ئەنداموو دەسەو ڕاوەبەریی کەجەکەی مستەفا قەرەسوو ئەرەیاوناش گۊشەگیری و کرڎەوەی نایاسایی، کە جە ئیمراڵینە دژوو ڕابەروو گەلوو کوردی عەبدوڵڵا ئۊجالانی کریۊ، تەنیا دژوو کوردی نییا، بەڵکوم دژوو سەرجەم هێزە دیموکراتیکەکاو تورکیاین.
مسەفا قەرەسوو جە بەرنامەی تایبەتوو مەدیا خەبەرینە قسێش کەرڎۍ و سەرنجەش وستە سەروو سیاسەتەکاو گۊشەگیریی دژواری جە دژوو ڕابەروو گەلوو کوردی عەبدوڵڵا ئۊجالانی.
قەرەسوو باسش چانەیە کەرد کە سیستموو ئیمراڵی بناغەی نایاسایی و نادادپەروەریین تورکیانە و واتش: "کۍ جە تورکیانە باس جە یاسۍ و دادپەروەری کەرۊ، مشۊم سەرچاوەکەیش بزانۊ. مشۊم تا سەرچەمەکەش بلۊ شۊنیشرە. سەرچەمەو گردوو کرڎەوەی نایاسایی و ناڕەوای تورکیانە سیستموو ئیمراڵیین".
قەرەسوو ئاماژەش پەی ئانەیە کەرد کە تورکیانە دەسووری هەمیشەیی و پەیماننامە بەیننەتەوەییەکۍ پاشێلۍ کریا و واتش، بە بۍ کۊشیای وەراوەروو گۊشەگیری جە ئیمڕاڵینە و تا ئا بابەتە دەسنیشان نەکریۊ، ئینسان مەتاوۊ تورکیانە دژوو کرڎەوەی نایاسایی و نادادپەروەری کۊشیاێوە ڕاس و خاس کریۊ.
قەرەسوو واتش، "ئەگەر ئێمە واچمۍ لادای جە یاسۍ، نادادپەروەرین، ئێمە چا ڕووەوە دلێوە بیمۍ، مشۊم دژوو گۊشەگیری جە ئیمراڵیچنە هەڵوێست ورگێرمۍ، ئینە هەرمانە هەقەتینەکێنە".
پوختەو ورسەنگنایەکاو ئەنداموو دەسەو ڕاوەبەریی کەجەکەی مستەفا قەرەسوو پێسەن:
"گۊشەگیری دژوو ڕابەر ئاپۊی ٢٥ ساڵێن بەرڎەواما، ڕاستەوخۊ پەیوەندییش بە سیاسەتەکاوە هەن دژوو کوردی. مەکریۊ ئانۍ جە یۊی جیۍ کریاوە. وەروو ئانەی سیاسەتوو کۊکوشی وەراوەروو کوردی پەیڕەو کریۊ، گۊشەگیرییچ دژوو ڕابەر ئاپۊی ئەنجام دریۊ و ئانەیچ سیاسەتوو پاکتاوین وەراوەر بە بەرامبەر بە ڕابەر ئاپۊی. ئەرڎۊغان جارێوە واتەبێش ' تا من چێگە بوو نمازوو بۍ بەرۊ'. چا ڕووەوە وەختۍ گۊشەگیری سەروو ڕابەر ئاپۊ ورسەنگنیۊ، بەبۍ یاواینەی قووڵ جە پاکتاوو کورڎا، مەتاویۊ بەدروسی بابەتوو گۊشەگیری ورسەنگنیۊ.
ڕابەر ئاپۊ ڕابەروو گەلوو کوردین، ڕابەروو کۊشیای ٥٠ ساڵەین. جە تاریخنە سەرمەشقوو کۊشیای گەورەو کورڎان. دەوڵەتوو تورکی سەروو ئا سیاسەتوو پاکتاوی بەرۊ ڕاوە. مشۊم گۊشەگیری پێسە ورسەنگنیۊ. هەر کورڎۍ تا نەوینۊ کە گۊشەگیری سەروو ڕابەر ئاپۊی بە ماناو کۊکوشیی کوردین، مەتاوۊ دژوو گۊشەگیری کۊشیای قەوەت کەرۊ.
