گەریلۍ یەژاستاری زەلال ئاگری-یە بە بۊنەو ساڵیادوو هەڵمەتەو ١٥و ئابیوە قسێش پەی ئاژانسوو هەواڵوو فورات (ANF)ی کەرڎۍ، ورسەنگنای گەریلێکۍ یەژاستاری پێسنەن:

"ئەوەڵ بە بۊنەو ١٥و ئابیوە مەبارەکبایی جە ڕابەروو ڕابەرا ڕابەر ئاپۊی و سەرجەموو گەشمەرڎا کەروو.

١٥و ئابینە یوەم فیشەک پەی گەلوو کوردی، پەی ژیوایۊ و بییەی تەقیا. گەلوو کوردییش جە وەرموو مەرڎەی های کەرڎۊ. سەروو ئا بنەمێوە هەڵوێستوو هامڕا عەگیدی بواروو ئایدۊلۊژی، هامڕایەتی، سەروازینە بەڕاسیچ کوردساننە پەی گرد لێوە بی بە نموونە. گرد قەرارێوە چینەشا دا، کە چێش بۊ با بۊ، وێشا بە ساعیبۍ ئی دۊز و ڕێبازەیە مزانا.

پەی ئێمەی گەریلایچ ١٥و ئابی بڕوێوە پاسنێش خولقنێنە، کە بتاومی ڕێکوستەی پتەو کەرمۍ. بەتایبەتی جە ڕووەو سەروازیوە، هونەری سەروازینە وێما بونیاد بنیەیمۍ، وێما گەورە کەرمۍ، وەختێوە ئینسان سەرنجە وزۊ سەروو ئی سەرڎەمەیە، ئا مدرامانە ئارۊ کریۊ، بەتایبەتی هەڵوێستوو جەنگاوەراو ڕابەرایەتی ئینسان مەتاوۊ جە ١٥و ئابینە، جە ڕۊحوو عەگیدەکا بڕیۊرە. ئارۊ بە هەزاران کەسۍ کەشەکاو کوردستانینە ئینۍ وێگێرینە و گەرەکشانە گورزی گەورە وەنەو دوژمنی شانا.

ئێمە ماچمۍ ١وو حوزەیرانی هەڵمەتەو ١٥و ئابی دووەمینە. پەی ئێمە ماناش ئینێنە، سەروو ئا بنەمۍ ئێمە وێما بەهێز کەرد. پێسە چەنی جە ١٥و ئابینە تا هەڵمەتەو ١وو حوزەیرانی جە ڕووەو سەربازیوە وردبییەیۊ ئاما ئاراوە، ئارۊ هەقیقەتوو گەریلاکاو مۊدێرنیتەی دیموکراتیک و گەریلای مۊدێرنی سەنگەرەکاو مدرامانینە وێگێری کەرا. گەرەکشانە دوژمنیشا دلێنە بەرا. سەروو ئا بنەمێچە قەرارڎارێنمی، پێسە کەسیچ کە ئارۊ چی کەشاوە وێگێری کەرمۍ، گەرەکمانە بەدروسی گژیەیمۍ و ئانە کە وێما بە ساعیبش مزانمۍ میراتوو ١٥و ئابین. سەروو ئا بنەمێوە جارێوە تەر قەرار مدەیمۍ، چێشش شینە با بشۊشنە ئارۊنە بەرڎەوام ساعیبۍ ڕەنج و هەڵوێستوو هامڕا عەگیدینمۍ. ئێمە پێسە گەریلاکاو یەژاستاری پێسە بێریتانەکا جەنگ کەرمۍ، پێسە زیلانەکا بواروو ئایدۊلۊژیاینە، بواروو ڕێکوستەیۊ مدرامان کەرمۍ.  بیمۍ ساعیبۍ پیمانەکاو عەگید، زیلانەکا، بێریتانەکا، حەقییەکا، کەمالەکا. قوربانیدای و شییەینەکەیش چێش بۊ با بۊ، سەرکەوتەی مسۊگەر کەرمۍ ".

س.ز