کۆنگرەو نەتەوەیی کوردی حەفتەی ئایندە جە وەرنیشتەنە ملۆڕاوە
ئەرەیاویان، کۆنگرەو نەتەوەیی کوردی کە ماوێوەن هێزە سیاسی، پارت و ڕێکوزیا کوردییەکا سەرنیشتوو وەرکەوتوو سووریای ئامادەکاریش پەی مکەرا، حەفتەی ئایندە ملۆڕاوە.
پێشبینی کریێ دماو گفتوگۆو بەینو لایەنەکا، هێزە سیاسی و ڕێکوزیا کوردییەکێ، ڕەشنووسێوە هامبەش جە نەورۆزەنە ئەرەیاویۆنە.
بەڵام کۆمیتەو ئامادەکاری کۆنگرەی ئەرەیاوناش کە مەڵامەتو بڕێ بەربەسێوە ئەرەیاویاکە دما وزیا.
لایەنە سیاسیەکێ، پارت و ڕێکوزیێ کوردییەکێ سەرنیشتوو وەرکەوتوو سووریای سەرو پرسە هامبەشەکا یاوێنێ ڕێککەوتەی.
وەرپرسێ ئەرەیاونانشا، چی بەڵگەنامەنە ڕێککەوتەی پەی پێکئاردەو کۆمیتی پەی ئەرەنیشتەی چنی حکومەتو دیمەشقی پەی یاوای بە مافەکا گەلوو کوردی و بەشداریکەردەو کوردی جە دەسوورو تازەو سوریاینە کریان.
شایانو باسین لایەنە کوردییەکێ جە ١٦و ئادارینە گلێرۆبییەکەشا ئەنجامدان و ڕێککەوتەی سەرو بەستەو کۆنگرەی نەتەوەیی کوردی. لایەنەکێ بە تایبەتی باسشا جە ئاستەنگیەکا وەردەمو یۆبییەی کەرد و بەڵگەنامەکا پەیوەس بە ئەنجامو گلێرۆبییەکا وەڵینو لایەنەکاشا وست وەرو باس و هورسەنگنای.