سەرچەمەو لادای جە یاسۍ و نادادپەروەری سیستموو ئیمراڵیین
گرد باس چانەیە کەرا، کە تورکیانە نادادپەروەری گەورە و بێیاسایی هەن و باس جە نەمەنەی یاسۍ و دادپەروەری کەرا. ماچا یاسا جە ڕاو دەوڵەتیوە مەبریۊ ڕاوە. یانۍ دەوڵەت فشار وزۊ سەروو دادپەروەری و دەزگا و دادگاکا و بە پاو واستەی وێش بەکارشا مارۊ.
ئینە ڕاسا. وەروو ئانەی تورکیانە دەوڵەتی پاکتاوکەر و کۊکوشکار هەن. چی ڕووەوە کۍ تورکیانە باس جە یاسۍ و دادپەروەری کەرۊ مشۊم سەرچەمەکەیش بزانۊ و بلۊ شۊنیشەرە. سەرچەمەو گردوو لادایەکا جە یاسا و نادادپەروەری تورکیانە سیستموو ئیمراڵیین. ئیمراڵینە دەسووری هەمیشەیی تورکیای و گردوو پەیماننامە بەیننەتەوەییەکا پاشێلۍ کریا. گردوو نادادییەکا چاگەوە سەرچەمە گێرا. چی ڕووەوە بەبۍ مرڎایۊ دژوو گۊشەگیری ئیمراڵینە و وستەیڕووەو ئا ڕاسییەی و ئاشکراکەرڎەیش، مەتاوا دژوو پاشێلکەرڎەی یاسۍ و نادادپەروەری تورکیانە کۊشیاێوە خاس کەرا. پەی چیشی ئا گردوو یاسایا پاشێلۍ کریا؟ ئا گردوو نادادپەروەرییە هەن؟ بییەن بایسوو کۊکوشیی کورڎا. وەڵۍ گرد چێوێنە مشۊم ئانە بزانیۊ. ئەگەر باسوو لاداین جە یاسۍ، نادادپەروەری کەرمۍ و دلێوە ڕاس ماچمۍ، مشۊم دژوو گۊشەگیری ئیمراڵی هاگاما چەنە بۊ، بۍ ئانەی کەس مەتاوۊ واچۊ پوی دادپەورەری کۊشیۊ.
سیستموو ئیمراڵی نەک هەر کورد، بەڵکوم گردوو هێزە دیموکراسییەکا کەرۊ ئامانج
سەرچەمەو ئانیشا مشکیلەو کوردین، چارەسەرنەکەرڎەی پەرسەو کوردین. بە بەرجەستە و دیار سیاسەتەکاو دەوڵەتی دژوو ڕابەر ئاپۊینۍ. ئا سیاسەتۍ وەراوەروو ئادی پەیڕەو کریا، دژوو گردوو کورڎان، کۊشیای ئازادیی گەلوو کوردین و هێزە دیموکراسییەکا و گرد کەسین. نەک هەر دژوو کوردی، دژوو هێزە دیموکراسییەکاو تورکیایچا، ئادێچ ئینۍ چیروو فشارینە و ناهەقییشا وەراوەرۊ کریۊ. مشۊم ئی ڕاسییە بزانمۍ، کە سەبەبوو ئا گردوو هەرمانە نایاسایی و نادادپەروەرییا، جە سیستموو ئیمڕاڵیوە سەرچەمە گێرا.
سەروو ئاستی میاننەتەوەییچ کە باس جە دادپەروەری و یاسۍ کریۊ، مشۊم دژوو فەرمانۍ ئیمراڵینە مرددێوە، جگە چانەیە کەس مەتاوۊ بڕواشا پەنە کەرۊ. جە چوارچووەو کۊشیاینە دژوو گۊشەگیری بۊ و بەدروسی بۍ ئاراوە، ئا دۊخە ئاشکرا کریۊ، گردلایۍ دژوو ئادی هەڵوێست ورگێرا.
وێش جە جیهاننە وێشا بە ساعیبش زانا، ئینە هەقیقەتا، سەروو ئاستوو جیهانیوە چانەیە یاوێنە، گردوو هێزە دیموکراسییەکا، مافئشناسۍ و دیموکراتەکۍ چانەیە یاوێنە، لۍ تورکیانە هەقیقەتێوە هەن. چێروو کاریگەریی دەوڵەتوو تورکینە، چێروو هجوومەکاشانە، چێروو هجوومی ئایدۊلۊژینە ئا هەقیقەتە مەوینیۊ. ئینەیچ بە ماناو ئانەینە کە چندە فشار سەروو کوردیوە بەرڎەوام بۊم ئاندەیچ تورکیانە فشار بەرڎەوام بۊ. پەوکای پاسە فکرۍ کەرووە کە ئانۍ باسوو نادادپەروەری کەرا، ئا هەقیقەتی وینا، ورش سەنگنا و بە پاو ئانەیە هەڵوێست نیشانە بدا.
