قسەکەرەو ئەنجوومەنوو ژەناو پارتوو هەرێمە دیموکراتیکەکا (دەبەپە)ی، ئاینور ساریجا جە نویسگەو پەشتیوانیی ناوەندی گردیننە کۊنگرێوە ڕۊنامەوانییش ساز کەرد. ساریجا سەرنجەش وستە سەروو گۊشەگیرییەکاو سەروو ڕابەروو گەلوو کوردی عەبدوڵڵا ئۊجالانی .

باسوو ئانەیشە کەرد، کە تا مۍ گۊشەگیری ئیمراڵینە تندتەر کریۊ و واتش، "تندکەرڎەی گۊشەگیری، کاریگەرییش سەروو گەلوو کوردی، گلێرگەی و گردوو وەرکەوتوو دلێڕاسەی وەش کەرۊ، ئامانج جە تندکەرڎەی گۊشەگیرییەکا ڕاگێریکەرڎەین جە ویرۊکە و پەیدیای بەڕێز ئۊجەلانی پەی پەنەیاونای گەلا، تا گۊشەگیری نەمەڕیۊ و تا بەڕێز ئۊجالان ئازاد نەکریۊ، ئێمە کۊشیایما واز چەنەنمارمۍ و گەورەتەرش کەرمۍ، گۊشەگیری تاوانێوەن دژوو ئینسانیەتی،  تندکەرڎەی گۊشەگیری کاریگەریی سەروو زیندانەکایچۊ وەش کەرۊ، جە چند ڕۊی ویەرڎەنە ئاگری-ینە ژەنە زیندانیکریێکۍ بە شێوازوو بەستەیۊ ئەشکەنجە دریێنۍ  و هەڕەشۍ کوشتەیشا وەنە  کریێنە، نەک تەنیا ئاگری-ینە ئەشکەنجە و فشار هەن، بەڵکوم گردوو زیندانەکانە هەن، ئا ژەنۍ کە کۊشیا حەرگیز نابێت هەنگامێوە پەی دمای مەنییا. ئێمە زینداننە بیمۍ یان جبەرۊ، کۊشیایمان گەورەتەر کەرمێ".

ئاینور ساریجا جە یوەمین ساڵڕۊو کوشیایشنە، ژینا ئەمینی-یەش یادە کەرڎۊ و ئاماژەش پانەیە کەرد، کە سەرتاسەروو دنێێنە و بەتایبەتی ئێراننە ژەنی وەربەس و لەمپەرەکا بەڕسمی مەشناسا و ملکەچێشا مەبا.

ئاینور ساریجا درێژەش بە قسەکاش دا و واتش، کە بە درێژایی تارێخی پەدەکە سەروو خەتەو خیانەتیوە هەنگامۍ منیۊ و واتش "ئێمەی کورد پێوە هەنمۍ، ئێمە بە یۊگێرتەیما، وێما مشناسمۍ، داواکاریی سەرۊککۊماروو تورکی و بارزانی جەنگا.  جە ڕووەو ئابووری و سیاسییوە لاوازۍ بیێنۍ، پەوکای گەرەکشانە  دلۍ خەڵکینە وێشا بە جەنگۊ نیشانە بدا و درێژە بە مەنەیۊ وێشا بدا. هجووم کەرا سەروو گرد یاگێوە. پێسە دەبەپەی حەفتێوە چالاکی کەرمۍ و ماچمۍ کە خیانەت قبووڵ مەکەرمۍ. ئێمە سلۊپی، گەڤەر، ئیزمیر و مێرسیننە چالاکی و وێنیشانەدای کەرمۍ. چالاکییەکانە هجووم کریا سەروو خەڵکی. هامشێوەو  ئانەیە ١٠٠ ساڵۍ وەڵۍ ئیساتێنە کەردشا، ئیساتێچ گەرەکشانە کوردستانی بەش کەرا. پەی یۊبییەی کورڎا هەرمانە کریۊ. دۊخێوە چانەنە، کە گەلوو کوردی فرە جە وەشکەرڎەی قەوارەیۊ نزیکێنۍ، جە ڕاوە بارزانییوە موازییۊ کورڎەکۍ بەشۍ کریا. تا ئێمە بیمۍ برەو بە یۊبییەی وێما مڎەیمۍ. چکۊنە جەنگ بۊ  چا یاگێنە زیاتەر هەرمانە کەرۊ سەروو ژەنا. ژەنی گرد یاگێوەنە دەوری سەرمەشقانە گێڵنا. ئێمە دەسکەوتەکاما و کۊشیایما پەرە پەنە مڎەیمۍ. حەرگیز نمازمۍ کە دەس پەی  دەسکەوتەکاما درێژ کەرا. ڕا مەدەیمۍ خیانەت وەنەو کورڎا کەرا".

س.ز