نۋیسینگەو یاسایی سەڎەی سەبارەڎ بە گۆشەگیریی تنو سەرو ڕابەرو گەلوو کورڎی، عەبدوڵا ئۆجالانی ئەرەیاۋنېوەش ۋەڵاکەرڎۊ.

ئەرەیاۋناکە پی جۊرەنە:

"بەڕێز عەبدوڵا ئۆجالان، کە جە زینڎانو ئیمراڵی زینڎانی کریان، جە ماوەو ١٢ ساڵا ۋیەرڎەینە، تەنیا ٥ جارۍ پارێزنەرەکېش تاۋانشا دیڎارش چنی ئەنجام بڎا، دماین دیڎاریچ جە ٧و ئابو ٢٠١٩ ئەنجام دریان و ٤ ساڵۍ سەرو ئا دما دیڎارەینە ۋیەرڎەن. جە ٢٥و ئادارو ٢٠٢١ینە، پەیوەنڎی تەلەفۆنیش چنی براکەیش بە مەڵامەتۍ نادیارۊ جە پڕ پڕچیا و چا وەختۊ حیچ زانیاریېوە جە بارەشۊ ۋەردەس نەکۊتەن، گرڎوو حۊڵە داڎوەری و کارگێڕی و حۊڵەکۍ تەرۍ، کە چا ۋەختۊن وزیېنۍ هەرمانە  سەرو دەسو دەوڵەتیۊ بۍ ئەنجام مەنېنۍ.

'سیستمێوە ئەشکەنجەداین کە حیچ نموونېوە هامشێوەش نییا'.

کۆمیتەو مافەکا مرۆڤی سەربە نەتەوە یۊگېرتەکا، قەرارو گرتەی ۋەرو رێکاری پی جۊرەیشە بەرکەرڎ "پەنەوازەن پارێزنەرەکۍ بتاۋا خېرا بەبۍ دەربەس دیڎار ئەنجام بڎا" و جە ٦و ئەیلولو ٢٠٢٢ و ١٩و کانونو دووەمو ٢٠٢٣ بە حکومەتی ئەرەیاۋیا، بەڵام دەوڵەت و ئەرەمەرزیا پەیوەنڎیدارەکۍ بە حیچ جۊرۍ بە پاو ئا قەراریە هەڵسوکۊتشا نەکەرڎ. بەڕێز ئۆجالان جە سیستمێوە ئەشکەنجەینە مەنەنۊ، کە جە تاریخو یاساو ئەوروپای و تورکیاینە نمونەی هامشێوەش نییا.

جە بەرێزا وەیسی ئاکتاش و حامیلی یڵدرم و عومەر خەیری کۆناریچ، حیچ زانیاریېوە نییا کە ئینۍ چنی بەڕێز ئۆجالانی. ئا گۆشەگیرییە ڕەهایەی سەرو بەرێز ئۆجالانی و موەکیلەکا تەریمارە سەپیان، حیچ بنەمېوە یاسایی و کۆمەڵایەتی رەواش نییا. دیارا ئا ڕاو ڕێبازەی ئیسە جە ۋیرکەرڎەیۊ دەوڵەتی پۍ نکۆڵیکەرڎەی جە پەرسو کورڎی سەرچەمەش گرتەن. دماو هۊرچنیەکا، جە کۆسۆڤۆوە پۍ ئۆکرانیای، جە پەرسو ئەرمینیا – ئازەربایجان تا سودان، دەربار بە ملەملانۍ و جەنگی جە گرڎ لایۍ جەهانی، حکومەت جە ڕاو شێوازەکا ئەنەیاۋای و گفتوگۊیۊ داواو ئاێربەسی و ئاشتی کەرۊ، بەڵام جە پەرسو کورڎینە پێچەوانەو ئینەیش کەرڎەن سیاسەتێوە پێچەوانەو ئینەیش پەیڕەو کەرڎەن. ئی ناکۆکی و جیاکارییەو دەوڵەتیچ مەڵامەتی ئەساسی چارەسەرنەکەرڎەی گرڎوو قەیرانەکان.

پەنەوازەن رایگرڎی بزانۊ تا ئا راسیەو دەوڵەتی نەۋینیۊ، نەژنەۋیۊ و هەڵوێس ۋەران ۋەرشەنە نەگیریۊنە ۋەر حیچ فاڕیایۍ نمېنە کایۊ.

'پەنەوازەن ڕایگرڎی دیموکراتیکی وریا و ۋەرپرسیار بۊ'

جە دماین دیڎارەنە چنی بەڕێز ئۆجەلانی، کە ٤ ساڵېش سەرەرە ۋیەرڎەن، ۋېش ئەرەیاۋناش، کە جە ساڵەو ١٩٩٣یۊ جە دژوو ئەقڵیەتو دلېنەبەری حۊڵەکېش پەی چارەسەری دیموکراسی سەرو خەتەو ئاشتی ۋەردەواماو مدرامان کەرۊ و ۋېش جە سیاسەتو چارەسەر نەکەرڎەی نزیک مەکەرۊوە و قسۍ 'جەنگ چارەسەری نمارۊ' و ئۆزالی هەڵای راس و بەرکارەنە، چارەسەری دیموکراتیکی جە پەرسو کورڎینە ڕاش مشۊنە و ئەگەرو ئامای دیش هەن، کریۊ جە مدەو حەفتېوەنە دمایی بە جەنگی بۍ، چا ڕوۊ قەناعەتش بە ۋېش هەن، بەڵام مشۊم مەغزو دەوڵەتی بەپاو ئانەی جمۊوە. ئەگەر ئا ڕۋەی بەڕێز ئۆجالان دەسو چارەسەری دیموکراسیش درێژ کەرڎ بۍ جواب نەبیۍ، ئانە ئی گرژییە سیاسییە، ئی ئەرەبڕیا کۆمەڵایەتیە و ئی تەنگەژە ئابووریەو ئیسەی نۍ ئاراوە. ئا شێوازە چارەسەریۍ بەڕێز ئۆجالان پێشنیارش کەرڎ، دەوڵەتیچ پۍ بەرو وڵاتەکەی داواش کەرۊ، بەڵام دلېنە هەرمانەش پنە مەکەرۊ، ۋەڵۍ ئانەی سیاسەتەکۍ ئیسەی بانۍ بە مایەو ۋەش بیەو زامۍ قووڵی تاریخی، مشۊم خېرا جابەجۍ کریۊ.

ۋەڵۍ گرڎ چېۋېنە مشۊم بزانیۊ چەمەڕای ئەساسیما هۊرگېرتەی زانیاری ڕاسەوخۆن جە بەرێز ئۆجەلانی و موەکیلەکا تەریما. پەنەوازەن ئاماژە پانەی کریۊ کە هۊرنەگېرتەی زانیاری مەڵامەتو گرڎ جۆرە مەترسیېوەن و داوا جە ۋەرپەرسا کەرمۍ دمایی پی گۆشەگیری و تاوانەو ئەشکەنجەدایە بارا. ئاگاڎیی مڎەیمۍ بە رایگرڎی و دیموکراتیکی کە وریا و ۋەرپرسیارۍ با".

هـ . ش