هامڕا زیلانە هێماو گەشمەرڎامانە حوزەیراننە
بە بۊنەو ساڵیادوو چالاکییەکەیشۊ، هامڕا زیلانە بە ڕێز و پەنەزانایۊ یادش کەرووە. هەرپاسە یادوو ئا گەشمەرڎایچە کە جە حوزەیراننە گەشمەرڎۍ بیێ. هامڕا هەڵمەت، سەما یوجە، یەیلا وان، هامڕا ژەنەکۍ تەرێچ کە ماوەی ویەرڎەنە وەرنیشتنە گەشمەرڎۍ بیێ. هامڕا ئازاد، هامڕا ئاسیا کە هامڕێوە تورکەو خەڵکوو ئورڎوی بۍ، هامڕا دیاکۊ کە خواکورکنە گەشمەرڎە بی، گەشمەرڎاو مەتینای بەڕێزۊ یاد کەرووە.
جە مانگەو حوزەیرانینە گەشمەرڎۍ فرێما بەخشێ. زیلانە هێماو گەشمەرڎاو مانگەو حوزەیرانینە، جە کەسایەتیی ئادێنە گرڎی یاد کەرووە. چالاکییەکەو هامڕا زیلانۍ تاریخی بۍ، جوابوو هجوومە بۊمبیەکەو ٦ گوڵانی بۍ دژوو ڕابەر ئاپۊی. هەستیاریێوە گەورەش نیشانە دا، زانۍ کە ڕابەر ئاپۊ پەی ئی خەڵکییە، ئی وەڵاتەیە و پەی ژەنا چ مانێوەش هەنە. زانۍ چ بەهێوەش هەنە بە تووڕەیێوە گەورەوە چالاکییەکەش کەرڎ، بە ئیرادە و پاگێرتەیرەی فرەوە یاوناش یاگێ. بەینوو قەرارەکەینە و یاونای یاگێشنە زەمەنێوە هەن، وەلۍ پاگێرتەیرەکەیش زیادتەر بۊ. سەرکەوتەی بە بنەما گێرۊ و چالاکییەکەی کەرۊ. ئا خەتەو چالاکییە جە هەمان وەختنە پەی خەتەو ئازادی و کۊشیای ژەنایچ قۊناغێوە فرە گرنگا. هەرپاسە هەڵوێس و پیمانەکاو کۊشیای ئازادیی ژەنۍ و جەنگاوەرە ژەنا دیاری کەرۊ. ڕابەرایەتیما وەڵۍ ئیسەینە هامڕا زیلانەش پێسە مانیفیستۊو ئازادیی ژەنا دەسنیشانە کەرڎیبێ. ئا پیمانۍ کە هامڕا زیلانە کە پەی وێش کەرڎێبێنێش بە بنەما، ئادێچ وستێش وەرڎەموو گرڎوو ژەنا و گرڎوو کۊشیاراو ئازادی. چی بوارەنە کۊشیای ئازادیی ژەنۍ، کە ئارۊنە پەی وەڵۍ ملۊ، یاوان ئی ئاستە، ئا دەوری گەورەش هەن چەنەش.
چالاکییەکەو زیلانۍ بەڕاسییچ فرەو ڕوواوە بە ماناو قۊناغێوە تازەین. جە هەڵوێست دژوو دوژمنینە، جە ئیرادە و قەرارڎاینە و بەتایبەتی پێسە هامڕێوە ژەنۍ ئانەش وست ڕووە، پێسە چەنی کاریگەری کەرۊ سەروو ئازادیی ژەنۍ، جە ڕووەو جەنگاوەری و ئاستی تازەو جەنگاوەریچنە فرە گرنگا. پەوکای مشۊم گرڎ وەختۍ یادش کەرمێوە و من پەنەزانایۊ یادەش کەرووە.
