مەجلیسو پەژاکی جە سیانزەمین ساڵیاڎو گەشمەرڎەبیەو گەشمەرڎە سمکۆ سەرهەڵدانینە ئەرەیاۋناش، ئەرەکۊشای هێزەکاو گەریلای بە فەرماندەیی گەشمەرڎە سمکۆی، راسی و حەقیقەتو هێڵۆو پارێزنای رەواو گەلوو کورڎیش جە دژو کۆمکوژی و قڕکەرڎەی سەلەمنان.
جە سیانزەمین ساڵیاڎو گەشمەرڎەبیەو گەشمەرڎە سمکۆ سەرهەڵدانی سەرمەسقو داستانو قەندیلی مەجلیسو پارتوو ژیۋای ئازاڎیی کورڎەسانی (پەژاک) ئەرەیاۋنێوەش وەڵا کەرڎۆ، کە دەقەکەش پی جۆرەنە:
" سێنزویەمین ساڵیادوو گەشمەردەبییەی سمکۆ سەرهەڵدان (ماجد کاویان) یاد و ویرەوەریی ئادی و گردوو گەشمەرداو ڕاو ئازادیوازی بەبەرزی مازمێوە، خەتەو ڕێبازی شکۆمەندانەو گەشمەردە سمکۆی پەی خزمەتوو گەلوو کوردی و ئازادیی گەلە چەوسیاوا، ڕاو شۆرشوو گەلوو کوردی بەبەرزی مازمێوە، ڕاو شۆڕشوو گەلوو کوردی دژوو سیستمە ستەمکارەکان و شیوەو فەرماندەیی شۆڕشگێڵنبییەی ڕۆشنگەرانەش چونی وانەکاو فەرماندیی پاریزنای رەوای، پەڕمانا بییەن.
هجووموو سیستموو کۆماریی ویلایی ئێرانی پەی سەروو قەندیلی و سەنگەرەکاو گەریلاکاو ڕاو ئازادیی کوردسانی، هامنوو ٢٠١١ی بە ئامانجوو ئەوەسڕیەی و پاکتاوی کریا. وەلێ بە کۆشیای ئازایانەو گەریلایوە جوابێوە یەکلاییکەرەوە پا وەرمە نەزۆکەیە دریاوە. ئی هجوومە درێژەو یەک سەدە ستەمکاری و چەوسیایوەنە وەراوەروو گەلوو کوردیوە کریا، تا بە خەیاڵوو وێشا دماین گورزی وێرانکەر وەنەو جمیەروو ئازایدیوازوو گەلوو کوردی بشانا. ئا هجوومێ پێسە هەوڵیوە سیستمی ئاماژەپەیکریای، پەی کەردەی جینۆسایدیت جەستەیی بە ئاڕاستەو جینۆسایدوو کولتووروو بییەی، وەلێ سەیەو فەرماندەیی فەرماندە سمکۆی و هێزی فیدایی گەریلایی شکسشا پنە ئاما.
کۆشیای هێزەکاو گەریلای بە فەرماندەیی گەشمەردە سمکۆی ڕاسی و حەقیقەتوو خەتەو پارێزنای رەواو گەلوو کوردی جە وەرگێریی سیاسەتوو جینۆسایدی وێنا کەرد و سەلەمناش کە گەلێوە پێسەو کوردی، بۆنەو ئانەیوە داراو ئەندێشەی و پراکتیکی ناوازەیا پەی وەرگێریی ڕەوای، حەرگیز پاکتاو نمەکریۆ. ئانە شێوازوو بێهامتاو فەرماندەیی هێزەکاو گەریلای جە کەسایەتیی گەشمەردە سمکۆکانە ئامێتەو حەقیقەتیش کەرد. ئیرادەی ئازادیوازانەن، کە ئەندێشەکاو ڕابەر ئاپۆیش کەردێنێ بە بنەماو هەنگامەو وێش. ئی داستان و حیماسە بە گرد لاێوەش نیشانە دا، کە زیاتەر جە سەد ساڵا ستەم و چەوسنایوە، دژوو گەلوو کوردی ڕاو هجوومی سەروازی و مامەڵەی ئەمنیەتیوە، بە ئامانجوو پاکتاوی تەمامەتی،هیچ ئەنجامێوەش نمەبۆو و تاکە ڕاو قەبووڵکەردەی و دداننیاین بە بییەی گەلوو کوردی و ئازادییەکاشرە. سەیەو هێزوو گەریلای و فەرماندەیی گەشمەردانێوە پێسەو فەرماندە سمکۆی، چەنی مکریۆ گەلێوی فیداکاری پێسەو گەلو کوردی چۆکێ پەی وێدەسۆدای بدۆرە. بەررکەوت پەی داستانوو قەندیلی، کەشێ نەبەزیێتەرێ و نەوڕیێ کەردێش بە مەیدانوو گەورەتەرین کۆشیای سەدەی. پەوکای چێولای گەلەکەما ئاسوودەن کە بییەی جمیەروو ئازادیوازوو کوردی، کەشە ئازادیوازەکاو کوردینە دەسەبەر و گەرنتیی سەرکەوتەی و بەدەسئاردەی تەمامەتین و حەرچن رێکێ دژوارەنە وەلێ سەرکەوتەی نزیکەن.
