ئەندامەو کۆمیتەو گەنجا پەکەکەی و ئەندامەو کۆردیناسیۆنی جەمەو ژەنا گەنجی بشەنگ بروسکە و ئەندامەو ڕاوەبەری جەمەو جوانە ژەنا سارا هۆگرە کە جە ٢٨و تەمووزو ٢٠٢٣ێنە گەشمەرڎۍ بیۍ، بە مەراسیمێوە جە شاروو ساربروکێن و ئەڵمانیاینە یاڎشا کریاوە.

مەراسیمەکە جە تەرەفوو تەژەکە-ئەی سارلاند و کۆمناویۆ سازکریا و سەرەڕاو ئاماڎەبیە و کەسوکارو گەشمەرڎە سارا هۆگرۍ نوێنەراو بنەیانەو گەشمەرڎا و ژمارێوە فرە جە کوردسانیا ئاماڎۍ بێنۍ.

چالاکی یاڎکەردەیۆکەی جە ناوەنڎوو جەمەو دیموکراتیکی ساربروکێنی لوواڕاوە، چنەشەنە وەعدوو وەفاڎاری پێ یاڎوو گەشمەرڎا ئەرەیاۋییا.

جە یاڎەکەنە بەڵگە فیلمێوە نمایش کریا و یاڎەکە بە واتەیۆ دروشمەو 'گەشمەرڎۍ مەمرا' دمایش ئاما.