ئازاڎی پۍ کۊشیایۍ پی جۆریە گیانبازیېوە گۊرەن
هامڕېما زانا رۆژدا و خەبات کۆپ کە ماۋۍ چېۋەڵتەر گەشمەرڎۍ بیۍ و جە ڕۋانی ۋیەرەڎەنە تۆماری دەنگیشا ۋەڵاکریاوە بە رێز و پنەزانایۊ یاڎشا کەروە. قسەکېشا بە راسی کاریگەریش کەرڎ سەرو گرڎیما. بی پا پەیامەی کە ئێمە سەرجەنۊ هورسەنگنایۊ پۍ گرڎ چېۋۍ کەرمۍ. هەڵۋێسو ئا دۋە هەڤاڵەیما لوتکەو کۊشیای ٥٠ ساڵەیا. گیانبازییەکە جە ئاکامو کۊشیای ٥٠ ساڵەینە ئامان ئاراوە.
پېسە گرڎ جارۍ ماچو ئینە هەڵۋێسو رابەر ئاپۆیا. ئازایەتی رابەر ئاپۆیا کە دەسش بە کۊشیایۍ پی جۊریە کەرڎ، ئازایەتیش پۍ کۊشیایۍ پی جۆریە، گۊرەتەرین گیانبازییا. رابەر ئاپۆ وەختۍ دەسش بە کۊشیایۍ پی جۊریە کەرڎ، پېسە کۊشیایۍ ئاسایی و ریفۆرمیستی نەبۍ، بە راسی پېسە هۆشمەنڎیېوە بۍ کە بتاۋۊ کۆلۆنیالیزمی کۊکوشکاری وڕنۊ و دژژ مرڎۊوە، دەسش پی کۊشیایە کەرڎ. ئینەیچ خەتەو پەکەکەینە. پەکەکە بە هۆشمەنڎیېۋە پی جۊریە ئاما ئاراوە، جەنگاوەرۍ پی چەشنەیە سەرشا هۊردا. ئی هەڵۋێسەو رابەر ئاپۆی و خەتەو پەکەکەی گرنگتەرین لایەن و بەرجوستە بیەی مدرامانو ١٤و تەمووزیا. هەڵۋێسو مدرامان و ١٤و تەمووزی فرە گرنگ بۍ. ئا هامڕېما وەختۍ ڕووەو گەشمەرڎەبیەی لۋېنۍ ورەشا فرە بەرزبۍ. پەکەکە ئا جەنگاوەرېشە ئارڎېنۍ ئاراوە. چېکەنە ماچمۍ گیانو مدرامانو ١٤و تەمووزی، ماچمۍ مدرامانو ١٤و تەمووزی. قسێوە خەیری (محەمەد خەیری دورموش)ی هەنە ماچۊ 'سەرو قەبرەکېمۊ بنۋیسدۍ قەرزارا'. کەمال پیریچ ۋاچۍ 'ئنڎەو ئانەی پېش مرو، ژیۋایم ۋەش مسیۊ'. پۍ خوڵقناو ژیایۍ کە بۊنەشۊ کوشیۊ، کۊشش کەرۍ. پۍ خوڵقناو ژیایۍ ئاڎ ژیای ۋېش بەخشا. هەڵبەڎ ئاد بی بە گیان و رۆحو جەنگاوەرا پەکەکەی، بی بە خەتە و پیمانەو کۊشیای.
زیلانە قۆناغېۋە تازش بە پێودانگەکا کۊشیای زیاڎ کەرڎ
چېگەنە قۆناغەو زیلانېش پۍ زیاڎکریا. رۆحێوە تازەش پۍ زیاڎ کریا، قووڵتەر کریاوە، وەرفراوانتەر کریا. پی جۆرە رۆحو ١٤و تەمووزی جە ڕاو زیلانېوە پڕاوە پۍ قۆناغێوە تازۍ. هەڵۋێسېوە گیانبازانەی تازەش ئارڎ ئاراوە. جە وەختو پیلانگێڵیی دژوو رابەر ئاپۆینە، جە مدرامانو 'کەس مەتاۋۊ ۋەرو ئێمە تاریک کەرۊ' هەم هەڤاڵاما و هەم گەل ژیایشا بە گیانبازانە پێشکەش کەرڎ، ئاستو گیانبازیشا دلۍ پەکەکەینە وەرفراوانتەر کەرڎ. ئینەیچ فرە گرنگ بۍ.
