تا ئیساتۍ ١٥ کەسۍ جە ڕووەداو ئێرکۊتەیۆکەینە عەمرەو خوڎایشا کەردێنە
ژمارەو ئا کەسا کە جە ڕووەداو ئێرکۊتەیۆکەو سەرنیشتوو کورڎەسانینە عەمرەو خوڎایشا کەردێنە یاوا بە ١٥ کەسۍ.
ئێرکۊتەیۆ جە ئامەد و مێردین
جە ڕووەداو ئێرکۊتەیۊینە جە دەگاکاو بەینوو ئامەدی و مێردینینە، ژمارێوە فرە جە هاموڵاتیا بیۍ بە قوربانی. پا مەڵامەتۆ ژمارەو ئا کەسا عەمرەو خوڎایشا کەردێنە تا مۍ بەرزبۆوە و بیۍ بە ١٥ کەسۍ. کەسێوەتەرە بە نامۍ حەلیمە ئەردەمێوە بەمەڵامەتوو فرەیی ڕێژەو سۊتەکەیشۆ، دماو چن ڕووۍ جە خەسەخانەنە گیانش جە دەسدا، دماتەر جە مەراسیمێوەنە جە دەگاو هەربەری ئەسپەرڎۍ کریا.