گەلوو کوردی وەرکەوتوو کوردسانینە بە بەرکەوتەی پەژاکی و فەرماندە سمکۆی و هامڕایاما، پێسەو جمیەرێوی شۆڕشگێڵنانەیش بنیاد نیانم کە سەیەو ئا جمیەرینە ئارۆ ئینا قۆناغوو هۆشیاربییەیوە و بەهاگائامایۆ ئۆپراسیۆنی ئازادیوازانەینە. ڕاستتەرین شێوازوو کۆشیایش هورچنیەین و بڕوای تەمامەش بە ئایندەی شکۆداری هەنە، پی ورە پتەوە و جەبننامایۆوە سەروو ڕاسەڕاو دژواروو ئازادی و دیموکراسیوە هەنگامەش نیێنە و بییەن بە نموونەی بێهامتا پەی گەلە چەوسیاواو ئێرانی و وەرکەوتوو دلیڕاسەی و ئێرانیچ. بە دڵنیاییەوە پەژاک بی بە خاڵەو ورچەرخیای تارێخی پەی گەلەکەیما، چونکوم هومێدوو دوژمناش بە جینۆسایدیت تەمامەتری بەردەن دلێنە و ئینەیچ بییەن بایسوو قینەو دوژمنی و سەبەبوو هجوومی پەی سەروو قەندیلی ساڵەو ٢٠١١ینە.
ڕۆشنا کە حیماسەو قەندیلی سەیەو گیانبازیی گەشمەردە سمکۆی و هامڕا گەشمەرداما و هێزوو گەریلای، پەیوەندیی قووڵوو بەینوو گەریلای و گەلیش پتەو کەردەن. چی حیماسەنە شێوازی تازەو فەرماندەیی فەرماندەیی نەمەڕیا و فیدایی تاقی کریاوەو و سەیەو جمیەروو ئازادییوازیینە جە چند قۆناغێنە پلەکاو گەشەی و وەڵێکەوتەیش بڕی. ئیتر مشۆم سیستمی کۆماری ویلایی ئێرانی بزانۆ کە پەرسەو کوردی ڕاو سەروزای و پاکتاوی تندوتیژانەیوە و جینۆسایدیوە چارەسەر نمەکریۆ، تا بەدەسئاردەی ئەنجامی دیموکراتیک، گەلەکەما سەروو ئی رێوە نمەمەدرۆ. چونلوم تاکەڕوا دماییئاردەی بە قەیرانەکا، کۆکوشییەکا ستەمەکا و ڕزگارکەردەی گردوو گەلاو ئێرانی و چارەسەروو پەرسەو کوردی ڕاو دیموکراتیکیوە و بەدەر جە گردوو جۆرە ڕاکارێوی جەنگی و جەنگسالارانەی و کوشتاری.
ئەنجوومەنوو "پارتوو ژیوای ئازادوو کوردستانی (پەژاک)" سێنزەیەمین ساڵیادوو گەشمەردەبییەی فەرماندەی گەشمەردە سمکۆ سەرهەڵدان، یاد و ویرەوەریی سەرجەموو گەشمەرداو حیماسەو قەندیلی و جمیەروو ئازادیی کوردسانی بەرز مرمانۆ. بێگومان هێزوو گەریلاو ژەنایچ جە خولقنای حیماسەو قەندیلینە یانبازییشا کەرد و میراتشا ئارۆنە سەروو ڕێبازوو گەشمەردە سەرمەشقا پێسەو: "گەشمەردە بەرفین، گەشمەردە عەگید توشپا، گەشمەردە عەگید مەهاباد، گەشمەردە ساریا و گەشمەردە ئەویندار" بەنرختەرین ماف ئازادییا پەی گەلەکەیما. داروو ئی جمیەرەیە لاو گەشمەرداو گەلەکەیماوە بە ونەو وێشا پاراو کریان، بەدلنیاییوە ئاکامەکەش جوان، درووس، خاس و ئازاد مبۆ. چی رێوە متاوۆ ئازادیی پەی ئێرانی و وەرکەوتوو کوردسانی بە دیاری بارۆ، چونکوم جە بییەی پەژاکینە پوختەو جەموو جمیەرەکاو ژەنا، ژیوگەی، کرێکارا، مامۆسایا و ڕۆشنویرا و چینەکاو گلێرگەی شاریێنێوە. بە داکۆکی ڕۆڵە ئازا و قارەمانەکاو گەلەکەیما چی ڕێبازە ئازادیوازەنە و هێزەکاو گەریلاینە، زیاتەر جە ئازادیی نزیکێ بیمێوە".