رابەر ئاپۆ پۍ ئانەی شایەنو گیانبازا بۊ گەورەتەرین هەڵۋێسو ۋېش ئارڎ ئاراوە
رابەر ئاپۆ ئی ئەرەکۊشا گۊرەشە جە زینڎانەنە، پۍ ئانەی ئارڎ ئاراوە حەتا شایەنو ئا گیانبازا بۊ و ئاواتەکاشا بارۊنەدی. بەمەڵامەتو وەرپرسیاریی وەران ۋەر پا گیانبازییە و ئا گەشمەرڎاو ئا گرڎ شرۆڤە و ورڎبیەیۊشە کەرڎۍ و پارادایمی تازەش ئارڎ ئاراوە. وەرو ئانەی هەڵۋێسو رابەر ئاپۆی بی بە بەشێوە گۊرەو فیداییبیە و گیانبازی. ساڵەی ۋیەرڎۍ چالاکی هەڤاڵا سارا و روکەنۍ ئەنجام دریا. ئاڎۍ گیانبازانە و بۍ ئانەی تەرسا. ژیایشا وست سەرو دەسی، پېسە کەمال پیری پۍ خوڵقناو ژیایۍ تازەی کە ئینسان بۊنەشۊ مرۊ، ژیای ۋېشا پێشکەش کەرڎ. ئانەیچ کاریگەری گۊرەش کەرڎ سەرو ئەرەکۊشایما.
فیداییبیەی بیەن بە راسی گەلی
هەڵۋێسو خەبات کۆپی و زانا رۆژدای کە چی دماییەنە جە مێردین گەشمەڕڎۍ بیۍ، ئینا لوتکەنەیاگۍ ۋېشارتەیۊیشانە چۋاردەورشا گیریان بەڵام ئاڎۍ مېمان داریش کەرا، جە بەرزتەرین ئاستەنە قەناعەتو ۋېشا بە سەرکۊتەی کۊشیای سەرو خەتەو رابەر ئاپۆی نیشانە مڎا. هیوای گۊرەو ۋېشا وزانە ڕووە. کۊشیای پەکەکەی بە ماناو راسیێوە پی جۊرەینە. ئەگەر گەلوو کورڎی وەران ۋەرو گرڎ فشار و ستەمێوە ۋېڕاگری کەرۊ، ئەنجامو گیانبازی هەڤاڵامانە، رۆحو ١٤و تەمووزیا، رۆحو زیلانېن، روکەنېن، سارۍ و هەڤاڵا گەشمەڕدەی و ئا هەڤاڵانە کە تۆمارە دەنگیەکەشا ۋەڵاکریانۊ. فیداییبیەی بیەن بە راسی گەلی و گلېرگەی. بیەن بە کولتورێوە کورڎی.
ئینە پا مانۍ مۍ کە کۊشیای ئی گەلیە شکس نمارۊ و دلېنە مەشۊ، بەڵۍ کریۊ قوربانی دریۊ و کریۊ قوربانیەکە قورس بۊ. ۋەرو ئانەی دوژمنەکەما بە گرڎوو هېزیشۊ هجومی کۊکوشی کەرۊ، بەڵام گەلیچ جە سایەو کۊشیای ٥٠ ساڵەینە پېسە پۆڵایش پنەئامان و بیەن بە گەلێوە کە جە گرڎ هەلومەرجێوەنە ئەرەکۊشۊ، ئێمە ئیساتۍ ئینایمۍ دلۍ راسی و کۊشیایۍ پی جۆرەو پەکەکەی و گەلینە.
مشۊم شایەنو زانا رۆژدای و خەبات کۆپی بیمۍ
چی ماوەنە گۊشما جە تۆمارۍ دەنگی زانا رۆژدای و خەبات کۆپی بۍ. کاریگەریش سەرما نیارە. مشۊم ئینسان چنی شایەنو ئا کەسا بۊ؟ حەتا ئینسان شایەنو ئاڎیشا نەبۊ، ژیای مەبۊ، مرۆڤایەتی مەبۊ، شۆڕشگێڵیی مەبۊ. ئاڎۍ پا حەدە قەناعەتشا بە ئازاڎیی گەلوو کورڎی بۍ و هەرمانەو ۋېشا کەرڎە. مشۊم گرڎو گەلی، ژەنا، جۋانایچ چا رۆحە فیداییەو ٥٠ ساڵەینە دەرس هۊرگېرا و بۋینا کە بە چ مانێوە گنا دلۍ ئەرەکۊشای. لاو گەلیۊ ڕاسیێوە پی جۊرەیە وەش بیەن، حەرپۊکەی گیانبازییەکۍ بە زایە نەلېنۍ. ئانە تەنیا پېسە گیانبازی جمیەرو ئازاڎیی، پەکەکەی و گەریلاکاش نەبۍ، پېسە گیانبازی و مدرامانو گرڎو گلېرگەی ئەنجامدریا.
