جە شارو میونخو ئەڵمانیای بە سەرمەشقی دەسوەڵېوستەی گەنجا کورڎی پۍ ئاشکراکەرڎەی تاوانەکا جەنگو دەوڵەتو تورکی ئەرەگیری، سەکۋېوە نریارە. جە سەکۋەکەنە بانگەوازېوە ئاراسەو گېڵیارا کریا و ئەرەیاۋیا، "مەلدۍ پۍ تورکیای کە تاوانەو جەنگی ئەنجام مڎۊ".

جە چالاکییەکەنە گەنجۍ بەشێوەی زۋانی و نویسیا هوشیاریشا بە مەردمو دەورووبەریشا دا و ئاماژەشا پانەی کەرڎ، دەوڵەتو تورکی هجومی ئەرەگیری و جینۆساید بە تایبەت پۍ سەرو سەرنیشتو و ۋەرکەوتوو سوریای و پانیشتوو کورڎسانی ئەنجام مڎۊ.

ئا گەنجۍ ئەرەیاۋناشا، "گەشتو گېڵ یۊن جە گۊرەتەرین سەرچەمەکا داهاتی پۍ دەوڵەتو تورکی، حەرپۊکەی گېڵاکاتا پۍ تورکیای هورشېۋندۍ و مەبیدۍ بە تەرەفو جەنگی".

ئانەیچشا وست ڕوە، ماوەو زیاڎ جە حەفتېوەن دەوڵەتو تورکی ئاێرش جە دارسانەکا کەشو جودی ۋەردان و ڕا بە هاموڵاتیا مەڎا ئاێرەکەی کوشناوە.

هـ . ش