جمیەروو گه‌نجە شۊڕشگێڵنا (ته‌جه‌شه‌) و ژەنە گه‌نجە كۊشه‌را (ته‌كۊژن) جە ئەرەیاوناێوە هامبه‌شنە وەڵاشا کەرڎۊ، جە‌ چوارچوەو "جەنگوو ئازاڎی میاونمۍ سه‌ركه‌وتەی"ینە پەی ئازاڎیی ڕابه‌روو گه‌لوو كوردی، عه‌بدوڵڵا ئۊجالانی پاریسوو پایته‌ختوو فه‌ڕه‌نساینە، دوسلدۊرفوو ئه‌ڵمانیای و زیوریخوو سویسراینە، ڕووە کەرمۍ مەیڎانەکا. 

جە به‌شێوە تەروو ئەرەیاوناکەینە ئامان، سه‌رباروو هه‌وڵه‌كا جە ٢٥ ئاداروو ٢٠٢ تا ئیساتۍ هیچ زانیاریێوە ‌باره‌و ڕابه‌ره‌كەیماوە‌ نییا‌، ڕابه‌ر ئاپۊ پەی ئێمه‌ گرڎ چیوێن و سه‌روو ئا بنه‌مێچە گرنگتەرین هەرمانە و وه‌رپەرسبییەیما دلێنەبەرڎەی سیستموو ئیمراڵین و به‌دیئارڎەی ئازاڎیی جه‌سه‌یی ڕابه‌ر ئاپۊین‌. چا چوارچوەنە‌ ئێمه‌ جە‌ 29 ته‌مووزینە ده‌س به‌ چالاكییه‌كاما کەرمۍ و داوا جە گرڎوو گه‌نجاو ئه‌ورووپای به‌تایبه‌تی ‌ وەڵاتاو ئه‌ڵمانیا، فه‌ڕه‌نسا و سویسرای کەرمۍ، به‌ وەرپەرسبییەیۍ گەورەوە ئشناسنامه‌ و ڕابه‌رایه‌تیی وێشا بپارێزنا.

هه‌ر جە ئەرەیاوناکەینە ئامان، پێسە گه‌نجە ئەرەنیشتاو فرە جە وەڵاتاو ئه‌ورووپای، پەنەوازا به‌ وه‌رپەرسبییەیۍ تاریخیوه‌ جووڵیەیمێوە‌ و ئی قۊناغه‌ پێسە قۊناغێوە، كه‌ ئازاڎیی جه‌سە‌یی ڕابه‌ر ئاپۊی مسۊگه‌ر کەرۊ، ورسەنگنمۍ. چێیچۊ هەرمانەی سه‌ره‌كییەمانە‌ گرڎوو گه‌نجا ڕێکۍ وزمۍ و وزمێشا جموجووڵۊ و به‌ گه‌وره‌كەرڎەی خەتەو مدرامانی ئازاڎی به‌ده‌س بارمێ".

جه‌ختیچ کریانۊ پێسە چەنی مدرامانی شكۊمه‌ندانه‌و ڕابه‌ریما ئیمراڵینە پیلانگێڵنیی میاننه‌ته‌وه‌ییش پووچه‌ڵ كەرڎۊ، ئا خەتەو مدرامانی كه‌ ڕابه‌ره‌كه‌یما ئارڎەنش ئاراوه‌، چێوە نایاساییه‌كا ئاشكرا کەرۊ. وەروو ئانەی هاگاما جا خەتەو مدرامانی بۊ، به‌دڵنیاییوە مشۊم كۊشیای گه‌شتەر بكریۊ.

جە ئاخیروو ئەرەیاوناکەینە داوا جە گرڎوو گه‌نجا كریان‌، پەی ئازاڎیی ڕابه‌روو گه‌لوو كوردی، عه‌بدوڵڵا ئۊجالانی، ڕۊو 29 ته‌مووزی جە گرڎوو جادە و گه‌ڕه‌كه‌كانە ژیوای مردنا.

نامونیشان و سەعاتەو ئا چالاکییا کە جە 29 تەمووزینە (سەوای) جە لایەنوو جمیەروو گه‌نجاوه‌ کریا پێسە وزیێنۍ ‌ڕووە:

ئەڵمانیا

نامونیشان: وەرڎەموو دی جی بی هاوس، دوسێلدۊرفنە

سەعات ١٢:٠٠

فەڕەنسا

نامونیشان: مەیڎانوو ڕیپابلیک، پاریسنە

سەعات ١٧.٠٠

نامونیشان: مەیڎانوو کانیبێر، مارسیلیانە

سەعات: 19.00

سویسرا

نامونیشان: هێلڤیتپلاتز، ٨٠٠٤ زیوریخنە

سەعات ١٣.٠٠

س.ز