بەرێز و پنەزانایۊ یاڎو هەڤاڵ خەمگین سەرحەدی کەروە کە جە ماوەی ۋیەرڎەنە گەشمەرڎە بی. ئەنڎامو هێزە تایبەتەکا بۍ، جە ئامەڎ فەرمانڎەبۍ، هەڤاڵۍ بۍ کۊشیایۍ گۊرەش ڕاوەبەر کەرڎەبۍ، ۋەڵتەر جە چەولیگ و ئەرزڕومیچنە مەنەبېوە، دماتەر گېڵابېوە پۍ هەرێمەکا پارېزناو مەدیای. ماۋېوە فرە جە لاو ئێمۊ مەنۊ. بەراسی وردبین بۍ، بە رێز و پنەزانایۊ یاڎش کەروە.
مدرامانو گەریلای وەردەوام بۊ
جە خواکورک و مەتینانە چالاکیۍ گرنگۍ ئەنجامدریۍ. ئێمە بەرێز و پنەزانایۊ یاڎو گەشمەرڎاما کەرمېوە. ئا چالاکیۍ گرنگۍ بېنۍ، ئێمە ئینایمۍ قۆناغێوەنە کە دوژمن بە تایبەتی دماو هجومەکەو سەرو گارەی گرڎ ڕۋۍ هجومی دژوار ئەنجام مڎۊ و بە هامن و زمسان درێژە بە هجومەکاش مڎۊ. سوپاو تورکی ئی یەرە ساڵە وەران ۋەر بە دەوڵەتێوە تەری پا جۊرە گژیابیۍ، تاۋۍ ئەنجامی جیاواز بەدەس بارۊ، بەڵام ئیسە وەران ۋەر بە گەریلای چەقان و یاۋان بە بنبەس. بۍ گومان تەکنەلۆجیاش هەن، ملا بڕۍ یاگېوە، بڕۍ یاگۍ ئەرەگیر کەرا، بەڵام گەریلا دژوو ئانەی کۊشیایۍ تاریخی کەرۊ و وەردەوام بۊ. بە رێزۊ سڵام چا گەریلایا کەرو. مشۊم گرڎو گەلی ئا راسیە بزانۊ. جەنگېوە گۊرە کەرا. ئینە جەنگېوەن جە بەینو فیداییەکا و سوپېوەنە کە خۊتان تەکنەلۆجیېوە گۊرەن. ڕا مەڎا دوژمن ئەنجام بەدەس بارۊ.
غەڵەتا گرڎو جەنگەکەی سەرو شانا گەریلایوە بنریۊرە
بەدڵنیاییوە وەردەوامیش پنە مڎا. گەریلا تا دما نەفەس درێژە پا هەڵۋێس و چالاکی و کۊشیایە مڎا. مشۊم گرڎ کەسۍ ئانەی بزانۊ، بەڵام وەختۍ ئانەی ماچمۍ ، مەبۊ گرڎو جەنگەکەی سەرو شانا گەریلایۊ جیا بازیۊ. . ئەگەر گرڎو جەنگەکەی سەرو شانا گەریلایۊ بنریۊرە ئانە غەڵەتېوە گۊرە بۊ. پۍ کورڎەکا بۊ بە گۊرەتەرین غەڵەت. مشۊم ئی جەنگە جە مېڎانەکا کۆمەڵایەتی، کولتوری، بیردۆزی و گرڎو مېڎانەکانە وەردەوام بۊ. پۍ ئانەی شایەنۍ گەریلای بیمۍ پەنەوازەن جە چۋارپارچەو کورڎسانی درێژەش پنەدریۊ. چی ڕوانگۊ بە دڵنیاییوە ئێمە مانا و بەهای تاریخی کۊشیای گەریلای چی هەلومەرجە دژوارەنە مزانمۍ. ئێمە جە یاڎش مەکەرمۍ و گەلەکەیچما جە یاڎش مەکەرۊ، بەراسیچ نەک حەر پۍ گەلوو کورڎی پۍ مرۆڤایەتیچ بەنرختەرین رۆڵەکۍ تاریخینۍ. ئی رۆڵە قارەمانۍ تاریخ منۋیساوە. گەلەکەما حەجگیز یاڎشەنە مەشا. پی بۊنۊ وەشەویسی ڕېزو ۋېما پۍ هامڕایاما بەربڕمۍ کە هەلومەرجی دژوارەنە ۋېراگری مکەرا. هەست و مەژگ و دڵما وەردەوام ئینا چنیشا. شایەنو ئاڎیشا بیمۍ. پۍ ئانەی شایەن و شایستەو ئاڎیشا بیمۍ چېشما دەسەنە بۍ کەرمېش
