٢ ملوێنێ و ٦٤٦ هەزارێ و ٢١١ ئیمزێ پەی ئازادیی جەستەیی ڕابەروو گەلوو کوردی عەبدوڵا ئۆجالانی سەرنیشت و وەرکەوتوو سوریاینە کوێ کریێوە، تەسلیموو سەرکۆمیسەروو مافەکاو ئینسانوو  (OHCHR)ـسەر بە نەتەوە یۆگێرتەکا کریێ لە شاروو ژنێڤینە جە سویسرانە.

هامقسەکەروو دەسوەڵیوستەی ئازادی پەی عەبدوڵڵا ئۆجالانی سەرنیشتوو وەرکەوتوو سوریاینە، ئیدریس عەلی و هامسەرۆکو دەسوەڵێوزیی پارێزنەراو ئازادی پەی عەبدوڵڵا ئۆجالانی سوریانە، خانم ئایۆوە، ئارۆ چەمشا کەوت وەرپەرسا (OHCHR) و ئیمزێکێشا تەسلیمێ کەردێ.

دماو چەمپەنەکەوتەکەی، شاندەکە بەشدارێ بیێ جە چالاکیی نیشتەیرەینە جە چوارچوەوهەنگامەو "وەختوو ئازادیین"ە، کە جە ٢٥  کانوونوو دووەموو ٢٠٢١ وەردەموو بارەگاو نەتەوە یۆگێرتەکانە ژنێڤنە بەردەواما، چاگەیچە ئەرەیاونایشا واناوە.

دماو ڕێزگێرتەی جە گەشمەرداو کۆشیای ئازادیی کوردستانی، هامسەرۆکوو کۆنسەو دیموکراتیکوو کوردی سویسرانە، سەلما سورەرە، ئاماژەش کەرد، بە گۆشەگیریی سەروو ڕابەروو گەلوو کوردی عەبدوڵڵا ئۆجالانیم کە ٢٩ مانگێن بەردەواما، سڵامش وەنەو چالاکییەکەی کەرد و واتش: "هەرچندە خاکەکەمانە بەرێ کریێنمێ وەلێ کۆشیایما بەردەواما.

سەلما ئەرەیاوناش، گۆشەگیری و هجوومەکاو ئەرەگیرا زیادتەرێ با، واتیچش، دەوڵەتوو تورکی گۆشەگیری پێسە هەڕەشێوە بەکار مارۆ، کۆشیەیمێ تا زانیاریی بارەو ڕابەروو گەلوو کوردی عەبدوڵا ئۆجالانیوە ورگێرمێ.

هامقسەکەروو دەسوەڵێوستەی ئازادیی پەی عەبدوڵڵا ئۆجالانی سەرنیشت و وەرکەوتوو سوریاینە، ئیدریس عەلی، سەبارەت بە چەمپەنەکەوتەکەیشا چەنی (OHCHR) زانیارییشا دا. ئیدریس ئەرەیاوناش، چەنی (OHCHR) سەبارەت بە گۆشەگیری سەروو ڕابەروو گەلوو کوردی عەبدوڵا ئۆجالان قسێشا کەردێنە و ٢ ملوێنێ و ٦٤٦ هەزار و ٢١١ ئیمزیشا پەی ئازادیی جەستەیی ڕابەروو گەلوو کوردی عەبدوڵا ئۆجالانی کوێ کەردێنێوە و تەسلێموو وەرپەرساو  کۆکردۆتەوە و  (OHCHR) کریێ.

هامسەرۆکوو دەسوەڵێوستەی پارێزنەراو ئازادی پەی عەبدوڵڵا ئۆجالانی سوریانە، خانم ئایۆوە، ئەرەیاوناش، جە سەرێکانی و عەفرین و گرێ‌سپینە دەوڵەتوو تورکی و چەتەکێ تاوانوو جەنگی کەرا. بەزۆرەملێ گەلوو هەرێمەکەی کەرا کۆچبەرێ. ئاخیرۆ خانم ئایۆوە واتش: "گەرەکمابێ هامکارییەکا پەی دەوڵەتوو تورکی و چەتەکاش مردنیۆ. ئا چەتێ هجووم کەرا سەروو وەرنیشتی. بۆنەو هجوومی ئاسمانییوە خەڵکی سادە و سەروازێ گەشمەردێ با ".