تارا حسێن-ە هامسەرۆکەو تەڤگەری ئازاڎیی، بانگەوازش پۍ بەشداری کەردەی جە نەورۆزوو ئێساڵ و قەندیلینە کەرد و واتش: ۋەروو ئانەی ئێساڵ نەورۆز گنۆ مانگەو ڕەمەزانی، پۊکەی پۍ ۋەربانگوو هامولاتییا ئاماڎەکاری کریان، ماچۆ: نەورۆز بناروو قەندیلینە مەعناو ۋێش هەنە
جە چەمپنەکۊتەیێنە چنی ئاژانسوو ڕۆژنیوزی، تارا حسێن-ە، هامسەرۆکەو گرڎیی تەڤگەروو ئازاڎیی کۆمەڵگەو کوردسانی، داوا جە گەلی کەرۆ، جە ٢٠ و ٢١و ئی مانگێنە بەشداریی جە مبارەککەردەی جەژنەو نەورۆزوو بناروو قەندیلینە کەرا.
جە سەرەتاو بانگەوازییەکەینە، تارا حسێن-ە، واتش: جە نەورۆزی ۋیەردۆ پۍ نەورۆزوو ئێساڵی گەلوو کوردی جەمۍ قۆناغۍ هەستیارێش ۋیەرنۍ، کۊشیای و دەسکۆتۍ گۊرۍ بێنۍ، جە هەمان وەختەنە قوربانیۍ گۊرۍ دریۍ، نەورۆزوو ئیساڵی گنۆ دلۍ مانگەو مبارەکەو ڕەمەزانیۆ، پۊکەی داواما پۍ هاموڵاتییا پانیشتی و پارچەکا تەروو کوردسانی و کوردا بەروو وڵاتی، ئانەنە کە نەورۆزوو ئێساڵی جە قەندیلی سەربەرزۆ پیرۆز کەرا.
باسش جە گرنگی بەشداربیەی جە نەورۆزوو بناروو قەندیلینە کەرد و واتش: مەعناو ۋێش هەنە، مەبۆ حیچ چێوۍ بۆ بە وەربەس ۋەروودەم و لاواز ۋیەرنای ئی نەورۆزەینە، ئاماڎەکاریی پۍ ۋەربانگوو ڕۊچۍ ڕۊچەوانا ٢٠و مانگۍ کریان، حەرپاسە شەوەکێچش مەراسیمی تایبەت ملۊڕاوە.
تارا حسێن-ە هامسەرۆکەو تەڤگەری ئازاڎیی گلێرگەو کوردسانی جە دمادمایی قسەکاشەنە واتش: "تاریخێوە دوور و درێژا گەلوو کوردی پێسە گەلا تەروو مەنتیقەکەی، نەورۆزی بە جەژنەو ۋێش مزانۆ و پیرۆزەش کەرۆ، فرەو وەختی قوربانی گەورەیچ دریێنۍ چا وەختەنە، بەڵام حیچ کام چا کۊکوشی و قوربانییا نەتاوانشا بانۍ بە لەمپەڕ ۋەروو دەموو پیرۆزکەردەیشەنە، چونکی جە دمایینە قوربانییەکێما پۍ پارێزنای بیەیمانۍ".