پەنەوازا گرڎما خاسخاسێ جە قاڕچنیەیۊ یاومێنە
ماچا هەریاگێوەنە تیرۊریستێ با ملا و دلێشانە بەرا، یانێ هەریاگێنە کورڎ بۊ، کەس و ئەرەمەرزیاێوە پەی کورڎ بۊ، ئینەن سیاسەتوو دەوڵەتوو تورکی. ئامانجشا ماڕای ئیرادەو کورڎین تا جە کۊشیای ئازادیی دوورێشا وزاوە ملکەچێشا کەراجە گرڎ یاگێوە هجوومێ کەرا، جە وەرنیشت و پانیشتنە. هەریاگێوەنە یەرێ کوێ باوە ملاشا پەی. وڵاتپارێزنێ و کورڎێوە ئازاد وینا کەراش ئامانج. دوژمنێوە چانەما هەن، ئینە هەقیقەتوو دەوڵەتوو تورکی فاشیستین.
ئێمە بەهۊشیاریوە کەلیمێ قاڕچنیەیۊ بەکار مارمێ، مزانمێ قاڕ چێشا و دەڵەت چەنیش کەرۊ. دەوڵەتوو تورکی مەنەیۊش بە قاڕچنیەیۊ کورڎی بەستەنۊ، چاوەدرێژە بەمەنەیۊیش مدۊ و بە وێش ماچۊ: "کورڎا قاڕ چنووە". پێسە چەنی ڤامپایەرەکێ (ونچەکنەکێ) سەروو ونێوە مژیوا، بێ ون مەژیوا دەوڵەتوو تورکیچ پێسە ئادیشا بەبێ وێرانکەرڎەی و ماڕای ئیرادەو کورڎی مەژیوۊ، دما دڵۊپەو ونەو کورڎی چەکنا.
یاواینێوە چانەن ئانێ کە دەوڵەتوو تورکی بە سرووشتی وینا و شوبهناش بە بەشەکای تەروو دنیێ، غەڵەتێنێ، قاڕچنیەیۊ چێوێ تەرا. گەرەکشانە کورڎسانی کەرا بە هەرێمێکوە پەرتەوازە پەی کورڎەکا. ئەگەر دمایی کورڎا پێسە مەنەیۊ وێش وینۊ، مشۊم بزانۊ ئی دوژمنە چێشش پەنەکریۊ.
خیانەتوو کورڎی ڕەوایەتی مدۊ هجوومەکا
سەبەبی سەرەکیی ئی هجووما بەکارئارڎەی هامکاری و خیانەتوو کورڎین. پەی چێشی هجوومەکێ پاسە فرێنێ؟ بە هەر سەرڎاێوە نێچیرڤانی و مەسعوودی و مەسرووری پەی تورکیای، هجوومەکێ زیادتەرێ با. تورکیا جە ڕاو ئادیشاوە گەلوو کورڎی و کۊشیای ئازادییەکەیش تاوانبار کەرا. ماچۊ من دژوو کورڎی نییەنا ئینانا چەنی کورڎی. ئێمە جەنگوو ئا تیرۊریستا کەرمێ. خیانەتوو کورڎی ڕاوەشکەر و ڕەوایەتیدەرا پەی ئی هجووما، سەبەبا پەی زیادبییەیشا. دەوڵەتوو تورکی ڕەوایەتی و هێزشا چۊوە ورگێرۊ. وەختێوە مەسروور تورکیانە بێ، هجوومەکێ گەورێ بێنێ. ئی هجوومێ چەنی و سەروو چە بناغێوە ڕووە مدا؟ مشۊم یاومێشانە.
درێژەش هەن..
س.ز
