لەگەڵ هاتنی وەرزی بەهاردا، وەک جەژنێکی کولتووری کۆمەڵگەی ئێزدییەکان، لە یەکەم ڕۆژی جەژنەکەدا عەشیرەتەکانی جەفریان، شەرکا، کینۆیا و هەسکا ڕوویان کردە قوبەی ناوچەکە و خێری خۆیان بڵاوکردەوە.

لە جەژنی جمایی شێشمس‌دا، کە جەژنێکی کولتووری و کۆمەڵایەتی گەلی ئێزدییە، گەل بە جۆشی هاتنی وەرزی بەهار، بە جلوبەرگی کولتووریانەوە گوزارشت لە پیرۆز و خۆشی جەژنەکە دەکەن.

سبەینێ لە کۆتا ڕۆژی جەژنەکەدا گەل لە هەموو ناوچەکانی شەنگالەوە ڕوو دەکەنە قوبەکە و پەڕەی قوبەکە هەڵدەکەن، بەجۆشەوە کۆتایی بە ڕێوڕەسمەکانی جەژنەکە دەهێندرێت.