دەسوەڵیوزیی ئازادیی پەی عەبدوڵا ئۆجالانی سوریانە چوارچوەو هەڵمەتەی میاننەتەوەیێنە، کە ١٠و تشرینوو دووەموو ٢٠٢٣ بە درووشموو "ئازادیی پەی عەبدوڵا ئۆجالانی، چارەسەری سیاسی پەی پەرسەو کوردی" دەسش پەنە کەرد، سەرێ پارتەکاو هەرێموو سەرنیشت و وەرکەوتوو سوریای مدانێ.

ئارۆ قسەکەروو دەسوەڵێوزیەکەی فەرزەند موزنور و ئەنداماو دەسوەڵیوزیەکەی گوڵستان هیبۆ و عەبدوڵا جەمیل قامیشلۆنە سەرێ پارتی چەپوو دیموکراتیکوو کوردوو سوریایشا دا، سکرتێراو پارتەکەی ساڵەح گەدۆ و عومران سەعیدی خێرامای کەردێ.

فەرزەند مونزور تیشکەش وستە سەروو پاشێلکارییەکاو ئیمراڵی و خەباتەکا جە چوارچوەو هەڵمەتەی میاننەتەوەییێنە و واتش: "دۆزوو ڕابەر عەبدوڵا ئۆجالانی، دۆزێوی ئازادی و کوردستانییەنە، ڕەهەندی جیهانی و سیاسییش هەن ".

ساڵەح گەدۆ کە چند جارێو چەمش بە ڕابەروو گەلوو کوردی عەبدوڵا ئۆجالانی کەوتەن واتش، کە دۆزوو ڕابەروو گەلوو کوردی عەبدوڵا ئۆجالانی دۆزوو پارت و لایەنێوە نییا، واتش: "ئینە دۆزێوی ئینسانین، پێویسا ئازادیی جەسەیی ڕابەر ئاپۆی بۆ بە پەرسەی سەرەکییەو پارتە سیاسییەکا و گەلوو کوردی. پێسەو پارتەکەیما ئامادێنمێ پەی ئی بابەتەیە کۆشیایما قەوەتتەر بکەرمێ. پێسەو کەسی پەیوەندیی تایبەتم چنی ڕابەر ئاپۆی بێ. ساڵەکاو ١٩٨١ و ١٩٩٨ چەمم پنەش کەوت. چی دمایوە تەمووزو ١٩٩٨ وەڵێ ئانەیەنە سوریاوە بلۆ ڕۆما ڕابەر ئاپۆم دی. پەی ئازادیی جەسەیی ڕابەر ئاپۆی گردوو پەیوەندییەکاما موزمێ هەرمانە و دەنگیما میاونمێ جیهانی. ئینە پەرسێوی میاننەتەوەییەنە، پێویسا بۆ بە پەرسەی سەرەکییەما".

سەردایەکاو دەسوەڵێوزییەکەی سەبایچ بەردەوامێ با.