کوڵە فیلمو (هەفت سەمفۆنیۍٚ زاگرۆسی) کە فیلمێوی بەڵگەنامەین و جە بەرئارودەی سینەماکار و فلیمسازو هەورامانی پەرویز ڕۆستەی-ین، خەڵاتێوی جیهانیش پنە بەخشیا.
فیلمەکە کە بەشداریش جە هەمامەو فیلمو مۆسکۆ-و پایتەختو فدراسیۆنو ڕوسیای کەردەبێ، تاواش باشتەرین خەڵاتو فیلمو بەڵگەنامەیی پەی وێش مسۆگەر بکەرۆنە.
کوڵە فیلمو (هەفت سەمفۆنیۍٚ زاگرۆسی) بەرئاوەر و فلیمنامەنۋیس و فیلمگێرەکەش سینەماکاری هەورامانی پەروێز ڕۆستەمی-ن و باس جە هەفت مەقامۍٚ موزیکو شمشاڵی یان لولۍٚ جە ژیواو زاگرۆس نشینەکانە مکەرۆنە. فیلمەکە تا ئیسە جە چەنڎین هەمامۍٚ فیلمۍٚ ئێرانیۍٚ و جیهانیێنە بەشداریش کەردەن و چەنڎین خەڵاتێش پنە بەخشیێنۍٚ.