بە پاو زانیارییەکاو سەرچەمە مەیدانییەکا، هێزەکاو قەسەدەی دێروەختوو شەوەی وەڵینۍ هەوڵێوە دزەکەرڎەی گرووپە چەکدارەکاشا وەرنیشتوو ڕووباری فوراتیوە بەرەو هەرێمەکاو وەرکەوتوو دێرەزوری شکس پەنە ئارڎۍ و ئەنجامنە دەیان ئەندامۍ ئا گرووپە چەکدارا کوشیێنۍ و بریندارۍ بیێنۍ.

بە پاو ناوەندوو ئەرەیاونای هێزەکاو سوریای دیموکراتیک (قەسەدە)ی، "چەکداراو سەر بە دامودەزگا ئەمنییەکاو ڕژێمی بە پەشتیوانیی تۊپوارانی هەسی، شاروو مەیادینیوە وەرکەتوو ڕووباروو فوراتیوە دزەشا کەرڎەن مونتێقەو زیبانی وەرکەوتوو دێرەزورینە.

ناوەندوو ئەرەیاونای قەسەدەی ئاماژەش پانەیە کەرڎەن، کە هێزەکێشا دووۍ گرووپۍ چەکداریۍ سەر بە دەزگا ئەمنییەکاو ڕژێموو سوریایشا جە شارۊچکەو زیبانینە تەوقە دێنۍ.

وەرپەرسوو ناوەندوو ئەرەیاونای قەسەدەی پەی ئاژانسوو هاوارنیوزی باسوو ئانەیش کەرڎەن، کە هەرێمەکاو وەرکەوتوو دێرەزوری ئینۍ چێروو کۊنتڕۊڵوو هێزەکاشانە.

کوچۍ چێوەڵتەریچ  قەسەدە جە ڕاو پەلیانەی ڕسمیی وێشۊ وڵاش کەرڎۊ، کە هێزەکێشا گردوو گرووپە چەکدارەکاشا شارۊچکەو زیبانینە بەرۍ کەرڎێنۍ.  

س.ز