ئەندامێ شاندو ئیمراڵی دەم پارتی؛ پەروین بوڵدان و سری سورەیا ئۆندەر، پەیوەس بە بانگەوازە تاریخییەکەو ٢٧و شوباتو ڕابەر ئاپۆیۆ، ئارۆ چنی سەرۆککۆمارو تورکیای ڕەجەب تەیب ئەردۆغانی گلێرێ بیێوە، گلێرۆبییەکەی جە کۆشکو کۆماری سەعات و ٢٥ دەقێش پنەشی.

ئەندامەو شاندەکەی سری سورەیا ئۆندەرە دماو گلێرۆبییەکەی قسێش کەردێ  و واتش: "گلێرۆبیێوە ئەرێنی بێ. جە ئیسەنە هیواما زیاتەرا. چی بابەتەنە یاگێ سەرۆککۆماری گرنگ و کاریگەرا. داواما پێكئاردەو ئاشتییا."

حەر جە بارەو دەرنجامو گلێرۆبییەکەی، پەروین بوڵدانە ئەندامەو شاندەکەی واتش: "گلێرۆبیێوە عال بێ. پرۆسەکە عال ملۆڕاوە."

چەمەڕا کریۆنە جە چن سەعاتی ئایندەنە پەیوەس بە گلێرۆبییەکەی دەم پارتی ئەرەیاونێوە نویسریا وەڵاکەرۆوە.