وەڵێ نیمەڕۆو ئارۆی چوارشەممە  (٢٠٢٣⁄٦⁄٢١) جە ھۆڵوو بۆنەکاو خورماڵینە، بەشوو ڕۆشنویریی خورماڵی بە ھامکاریی چالاکاو مەنتێقەکەی (عادل کۆچەری، فەرحان تاھێر)، ڕاورەسمێوە جوانوو ڕێزوەنەنیایشا پەی چواردە (شاعیر، بنویس، ورگێڵن)او مەنتێقەکەی ڕێک وست.

ڕاوڕسمەکا بە ئامادەبییەی ژمارێوە فرە جە کەسایەتییا و دەزگا و دایەرە حیزبی و حوکمییەکا و ڕێکوزیایەکا، لوا ڕاوە، دلێشەنە ئیبراهیم مەیکە عەلی بنویس و کۆڵیار واتەو بنویسەکاش واناوە و بە نامێ ئادیشاوە  ئێژانە و دەسوەشییش ئرمانا پەی بەشوو ڕۆشنویری و ڕێکوزا مەراسیمەکەی.

مامۆستا ئەیۆب ڕۆسەم سەرۆکوو مەڵبەندوو ڕۆشنویریی هەورامانیچ واچەو مەڵبەندەکەیش واناوە و هەرمانەکێش بە گرنگە و یاگەدارە وەسفە کەردە، دیاریی مەڵبەندوو ڕۆشنویرییش بەخشا بە بنویسە ئامادەبییەکا، کە جە ڕاو محمد سابیر ئەحمەداواییوە پێشکەش کریا.

س.ز