پەیڕەوی نویسییاش هەن، کە دلێشنە دیای تیۊری و سیاسیی پارتەکەیما وزیان ڕووە، سیاسەتوو پارتەکەیچما بە بەرڎەوامی و ڕۊشنی لاو وەرپەرسە پەیوەندیدارەکاو پارتەکەیۊ وزیان ڕووە. پەوکای حەر قسۍ نویسییاێوە جگە ئانەیە، گوزارشت ئۊو ڕای ڕسمییەو ئێمە مەکەرۊ و ساعیبوو قسۍ یان نویستەکەی چەنەش وەرپەرسێنۍ.
دیای پارتەکەیما سەروو شۊڕشی و ڕاکارەکا و بنەماکێش ڕۊشنێنۍ و چەنی ئامای شۊڕشوو "ژەنی، ژیوای، ئازادی" ئا پەیلوایۍ زیاتەر و بەکرڎەوەیچ بەڕۊشنتەر وزیێنۍ ڕووە. هەڵبەت کە بە بییەی ڕژێموو ئیساتۍ، مەتاوییۊ چەمەڕوانیی حیچ فاڕیای و ورچەرخیاێوە کە ئێراننە با، ئینەیچە بە ڕاددێوە ڕۊشنا، کە تەنانەت چالاکاو جیهانی لایەنگرۍ ئاستەیۊ ڕژێمۍ دەسبەرڎارۍ حەر ڕوانگێوە تەری، جگە چانەیە بیێنۍ. پەوکای داوا وەنەو دۊسا و ڕۊشنویرا و گەلەکەیما کەرمۍ، تا بە وەرەچەمگێرتەی بەرنامەکاو پارتەکەیما، کرڎەوە و پێرفۊرمانسوو شۊڕشگێڵنای کە سەرەتاو شۊڕشوو ژەنی، ژیوای، ئازادی ڕەوتێوە ڕووە جەگەشەیش بۍ سەروو بنەماو ئەرەیاونایە فەرمییەکاوپارتەکەیماوە هەڵوێست نیشانە بدا. چی قۊناغەنە کە شۊڕش و پەرسەکێش پێوەس پانەیۊ هەرمانۍ وەڵینێمانۍ وەرپەرسبییەیێوە گەورەما ئینا سەروو شانەیۊ و بە وەرەچەمگێرتەی ئا ڕەخنا لاو دۊساوە مشۊم ڕێز چا ڕەخنا گێرمۍ، پەی پووچەڵکرڎەیۊ قینورمتەی بڕۍ کە حەوڵۍ مدا، ئا بابەتەیە پێسە دیایی ڕسمیی پارتەکەیما نیشانە بدا، بە پێویسما زانا کە ئی ئەرەیاونایە وەڵا کەرمێوە وینای ڕسمیی پارتەکەیما بیاونمۍ.. بەدڵنیاییەوە وەرپەرساو پارتەکەیما ئامادێنۍ جوابوو سەرجەموو پەرس و نیگەرانییە باسکریایەکا چا بارەوە وزا ڕووە".
س.ز
