جە بەردەوامی سەردان و گلێرۆبییەکانە، ڕووسیانە شاندو دەم پارتی چنی یاگەکیرا وەزیرو چبەرو ڕووسیای گلێرێ بیێوە. جە گلێرۆبییەکەینە هورسەنگناشا پەی کاریگەرییەکا بانگەوازو ئاشتی و گلێرگەو دیموکراتیکو ڕابەر ئاپۆی سەرو سیاسەتو دلینەی و چبەری کەرد.
بە پاو نوسینگەو ئەرەیاوناو دەم پارتی، شاندەکەو دەم پارتی جە درێژەو گلێرۆبییەکاشەنە جە ڕووسیانە چنی یاگەکیرو وەزیرو چبەرو ڕووسیای ئەلیکساندەر ڤ. گروشکۆ و میخایل ل. بۆگدانۆڤ‌دا گلێرۆبیێ جیاوازێش ئەنجام دێ.
ئەرەیاوناکەینە ئامان: "جە گلێرۆبییەکەینە چنی گروشکۆدا پێشئامایەکا ئەورووپای و ئەمریکای، پەیوەندییەکێ بەینو تورکیای و ڕووسیای، پێشئامێ سیاسییەکێ جە تورکیانە و کاریگەرییەکێ بانگەوازو 'ئاشتی و دیموکراتیک'و ٢٧و شوباتو ڕابەر ئاپۆی سەرو سیاسەتو دلینە و چبەری هورسەنگیێنێ."
باسش کەرد جە دەرفەتەکا دماو بانگەوازییەکەو ڕابەر ئاپۆی
دەستنیشان کریا جە چوارچێوەو گلێرۆبییەکەینە چنی بۆگدانۆڤ، دماین پێشئامایە سیاسییەکا وەرکەوتوو دلێڕاسەی و بەتایبەت جە سووریا و عێراق، دماین هەنگامەکا چارەسەرو دیموکراتیکانەو پرسو کوردی، ئا دەرفەتێ کە بەمەڵامەتو بانگەوازەکەو ڕابەر ئاپۆ ی ڕەخسیێنێ.
جە دماین و ئەرەیاوناکەینە ئاماژەش پانەیە کریان شاندەکە ئارۆ دمایش بە گلێرۆبیەکێش ئاردێنی و گێڵۆوە پەی تورکیای.
