سوپای ئەرەگیرکەرەو تورکی ٣٥ جارێ بە تەقەمەنیی قەدەغەکریا و چەکی کیمیاوی هجوومش کەرد. ئەرەیاونیا بەشێو چا گازە کیمیاوییا کە هجوومەکانە بەکارێ ئامێنی ڕەنگەشا پرتەقاڵییە بیێنە
ناوەندوو ئەرەیاونای و چاپەمەنیی هەپەگەی پێوەس بە چالاکییەکاو گەریلای و هجوومەکاو سوپای ئەرەگیرکەرەو تورکی، ئی ئەرەیاونایەشە وەڵا کەردەنۆ:
"لە هەرێموو گەشمەرد دەلیلوو وەرنیشتوو زاپی؛
٢٠و گوڵانی سەعات ١٢:١٠ دەیەقێ مەیدانوو مدرامانوو کەشوو جودیینە دژوو ئەرەگیرکەرا، کە هەوڵێ پڕایۆ پەی سەنگەرەکا دێنێ، بە چەکی نیمە ئۆتۆماتیکی وەنەو ئەرەگیرکەراشا دا. ئەنجامنە جموجۆڵوو ئەرەگیرکەرا مردنیا.
هجوومەکاو سوپای ئەرەگیرکەرەو تورکی بە تەقەمەنیی قەدەغەکریا؛
٢٠و گوڵانی هەرێموو گەشمەردە دەلیلوو وەرنیشتوو زاپینە دژوو تونێلەکاما، مەیدانوو مدرامانوو کەشوو ئێف ئێم-ینە، ٣٢ جارێ بە گازی کیمیاوی، جارێو بە تەقەمەنیی قەدەغەکریا هجوومشا کریان سەر. بەشێو جە گازە کیمیاوییە بەکارئاماکەی چەنی گازی هەڵسمجی بەکارێ ئامێنێ بە ڕەنگی پرتەقاڵی.
٢٠ و ٢١ گوڵانی مەیدانوو مدرامانوو کەشوو ئامێدیینە، دووێ جارێ تونێلەکێما بە تەقەمەنیی قەدەغەکریا بۆردومانێ کریێنێ.
٢٠ و ٢١ی گوڵانی هەرێموو گەشمەرد دەلیلوو وەرنیشتوو زاپینە ١٤ جارێ تونێلەکێما مەیدانوو مدرامانوو کەشوو جودیینە بە درۆن بۆردومانێ کریێ.
هجوومەکاو سوپاو دەوڵەتی ئەرەگیرکەروو تورکی؛
٢٠ و ٢١ گوڵانی هەرێموو خواکوڕکینە مەیدانەکاو سنین، لۆلان، کەشوو گەشمەردە شەریفی، کێلەشین ٨ جار، هەرێموو گارەینە مەیدانەکاو دینارت، دەشتەو کافیای ٢ جارێ، هەرێموو مەتینای مەیدانوو دەگەلی و بێشیلی ٢ جارێ، لە هەرێموو گەشمەردە دەلیلوو وەرنیشتوو زاپی مەیدانەکاو مدرامانوو کەشوو جودی و کەشوو وەهار ٥ جارێ؛ گردیوە ١٧ جارێ بە فڕۆکەی جەنگی بۆردومانێ کریێ.
٢٠و گوڵانی مەیدانوو دەرەگەلەی هەرێموو مەتیناینە بە هەلیکۆپتەری هجوومبەر بۆردومانێ کریێ."
