جە دەگاو چامیلینە جە قەلقەلی، سەروازۍ سکاڵێوەشا کەرڎە بەهانۍ وێشا، هجوومشا کەرد سەروو یانێوە چۊڵی و دووۍ کەسێشا کوشتۍ.

بەپاو ئا زانیارییا دەگانشینۍ وەڵاشا کەرڎەنۊ، حیچ هاگادارکەرڎەیۊێوە وەڵینە نەبییەن و یانەکەشا دریان وەروو ئاویری. سەروازەکۍ نزیکەوچوار سەعاتا یانەکەشا دان وەروو بۊمبا و دەگێکێشا تەوقە دا.

١وو ئەیلوولی، دما نیمەڕۊ، سەروازەکۍ تەوقەو دەگێکێشا ورگێرتە و ئا یانە کە عاسمانۊ بۊمواران کریا، بی بە کەلارۍ.

سەرۊکوو سەندیکاو پارێزنەراو وانی، قسێش پەی ئاژانسوو هەواڵوو فورات (ANF)ی کەرڎۍ و واتش، هیزی دەگێکێنە تاوانی دڕندانە کریان، ڕاپۊرتەشا ئامادۍ کەرڎێنە و ماوەو دووۍ ڕوانە وزاش وەرڎەموو ڕای گردینی.
         

س.ز